有問題想問下...

grassman

Yes, Tower 1 is very good!   望唔到其他單位!

我係小忌廉

我住3住F單位架, 企係窗台就會睇到個泳池架啦, 如果俾我選擇買2房, 都係F單位好D, 其實冬天我又唔覺得向西北特別冬, 可能我以前住屯門, 比起青衣暖左幾度啦....

彥彥

kiki1983

多口問下，你睇樓睇成點??有無心水單位同依家d業主開價貴唔貴啊??

kiki1983

尋日睇左3個盤, 價錢呢.....我都唔知算唔算貴左....
但唔係我心目中既價錢囉...
而且業主企硬, 一蚊都唔肯減....
所以會再搵多D盤睇下先~~~~

我睇左果D盤, 向山, 向內園都睇過...
我覺得望酒店既感覺都唔差, 唔係想像中咁壓迫感....
而且都會知道夜晚返到屋企都好少開窗簾....所以問題不大...最緊要係屋入面既感覺好~~
間隔非常鐘意, 最鐘意683/680呎既SIZE...個廚房大D~
暫時都未感覺到佢好嘈, 好光, 隔音差.....XDDDDD
而且一行到去, 我同未婚夫都覺得好舒服, 保安都幾好...
係真係會有幾多內地人周圍行同出入~但唔覺得問題好大~~~

再有咩問題, 我會再問大家~~~~唔該晒大家!!!!
THANK YOU!!!^.^

彥彥

如果你接受到向酒店的話，應該2百10幾萬應該可以了，如果係低層可能仲好少少，因為有池景添。向山應該依家要2百20萬或以上啦，不過感覺應該開揚好多。不過得3個盤睇....好似少左d........如果有得睇，你不如睇下向海，你應該會更鍾意。

kiki1983

試過價, 21X萬係可以既~但自己仲有其他問題KICK住, 可能要過左年之後先決定了....
望海既, 一定會更貴, 我地AFFORD唔起丫~XDDD
我之前睇左一間, 係低層望泳池, 但似乎屋入面太暗....望咩景, 我反而唔太CARE, 因為都唔會好有時間望出去啦~

過左年會再有決定, 到時再同大家講~~~
THX EVERYONE!>.<

unicorn

同埋D人成日話RC自由行多, 但借問那些人, 而家香港邊度冇自由行呢? 基本D自由行已經成街都係, 唔只RC有啦。

以本人喺RC住左幾年嚟講, 覺得以RC咁既呎價, 有咁既環境, 已算很好, 要彈既, 我只會彈RC既隔音問題, 致 ...
一家四口 發表於 2010-1-18 19:11

我之前都係由葵芳搬入嚟既
yes
呢度對葵芳友係筍盤
對青衣友就唔好啦
因為太過山卡啦

unicorn

如果你接受到向酒店的話，應該2百10幾萬應該可以了，如果係低層可能仲好少少，因為有池景添。向山應該依家要2百20萬或以上啦，不過感覺應該開揚好多。不過得3個盤睇....好似少左d........如果有得睇，你不如睇下向海 ...
彥彥 發表於 2010-2-1 10:30

向山盤唔係向東南
凍死人
夏天熱死

一家四口

本人住D單位, 一D都唔覺冬天會凍到死人喎, 可能RC既窗閂實左都幾實, D風一D都入唔到掛, 至於夏天, 亦唔會覺得會熱死人, 自問就算間屋向邊個方向, 夏天都會開冷氣, 因此唔覺係一個咩問題, 我就鐘意多D陽光入屋晒下既。

之前我由葵芳搬入嚟RC, 都怕冬天間屋會好凍, 但而家真係唔覺喎, 反而之前住葵芳到冬天時, 唔著拖鞋就凍到跳跳下咁行 (而家同以前都係用地磚), 相反而家就唔洗"跳"添

sylvialai

我住1座F室.....   冬天唔凍, 西斜只晒到房, 及廳少少窗台位
有太陽入下屋起碼都可以晒下被, 晒下衫,
起初買西斜樓都怕會熱, 但...其實收得工返屋企, 乜都散晒
本身住大埔區好靜山邊, 都擔心1座下面條橋通車後會好嘈....又冇事喎~
自由人係麻煩, 其實唔係有佢地都未必有百佳, 大家樂係樓下,
如果真係要買, 都會出葵芳, 因為多好多野買

有錢的話, 買兩個細單位唔過五百萬, 跟住打通兩間屋, 成千幾尺...... 得七年樓齢
係香港都冇乜邊到可以找到這個價錢啦....