請教義務游泳教練~

Tomato

d男人個個都係咁0架...我隻佬又係咁.....

我隻佬教我扶實池邊放鬆個人 等個人浮 然後隻腳不停踢水.....不過都仲未可以自己游 但係好過之前連落水都唔敢...

佢都係教教0下無耐性 成日自己走左去游 等我一個人驚到死掹實個池邊.... :?
後尾因為佢無戴泳鏡 隻眼醃到紅晒 先至唔游理0下我.....:cry:

Tomato

咁會唔會有人天生學極都唔識0架??
例如我踩單車係學極都唔識 又平衡唔到 我家姐細妹都係咁......係咪天生??

Tomato

[quote:399dc014f4="bikbark"][quote:399dc014f4="Tomato"]咁會唔會有人天生學極都唔識0架??
例如我踩單車係學極都唔識 又平衡唔到 我家姐細妹都係咁......係咪天生??[/quote]
我估你o地似係怕跌倒怕痛多d[/quote]

即係我仲有得救.....係有得教 :

Tomato

[quote:af11758457="milk"][quote:af11758457="肥度"]覺吾覺其實係人越大越難學...因為諗野複雜化左..[/quote]會的會的～人大了就會明白沉左落水底而又上唔返上水面會有乜後果，所以真係越大越難學！

慶幸幼時家母要我學懂游泳自救，而幼時的我又唔識死，次次去到大人池就唔理三七廿一跳落水，
所以約在七至八歲時已學懂游泳(蛙式)，而我個人又好專一，所以到依家都只係............識蛙式 :mrgreen:
背泳都會，不過游得唔好，只會休息時才用！ ops:[/quote]

一定係越大越難學 你見d小朋友真係唔識死 一見到水沖落去 乜都無有怕 幾咁開心......
我細個0個陣 我媽咪好保護我地 唔比我地游水、踩單車...連入廚房、"渣"針線都唔比 (家政堂係第一次煮野 0個陣煲水都唔識....) 所以出去同同學踩單車都係偷偷地進行 所以成日就住就住 唔敢整傷 怕返屋企比阿媽鬧......可能因為咁怕跌 怕傷 所以乜都學唔識.........

Tomato

我阿媽而家間唔中都會哦0下我......上次我話游水 嚇死佢...... :mrgreen:

我隻佬話會幫我等訓 ops: