一齊申請封明渠好難睇又臭!!!

CJ

唔 重有積水tim...

CJ

[千周刊訊] 專題報導 作者:賈大吹

藍澄灣又一驚人發現
==============
繼上回本刊毒家報導 藍澄灣噪音不可能住人之後 買家居然不為所動 而且樓價越升越有. 雖然本刊煸風點火失敗 但仍然堅持冇咁衰 唱到佢衰.

入伙之後 果然如本刊所料 內園單位若如圖書館 跌一個橙全個屋苑都可以聽到 試想如果同時一千戶同一時間跌一千個橙 噪音一定令人不能忍受. 可見本刊先見之明.

本刊本一貫作風 吹毛求知 異想天開的態度; 又有發現另一驚人大秘密.

原來全港的去水渠全都集中在藍澄灣!

據本刊作者臨時諗到 有人見到美景方向有一巨大水渠 雖然有証據這是兩水渠; 但其實根據本刊作者明作老屈 發現原來伊拉黑政府有意將全港的去水渠全都集中在藍澄灣!

本刊作者訪問了其中一位住客巫柿仁 他哭訴: "冇啦冇陰公啦 千周刊話又有尸米 又有尸水 重有榴蓮tim. 慘無人道呀 暗無天日呀... 喂 喊左咁耐 你幾時比番d '媒'費我先?" 巫先生熱情非常 令人十分可悲 本作者亦無謂再勾起他的傷心事... "喂 做乜拉住唔放 上緊鏡架..."

本作者又走訪過作大大學講師 崔道雲說: "唔係馬後炮 其實當年起樓時 我已經知道大鑊. 點可能住得人 有條大水渠喎 你估係深井河呀. 全港d水渠冇哂啦呢個計劃係發達姆收埋既mass weapon of destruction 據聞拉燈都住過係裏面 咁危險... 喂 做乜拉我走呀 我未講完... 喂~" 一名白衣男子上前: "對不起 下一次我們會小心看管我地醫院的朋友."

本刊發現此事黑驀重重 作者千山萬水找來的証人竟然一一失宗 所以本刊一定會繼續追查 小事化大.