管理公司只有兩年任期

G-NET

首先本人對續約問題並無任何立場 但我發現本苑公契對此問題避而不談. 公契對業主於委任期內要中止管理公司委任有好詳細的規定 終止委任要有百分之五十份數的業主支持. 但如果管理公司的委任到期(即2006年4月) 這樣管理公司是否會自動連任多兩年 或是多五年 定還是由業委會決定任期.

這一條問題 公契無直接列出答案 但我跟據公契上文下理 我覺得應該係管理人委任到期前三個月 由業委會決定下一任管理人任期.

G-NET

青衣曉峰園的啟勝管理服務有限公司 為藍澄灣解答了有關任期的問題.
http://www.shkrealestate.com.hk/haven/reference/mgmt.html

hales

我睇左你講既野 以我所理解你既意思係...
如果要提早換管理公司會很困難 因為以我們rc的情況來說 很難有足夠(50%)
的業權份數票來炒左間管理公司 right?

所以唯有係等到約滿(兩年)之後 就無需要再考慮到解約所需的50%業權份數票
的問題了 right?

不過你有無諗過 約滿後另立的新約 新管理公司 需唔需要有50%業權份數票
來支持委任一間新既管理公司? 定係業委會作為業主的代表 已經可以由
委員自行決定由誰來作為新管理公司呢? 假如 是前者的話 會唔會又回到同
一個問題 非住宅部份的業主"夾埋"(難聽o的...唔好意思) 委任反現在的管理公司
來管理 理由係做生不如做熟 一切很了解 不用重新適應...
如果係後前 會唔會同公契之間有"底足"的地方? 炒人時就要50% 委位時就不用?
另外兩者之間又會唔會關連到利益衝突的問題?

嗯...別無它意 只是提出來大家可以思考一下

G-NET

好多謝你提出的問題 讓我可以詳細思考有關管理合約的問題. 原來我地買樓時 大家簽訂的公契文件(Deed of Mutual Convenant)還包括一份管理合約(Management Agreement) 內容係各位業主同意委任和黃物業管理公司為屋苑管理人 任期由入伙日起計為期兩年 即2004年4月1日至2006年4月1日.

明年管理合約到期後的安排 公契(上面7.2(d))訂明由業主委員會全權決定 因為管理公司已經不再是管理人 管理人權力由業主委員會行駛 所以到時候 業主委員會就有權和任何公司定立新管理合約 而且合約任期可以話係無限制 一年兩年五年甚至十年都可以. 不但如此 新合約更會即時生效 就算業主大會反對有關合約 一樣要以中止管理公司程序辦事.

所以你講得對 這就是公契不公平的地方 訂立新管理合約 只需18人的業主委員會決議通過 而且和黃本身已經有8票 通過新合約只需兩位住宅業主支持. 相反 如果業主要除消新管理合約 就要找合共百分之五業權的業主一齊做召集人 召開業主大會 再係會上得到百分之五十業權的業主支持 先可以更換管理公司.

我個人認為破解之道 就係新管理合約必需係舊管理合約屆滿前簽訂 使住宅業主有時間反對不合理的條款和任期.

我地可以先討論一下新管理合約的任期 然後要求業委會 係12月31日之前 討論會否更換管理公司 如果認為要繼續委任 業委會就必需係2006年3月31日前 與管理公司簽訂新管理合約 這樣的安排可能保障到藍澄灣所有業主的權益.

希望各位可以提出新問題 讓大家思考. 因為解決了管理合約的問題 差不多等於解決了藍澄灣所有管理問題.

grassman

多謝G-NET資料，資料十分有用，讓我們醒覺管理公司唔好坐定"凹"祿，我諗重要既係要爭取時間，如果要換新管理公司，我們需要大量時間去諮詢、共識及爭取支持，也要為交接作準備，免被到時因時間緊逼原因被逼續約現在的管理公司。

G-NET

我覺得更換管理公司未必可行 反而把續約問題同下年度的管理預算一齊同管理公司談判會更有效.

dracula

咁係咪最好o係 12月31日前 諗定現有合約之不足~ 到定新合時可以完善d 和 有保障 d~

saga

[quote:4c6d22bb49="G-NET"]我覺得更換管理公司未必可行 反而把續約問題同下年度的管理預算一齊同管理公司談判會更有效.[/quote]

Fanstar 係邊 快d出來
佢係呢方面應該有d 經驗

zaku

明日居(大窩口熊貓酒店旁)間管理公司好似都係2年期. 佢一走 眾業主發覺盤數有"規"損 可能要夾 $$. 當日開售 明日居 時是標榜 平管理費($1.1?)!! 不過佢地包左個club house落管理費.
我地上次開會有提到洗1次水箱幾多幾多錢 原來1次已經係其他公屋1年(8萬-好似係１幢)的洗費!!
大家亦需要留心管理公司有無"不知不覺間"多花錢 否則2年之後大家齊來填氹!!