[quote:df0685d8d5="diedsee"]大家覺得出門擺酒果日有冇需要請人做大"琴"姐 MC & 場地報置呢??[/quote]
男人講野︰睇妳既要求同埋銀根
1) 大襟組~~佢既作用係幫妳o係o個日同 D 長輩飲茶,講 D 祝福語(o個 D 利是佢自己袋),而家都冇見大襟姐咩新娘囉,
不過如果妳地重視中式禮儀既話,無可厚非既;又如果妳有姊妹o係哩方面係好有經驗,我覺得可以慳番哩 D 錢!
2) MC~~佢既作用係幫妳o係o個晚攪氣氛同埋程序,而家好多人都係搵自己講野叻既朋友做,因為佢地對新人有多 D 既認識,
又認識某部份人客,會容易有火花;如果妳有兄弟姊妹o係哩方面有經驗,我覺得又可以慳番哩 D 錢!
3) 場地佈置~~如果妳覺得舉行晚宴既場地佈置唔係咁適合妳,我覺得唔好慳,因為o個 D 佈景係要黎襯托妳,如果襯得好,影出黎既相會靚好多嫁!
以上純粹個人意見,一生人一次既日子,都係妳自己決定把啦! :mrgreen: