3 座替更保安員

Mr and Mrs 123

3座今早0700 -0745 (我在0745返工時投訴)的替更保安員(從未見過佢)竟然將大堂大門打開任人自出自入 :em20:  我在0710及0745落樓都係咁 無Yk枉佢 我去告訴維持小巴 秩 序的保安員知道 他竟為他辯護可能繁忙時間方便出入 有無攪錯 繁忙時間多人出入係咪應該更加小心?  :em05: 歪理當真理 連咁簡單保安概念都錯點做保安? :?:

我即時再打去保安組(3165-1500)反映 唔知之後跟進成點 在此請各位3座住客留意 如見再有類似情況 請即致電投訴 (3165-1500) 現在酒店住客數量多如保安不夠嚴謹 很容易被人混水摸魚 我地又無裝鐵閘 警覺性一定要高D!

grassman

一座的在勁繁忙時間都會打開度門，但個管理員就會"棟"係個玻璃門度！

一家四口

其實我諗都唔係只係3座問題，我入住RC只有幾個月，剛剛搬入果兩日，我發覺度門不用按密碼都開得到(當時因剛搬入，我冇留意到保安員柜位都有開門制)，我就問個當值保安員，度門係咪壤左? 唔洗按密碼都入到? 但點解壤左幾日都未修理番，佢答我因為見我入，所以幫我按了制.....

但問題係當時我總算生面口，做咩佢問都唔問就放我入去????係因為我個樣睇來都冇"殺傷力"????定係保安方面出現問題????

我地呢座既保安員好有禮貌，但保安方面，可能都有D問題 !! :sweat:

grassman

座頭白衫0個D比較固定，所以見幾次就認得你都唔出奇，但藍衫0個D只不定時不定座咁頂一陣，佢地是否認到邊D係住客邊D唔係就真係好難講！

Mr and Mrs 123

我將此投訴放在管理處的意見欄內 值得一讚有位梁先生於1045致電給我 話已經知係邊位保安員 向我保証唔容許 會跟進...  (我向他說明不是想小事化大 但此文化不可助長 故即時舉報)

得知3 4 月左右會實施用智能卡 我建議只淮白衫的座頭服務員放認識的住客入內 替更保安員不可這樣做 而住客本身亦需理解及體諒 自己使用智能卡/按密碼進入.