藍澄灣業主社群

標題: 杯葛「劣」質乾洗會 [打印本頁]

作者: 公公婆婆 時間: 2007-1-2 21:39:05 標題: 杯葛「劣」質乾洗會

事件發生在聖誕前幾天，仍然不吐不快，希望大家知道何謂「優質」？何謂「今時今日的服務態度」？ :em13:
聖誕節前後放大假，順道作「小掃除」一番。
其實樓下的乾洗會早已聽過不少rc人說會洗唔見衫，本人亦領教過，之後寧可將乾洗的衫車過海到以往幫襯開的店洗，一年多來一直沒有再光顧。
不過，今次想將全屋窗簾清洗，由於太重，不得不重踏乾洗會。可是，不快經歷在一年多後又再發生。

乾洗會收八點，當日早已再致電confirm收舖時間，我趕緊在八點前拿去洗。
一個人拿著十幾磅的窗簾進入乾洗會，當時是晚上7:50，距離收舖時間還有10分鐘，乾洗店大門依然開著。

甫進入，女店員立即用極不友善兼不耐煩的目光投向我，好像不想我幫襯似的；並完全沒有協助我將十多磅窗簾放上台面的磅，只是撓埋雙手。

女店員(語氣極差，一直持續)：我地收八點架！我電腦已經熄左，你要洗就聽日落黎拿番張單，而加冇單俾你！
我：好....(有點不滿，因為還有十分鐘先關，門又開住，但電腦就咁快關機，但無奈...)
女店員：你入面有冇遮光布？
我：冇
女店員：有冇窗紗？
我：有一幅
女店員：洗爛左我地唔負責架！因為(窗紗)晒得多會易爛...
我：(你咁講我點洗)隨即抽起...
女店員：(重複)我地收八點架，你聽日先取單...
我：咁你聽日先俾得單我，我聽日先俾錢...
女店員：唔得，要而加俾！
我：我唔夠錢，過去百佳eps取...
女店員：(態度再差十倍，很大聲)我地收8點架！你快d啦！
其實當時只是7:55

這位女店員之嚇人惡劣態度係我從未在其他各類型店舖經歷過，竟有做生意的可以呼喝客人！
雖然乾洗會係以專利形式經營，但請店主也不要忘記，你們的招牌是「優質」，洗唔見衫可能係意外，但員工「倒米」態度卻令人難以接受。只要將心比己，就知道應怎待客！
如果係想早收工的話，懇請提早關門掛上「休息」牌，本人即使落到黎未到八點關了亦只嘆自己黑仔，而不應大門開放、電腦及員工卻己「早抖」。

:em05: 希望rc鄰居門仍有需要光顧此店時格外小心，以免被惡言相向嚇親！

作者: 一家四口 時間: 2007-1-2 22:46:39

我就有以下經驗 :

我上兩星期買左一件厚外套比個仔由於習慣新衫都要洗一次至著老公又剛出完trip返嚟有件羽絨外套都要洗就叫工人一齊拎左落去洗啦。

點知返到公司就收到工人電話話呀仔件外套佢地都收羽絨價佢又唔識解釋舖頭果個人又要佢先比錢所以佢唯有比左錢返到屋企即刻打比我咁我咪打去問做咩收羽絨價咁貴囉。

我同佢講細果件唔係羽絨嚟既叫佢可以睇下件外套個label啦 (因我之前睇過話明可以機洗) 點知佢話以佢既經驗件外套係有羽絨成份既雖然個label話明可以機洗但其賁係唔可以機洗既如果我要求改磅洗都可以但件外套有咩事佢就唔負責佢咁講就冇辦法啦收左我錢又話唔可以退唔聽佢講又話件外套有咩事佢唔負責咪唯有聽佢話囉真係懶D都唔得下次真係唔好再懶拎遠D出葵芳洗好過 :roll:

作者: dracula 時間: 2007-1-2 23:13:29

:HIT: 比條皮鞭你鞭打佢!
投訴佢啦! 呢 d 人比人炒o左先有機會反省客慘佢老細更慘...

作者: Tomato 時間: 2007-1-3 12:39:49

雖然我無幫襯過呢間野但係見到你d成日話佢唔掂
我都唔敢幫襯.....寧願拎遠d過美景都唔錯0架!!

作者: Hotcake 時間: 2007-1-3 15:00:07

我諗佢淨係做三間酒店的生意已經有排佢做重唔賺到笑咩所以根本唔志在街外散客無心做你生意就算我地無人幫襯佢佢都唔驚會執笠 :nowords:

作者: 公公婆婆 時間: 2007-1-3 15:28:58

[quote:18c7d4e31f="dracula"]:HIT: 比條皮鞭你鞭打佢!
投訴佢啦! 呢 d 人比人炒o左先有機會反省客慘佢老細更慘...[/quote]

:em20: 我day one就想投訴，但由於佢地係專利經營，每一間都係獨立，我查1083都冇集團「主持人」，如果只係投訴佢地哩間店仔的老細，我睇怕....請得d咁既人，老細都唔方好得去邊，再講，大家經歷左咁多衰人，可能店內大大小小唔同的人都係咁態度，所以唯一方法就係以後都唔幫襯！
請問美景間乾洗店叫咩名，大家不如推介下d「優質」店！

作者: Eddy Lam 時間: 2007-1-3 16:50:54

[quote:b0a2822e78="公公婆婆"][quote:b0a2822e78="dracula"]:HIT: 比條皮鞭你鞭打佢!
投訴佢啦! 呢 d 人比人炒o左先有機會反省客慘佢老細更慘...[/quote]

:em20: 我day one就想投訴，但由於佢地係專利經營，每一間都係獨立，我查1083都冇集團「主持人」，如果只係投訴佢地哩間店仔的老細，我睇怕....請得d咁既人，老細都唔方好得去邊，再講，大家經歷左咁多衰人，可能店內大大小小唔同的人都係咁態度，所以唯一方法就係以後都唔幫襯！
請問美景間乾洗店叫咩名，大家不如推介下d「優質」店！[/quote]

又唔一定o既做老細o既緊係想生意長做長有ga啦你咪試下同佢complain
左先囉如果佢都係咁o既態度咁就冇辦法叫佢等執啦.

作者: MandyG室 時間: 2007-1-4 00:08:08

我十二月31日洗左18磅去美景洗只係100蚊jor..

仲送埋番黎~

家下好香呀~

:

香香香~正正正

作者: Tomato 時間: 2007-1-5 02:56:20

美景間店唔記得叫乜只係記得佢個袋上面印左聖經金句

作者: 一家四口 時間: 2007-1-5 09:57:36

[quote:ba2cc94918="MandyG室"]我十二月31日洗左18磅去美景洗只係100蚊jor..

仲送埋番黎~

家下好香呀~

:

香香香~正正正[/quote]

咁係咪包收包送呀? 係就very骨喎唔該可唔可以比個電話嚟試吓呀?

作者: MandyG室 時間: 2007-1-7 01:11:53

24319618

我那次是自己送去洗衣店但要求送貨.

我知道可以叫洗衣店來收貨.

但預付有8折喎. 如果黎收貨不知道怎樣計算重量

唔知有冇人知道呢? :zdevil:

歡迎光臨藍澄灣業主社群 (http://rcrest.bzone.com.hk/Discuz/)