藍澄灣業主社群

標題: 支持香港警察 [打印本頁]

作者: Tomato 時間: 2005-12-18 14:12:55 標題: 支持香港警察

尋晚個暴動好激....香港警察已經做得好好!!
頭先睇報紙，見好多香港市民“幫里不幫親” 猛咁批評香港警察好唔公平呀!!
希望大家多多支持香港警察!!!!

作者: FireFire 時間: 2005-12-18 15:39:51

我都撐警察......
5點幾已經叫市民離開灣仔...
d人重要去睇熱鬧...
仲有部份記者...
又話警察亂用武力.又話亂用催淚彈...又話亂射水.... :detective

作者: Solskjaer 時間: 2005-12-18 21:07:41

仲有啊頭亂咁叫我返工 :x

作者: Patrick 時間: 2005-12-18 22:48:27

其實警察都有阿媽生況且佢地都係職責所在我個人認為絕對值得尊重及支持!!

作者: 公公婆婆 時間: 2005-12-19 00:07:20

[quote:7936b695ba="Mr. & Mrs. FireFire"]我都撐警察......
5點幾已經叫市民離開灣仔...
d人重要去睇熱鬧...
仲有部份記者...
又話警察亂用武力.又話亂用催淚彈...又話亂射水.... :detective[/quote]

市民看熱鬧係好離譜，但記者係職責所在，係佢地的工作，哩個星期日日做足24小時，受到催淚器影響都係預左，否則大家哩兩日都睇唔到個場面係咁嚴重！

作者: Tomato 時間: 2005-12-19 10:26:46

摘自蘋果日報：

該名老差骨續稱，當時與十多名同袍退守馬師道，行人路兩旁擠滿圍觀的市民，部份市民一邊拍掌叫好，一邊大叫：「南韓農民好！」他們最初還以為是市民為警隊打氣鼓勵，但得悉市民竟替示威者打氣。他自言那一刻：「好難過、好難受！」

我真係好唔明d市民點諗.....
如果d人話香港警察係"香港之恥"...我覺得呢d市民先至係“香港之恥”....

作者: 龍我雷 時間: 2005-12-19 11:19:59

其實香港人真係太過自由幸福人地示戚出動到鐵支又搶武器都話人地可憐最攪笑就係那個民間監察聯盟個鄧燕娥佢竟然夠膽話酒店協會落order唔租房比南韓組織重要話佢地既示威係和平同沒傷害性其實旅發局一早已經同協會有共識而且主動搵過上述人仕聯絡有關房間事宜不過有人要求以賓館價入住港島區酒店因為佢係李卓仁個老婆對李生本人我倒沒什麼意見因為佢的確係為勞工爭取權益不過佢太太此舉實在似係想做政治明星上位多d....

如上述各位所講差人都有亞媽生你地有沒試過一連2日都係食蕉同飲水佢地為既當然係為份人工更加係因為職責同香港人既面子而唔係香港人既喝倒彩大家唔好因為人家既三步一拜又送花又掃垃圾而容忍佢地暴力同做出既非法行為如果係噤我三步一拜噤由大角咀去到尖沙咀跟住插人一刀噤你係唔係都會諒解同情我先?

最後我唔係想得罪天主教不過陳日君主教就真係最過份WTO day 1到last day佢都唔出聲而家最後拉左幾百人佢只係用左10秒時間去睇d示威者(我在場)跟住就用廿分鍾同記者做採訪嘩.....佢真係識攞彩呀最後先出場又話警方太暴力又話政府沒好好照顧被捕者又話香港之恥佢重威過日日上電視既李卓人太太其實警方同司法部已經一早安排左由觀塘法院處理WTO期間會拘留既人仕不過一來人數突然太多二來南韓外交部插手比你決定都要時間啦唔捉就等於容忍同姑息呢班有組織既示威者四圍走黎走示威都沒問題拉左佢地又話沒好好照顧佢地一係拉曬佢地入香格里拉啦放人又會比人話捉黎都多餘之復實話差人處事不當.....說教的你可知道有幾多教徒都以你馬首是瞻在位者是非不分擾亂綱紀乃不負責任既行為呢個先係香港之恥

作者: Billy 時間: 2005-12-19 11:51:40

我都好同情南韓農民.
但對於佢地o既激烈行動我就絕不支持喇...

作者: Tomato 時間: 2005-12-19 20:21:33

龍我雷兄 0個幾日你被調去灣仔？
真係辛苦晒..... :em19:
唔好理人點講其實仲有好多人支持你地!!

作者: Ice 時間: 2005-12-19 21:10:38

我都覺得警察做得好好架啦好克制.
雖然無拎朱古力去灣仔但我尋日 send 左個 email 去警察公共關係科去讚揚 d 警察架~ :wink:

唔好理 d cheap 精主教講野! :twisted:

作者: 龍我雷 時間: 2005-12-20 11:41:48

[quote:4fd52aa1c7="Tomato"]龍我雷兄 0個幾日你被調去灣仔？
真係辛苦晒..... :em19:
唔好理人點講其實仲有好多人支持你地!![/quote]

唔好意思令你地誤會我唔算係警察

作者: Tomato 時間: 2005-12-20 11:47:42

[quote:1cfb5ae0ab="龍我雷"][quote:1cfb5ae0ab="Tomato"]龍我雷兄 0個幾日你被調去灣仔？
真係辛苦晒..... :em19:
唔好理人點講其實仲有好多人支持你地!![/quote]

唔好意思令你地誤會我唔算係警察[/quote]

嘻嘻.......總之都係支持警察ge人啦!!

作者: CJ 時間: 2005-12-23 12:22:22

如果天主教會反對同性戀那麼同性戀是香港之恥;
如果天主教會包庇孌童神父那麼孌童神父就是天主教之光!

如果香港未有普選那麼政府是香港之恥;
如果梵蒂岡委任香港主教那麼陳日君是民主之光!

如果章小胃不破產那麼她天天造新聞出位上鏡;
如果天主教會名譽不破產那麼他天天造新聞出位上鏡!

因為量度的是別人的不是所以拿出顯微鏡!

主教因主之名牧民要民馴如羔羊; 主教要彰顯神的榮耀所以要有打倒的惡魔...

所以維持治安克制自衛警察是香港之恥;
所以搗亂秩序破壞公物農民是南韓之光!

平安夜除夕社團哥兒們出來掌摑我們的香港之恥! :nowords:

作者: milk 時間: 2005-12-24 01:17:23

[quote:3250713b58="Ice"]我都覺得警察做得好好架啦好克制.
雖然無拎朱古力去灣仔但我尋日 send 左個 email 去警察公共關係科去讚揚 d 警察架~ :wink:

唔好理 d cheap 精主教講野! :twisted:[/quote]冰冰，妳真係好～ :face13:

致今次 WTO 來香港開會之後，我就愈來愈喜歡香港警察，無論是否前線都好，真係要讚o下佢地！ :em11:

歡迎光臨藍澄灣業主社群 (http://rcrest.bzone.com.hk/Discuz/)