急問:收樓程序

siukwai

我知呢度好多都係一手樓業主 但我有個關於買二手樓o既問題唔知大家能否解答~
我即將收樓了 我想問以下幾項野知唔知應該係幾時做 (因我問了律師和經紀的答案都唔一樣):

1.去律師樓簽按揭契 (係咪同第2項一齊搞?)
2.去自己個律師度俾餘數及簽樓契等 (係咪成交前兩三日?)
3.驗樓 (驗幾多次? 係咪成交當日驗 定之前?)
4.交匙 (係咪成日當日先交?幾點交? 定驗完樓可以交左先? )
5.申請水電媒 (是成交前? 還是成交當日? 還是成交後慢慢來?)

唔該晒~

milk

我答妳．．．．．．．．．．．．．．．．．．唔倒．．． :dead:

e5

1.2項您問律師會比較隱陣始終有些關於契約問題律師會較清楚做法.
3.4.應該會同日做但驗樓通常都有個驗樓期示付同一手業主大家得到共識...
5.申請水電媒你可搵地產方面幫你安排辨理有關手續(有些地產公司都會代客辨理)

二手樓驗樓留意:
注意窗邊可在下雨後睇窗邊牆身如發現現有比正常深色的部份代表有滲水問題.
注意天花如天花滲水鋼筋會锈蝕發黃變啡天花會有锈漬.
留意主力牆用手敲打主力牆聲音結實如有部份聲音較響代表曾有孔洞以磚頭填補.
檢查地板木地板滲水或曾水浸會漲起或變深色.
如有平面圖可檢查平面圖看有否僭建.
將洗手盆浴缸等盛滿水觀察去水是否流暢及喉位有否漏水.
打開全屋電燈及電器待10分鐘觀察有否斷電問題.

另外部份二手樓連裝修及家具電器一起出售.買家在簽臨時合約時要列清楚電器家具清單牌子及型號
同時可用照相機將家具及電器拍照由代理作見證人作實到收樓時逐一檢收.

3.4. 由於項目眾多...現有只能提供一部份
如方便請email給我再轉寄份詳細驗樓清單幫您.

siukwai

e5:

唔該晒~ 我pm 左個email俾你啦~

小葵

kk-in-hk

第一項唔清楚.
第二項 : 記得係早兩三日寫定張cheque比律師樓交尾數. 即係律師樓代你找數比對方.
第三四 : 交樓時.
收樓日: check 對方間屋有無欠繳費 (水電煤 管理費) 要對方出示收據(再由你keep起) 否則有d欠款會要由你交. check完所有野如果你認為好唔ok 要馬上知會你自己律師樓停止過數. 所以最好早上交樓. 如果真係有欠款(多數係管理費) 要對方交比你支票或現金再由你去交. 最好寫在臨時合約上 由地產作証 因為萬一有額外罸款的話日後你可以再追對方.
Good luck!

e5

[quote:6e90f2364d="siukwai"]e5:

唔該晒~ 我pm 左個email俾你啦~

小葵[/quote]

Hi 小葵

Z璊滮妊珥蠷p客氣   
我暫時未收到妳pm俾我資料!
煩請妳再send多次

E5

Jeffrey Shirley

以我有限o既知識所知，二手樓係收樓後，才可以驗樓，不過就要自己搵人執。
一手樓先會有機會有發展幫你執（但不一定，要講明先有）。
請附上 check list 一份，可供參考。

Jeffrey Shirley

可以去以下網站，睇睇幫吾幫到手吖：
http://www.clerkofworks.com.hk/

siukwai

唔該晒咁多位解答呀 d 資料好有用 希望到時驗樓順順利利啦~

saga

http://www.gohome.com.hk/resources/userguide/buy2nd_trans.asp

買賣程序

買方(透過代理)與賣方議價及洽談各項條款

簽訂臨時買賣合約，支付細訂(一般為樓價之2-5%)

簽訂臨時合約後14天內，買賣雙方簽署正式買賣合約，買方付予賣方大訂(一般為樓價之10%減去細訂已付的數目後所得的餘數，便是應繳付之大訂。細訂加上大訂，通常是樓價的一成。)

打釐印、繳付印花稅及於土地註冊處登記合約*

買賣雙方協議正式完成交易日期 (通常簽署正式買賣合約後一個月內)

買方律師審核業權

買方律師草擬樓契，由賣方律師審核確保無誤

成交前一日，買方前往單位驗樓，查看一切是否妥當

正式完成交易日

- 買賣雙方簽署樓契

- 買方律師將樓價餘數交給賣方律師  (如須辦按揭必要在這日前完成手續 於這日簽訂據契 並由銀行律師將樓價餘數交給賣方律師)

- 賣方將物業交吉及交還單位鑰匙予買方(交吉日期不定，可由雙方協議)

打釐印及於土地註冊處登記該樓契*

完成交易

-----------------
購置「二手樓」者，在簽署臨時買賣合約前，應細閱各項條文及了解所須的各項費用，並要求地產代理解釋清楚。置業者不應簽署未填上資料的臨時買賣合約。

置業者簽訂臨時買賣合約前，應要求地產代理提供最新業權資料。如對業主還款贖樓能力有疑慮，置業人士應要求訂金由地產代理或律師行託管，以免業主一旦不能交易而損失訂金。

購買「二手樓」者，在繳交定金時應要求賣方在臨時合約或收據上註明交易及交樓（連「交吉」）的日期，然後在律師樓簽約時加以註明。

記緊於交易前一日及交吉當日去驗樓，查看上手業主是否已完全遷出，並沒有遺下任何私人物件。如上手業主將物業租出，就應查看其租客是否已確實搬走。

收樓時，最重要是帶備相機，如在驗樓時對任何地方有不滿，便可即時拍下照片以作證明。然後向專業人仕徵詢意見，商量是否要索償維修或修補傢電費用的賠償。

查核賣方有沒有根據臨時買賣合約上的承諾，送齊傢俱及電器。而且，更要小心查看傢電是否正常無損壞。

從賣方手上取回鎖匙後，裝修後記緊立即更換門鎖，以保障安全。

找律師查上一手業主是否已完全繳清管理費、差餉及地稅、水、電費、煤氣費等。

申請水電煤及開始裝修