想置業藍澄灣

Roo

大家好!
本人居住青衣多年 對青衣情有獨鍾. 想置業藍澄灣 但聽說過那兒的漏水的情況比較多 亦有嘈音及燈光問題 我想大家幫我解答以下問題:
1. 是否真的有漏水問題?如果是 那座 那個單位漏水的機會比較大?
2. 單位裡多數是那個位置漏水?
3. 睇樓的時候 如何檢查到個單位是否曾漏水?
4. 假如入伙後才遇到漏水情況 管理處會否助新業主處理?
5. 嘈音及燈光問題是否很嚴重? 那座 那個單位會比較好一點?
謝謝各位!

saga

[quote:3930e7408a="Roo"]大家好!
本人居住青衣多年 對青衣情有獨鍾. 想置業藍澄灣 但聽說過那兒的漏水的情況比較多 亦有嘈音及燈光問題 我想大家幫我解答以下問題:
1. 是否真的有漏水問題?如果是 那座 那個單位漏水的機會比較大?
2. 單位裡多數是那個位置漏水?
3. 睇樓的時候 如何檢查到個單位是否曾漏水?
4. 假如入伙後才遇到漏水情況 管理處會否助新業主處理?
5. 嘈音及燈光問題是否很嚴重? 那座 那個單位會比較好一點?
謝謝各位![/quote]

試下答你 等其他業主補充

1. 漏水問題分兩頭; RC 的浴缸設計是對樓下有開孔式 用沙口板求其封下個開孔 有水照流; 只要浴缸膠邊封得唔好又或者日久失修 水會由浴缸邊流入 由開孔引流至樓下o個層假天花
唔好處是樓上流水你會好快知道 仲要滴
好處係你好快知流水可以馬上知道叫人維修 唔會咁易搞到地檯儲水 沉到出走廊整黑d 木板 or 整壞樓下既天花有得賠
仲有 打風時廚房抽氣扇位有機會入水 由其食風o個邊

2. 多數係浴缸膠邊 (有時會係浴缸枕邊) 因為沒有封死 而只靠浴缸個膠邊 而o個d 膠邊好多時會起邊入水的; 窗邊入水好少聽到

3. 睇下有無水漬 (打開假天花)  問下樓上樓下 ~
最安全約埋樓下樓上做放水測試 (浴缸邊 所有去水位 x 5 - 廁所三度 廚房兩度)

4. 協助測試 但維修要自己搵 錢要自己俾

5. 嘈音完全唔關事 比起好多屋苑成日聽到車聲 RC 出奇地靜 (我係 B 單位的)
間中會有船笛聲 但一定無汽車聲咁煩
燈光 除非你高層向海，唔係根本睇唔到 ~
至於燈光 係房拉埋個簾搞掂 夜晚貨櫃碼頭景色應該唔錯添 (我唔知 只係睇過鄰居d相)

RC 有人話最大問題係自由行 成個商場都係佢地出出入入
如果好介意的話會住得唔開心
不過我自己都係中國人

有錢人厭棄窮人 窮人厭棄同胞 同胞厭棄印度人 印度人厭棄非洲人

對面既酒店質素的確係比我想像中"樸實"  -_-"