藍澄灣業主社群

標題: 同事失戀應該點安慰﹖ [打印本頁]

作者: leemoksau 時間: 2005-2-1 11:17:13 標題: 同事失戀應該點安慰﹖

禽日同佢出去飲下午茶﹐佢對住我喊﹐我都唔知點安慰佢。
淨係覺得自已好X居﹐安慰佢o既說話一D說服力都冇﹐越安慰佢D眼淚越大滴﹐我都唔知點算。

資料﹕
姓別 - 女
年齡 - 3X
拍拖 - 9年
同居 - 1年
哩幾年男方工作一直都唔順﹐而女方越o黎越好﹔
女家認為男方冇上進心﹐一直反對佢o地來往;
男方曾經想出國發展﹐要求女方陪佢出國﹐但女方唔想放棄穩定o既生活﹐提出男方先過去﹐等穩定o左先至過埋去。男方講﹕“如果好使乜你過去呀﹖”最終男方都冇出國﹐但一直埋怨女方當初唔跟佢去﹐話女方唔支持佢。
上星期嗌交后男方執埋行李走o左。

我係無意之中問到新年佢同男朋友去邊度玩﹐佢就好DOWN咁話上星期分開o左。
我係唔係應該講“I'm sorry﹗"﹐之後即刻收聲呢﹖但係我冇﹐仲追問“點解呀﹖” 係唔係好X居呢﹖

其實我唔係想八卦﹐只不過佢上星期同老細講佢搵緊o野做﹐一來因為同廠夾唔到﹐二來因為個人理由想轉o下環境﹐所以想了解o下“個人理由”係乜o野之嘛。

我講o左D自相矛盾o既說話﹐例如﹕“九年唔係一個短o既時間﹐唔好咁輕易放棄。不過如果係唔o岩就唔好再o徙時間了。”

佢話佢o地之間有好多好多好多問題﹐已經存在o左好耐了而且冇辦法解決。依家好似乜o野都唔順心﹐工作上又同廠有沖突﹐感情上又失戀﹐好似所有唔好o既o野都o係同一時間堆埋o黎......

最X居係我臨走問竟然仲問o左句﹕“咁你選工作定係選佢呀﹖” 話一出口心內暗罵“SHIT ﹗”

作者: eric_818 時間: 2005-2-1 11:27:17

算啦.

講 D 老實 o野
好過講 D 模稜兩可 o既 o野
俾 D 無謂 o既希望佢.

佢都咁大個人囉
自己識諗嫁啦.

作者: leemoksau 時間: 2005-2-1 11:50:26

[quote:a1d45155ba="eric_818"]算啦.
佢都咁大個人囉
自己識諗嫁啦.[/quote]
如果識諗就唔會同咁o既人一齊九年啦。
九年呀﹐一個女仔可以有幾多個九年呀﹖難怪佢放唔低o既。

作者: Jess and Burns 時間: 2005-2-1 11:57:18

[quote:da6fe7aa15="leemoksau"][quote:da6fe7aa15="eric_818"]算啦.
佢都咁大個人囉
自己識諗嫁啦.[/quote]
如果識諗就唔會同咁o既人一齊九年啦。
九年呀﹐一個女仔可以有幾多個九年呀﹖難怪佢放唔低o既。[/quote]

當有新男友出現. 就無事架啦.
莫愁不要太自責啦而家同佢講咩都唔入耳架啦.
而家最好比佢自已靜下你愈提佢愈諗. 分分鐘憂鬱症呀..同佢出去睇下戲行下街買下野總之做d 無謂野浪費下時間就會好好多架啦!

作者: vivian 時間: 2005-2-1 11:58:34

一個男人攪到執野走已經無得"扳"
結左婚個男人重會回心轉意
同居就好"泯"!
唔岩聽的說話都要講 - 您勸您朋友放下啦男人變了再哭都是枉然!
Good Luck ! Best Wishes !

作者: Billy 時間: 2005-2-1 12:21:36

Jessica 講得啱呀.
愈諗愈傷心呀.
有時間就放吓假relax吓.
時間係可以解決呢個問題o既.

作者: leemoksau 時間: 2005-2-1 13:02:03

我一直都以為“寧教人打仔﹐莫教人分妻”﹐原來大家都認為佢應該放低。
下次我知道應該點做了。多謝大家指點﹗

作者: vivian 時間: 2005-2-1 13:30:32

您不是叫您朋友"分開" 如那個男人返轉頭而您朋友仍然好愛他咁恭喜她吧!
但假設呢個男人唔再返來就唯有咁講減輕您朋友的痛苦.

世事就是那樣
係您就是您
不是您的
無論怎樣都不是您
男人的心不是放女人在第一位
男人要走邊個都擋唔住
失戀係好痛苦
收拾心情重新做人最實際
您的朋友可以哭為一段感情的結束而哭
但就不要為一個不再愛自己的人哭和難過吧!

作者: diedsee 時間: 2005-2-1 13:58:01

長疼不如短疼
比著係我我都會問點解.....然後唔識比反應
但我覺得個女仔會唔會丸工作狂而忽略咗個男朋友ge感受呢??
仲有呀個男仔係唔係死要面 ge 人
如果係個女仔就有少少唔啱
但如果唔係個女仔又有冇去 encourage 佢男友呢??
我只係覺得女人最終都係想有個肩膀用吓遮太強都要識點樣收埋少少.....my feeling only

作者: Jess and Burns 時間: 2005-2-1 14:07:16

[quote:0866a5ae30="leemoksau"]我一直都以為“寧教人打仔﹐莫教人分妻”﹐原來大家都認為佢應該放低。
下次我知道應該點做了。多謝大家指點﹗[/quote]

唔係話教佢分開... 不過現在非常時期. 反正佢自已都話佢地有好多問題. 現在正正時一個可以抽離想清楚是否再一起的好時機!

叫佢覆合咪即係解決唔到問題?! 又一次將問題收起即使這一次好好彩再响一齊再過兩年又可能有新問題. 所謂冰封三尺非一日之寒. 相信她的男朋友走不單為了這一次的問題.

如果在想清楚後仍然可以再响一齊他們的愛一定會更深厚.
所謂真金不怕紅爐火.
既然她所追求的是一生一世的愛情. 短短一兩年時間想清楚也未必是一件令人很沮喪的事呢?

作者: grassman 時間: 2005-2-1 14:53:21

現代男女最糟的問題在于缺乏溝通及情緒控制(EQ)，做唔好lee兩樣，感情自然變得脆弱！通常一起相處多年既人要分手，都是因為缺乏溝通或錯用溝通媒體；分開後不能復合是因為固執、硬頸！

作者: Hotcake 時間: 2005-2-1 15:01:06

[quote:cdf0738ca2="vivian"]
男人的心不是放女人在第一位
男人要走邊個都擋唔住
[/quote]

我並不是幫那個男人不過我覺得女人可以將男人放在第一位但很多時男人並不可以不是不想而是不能男人實在有太多包袱他不可以只顧愛一個女人而不理其他事情放棄所有東西試問女人可以愛一個什麼都沒有的男人嗎?

成功的男人就是能夠同時將女人及事業放在第一位兩邊到處理得好 :zdevil: .............(我自問做唔到....... :nowords: )

作者: dick queenie 時間: 2005-2-1 15:20:00

其實事情又未必咁差，
可能隔一陣兩個咪響番埋一齊。
都識講啦，成十年~~~
個男人要走，一早都走左，點解要而家先走。
不如利用呢個機會，好好諗下，自己係唔係好需要對方。
自己的下半生，打後五十年、六十年，願唔願意繼續咁樣生活落去
，到老….到死!!!
同佢講：失戀…..自盤古初開已經有。只不過係一個感覺，係無形，
試想想，貓狗會唔會失戀，就因為係人。因為人….怕孤單，先會在意失戀。

作者: vivian 時間: 2005-2-1 15:23:11

http://cmidi.com/downloads/midi1/2003/1092070959.mid

愛與誠
歌手：古巨基 Leo Ku
作者：曹雪芬＠宇宙大爆炸
作詞：林夕
原自大碟：大雄

其實自己一個更開心　只等你講
其實大家早已嫌大家　卻扮忙
恨有多一點碰撞
然而無聊事幹　不敢打攪對方
要是你願意　誠實講一趟
彼此都起碼覺得釋放

不要哭　我也忍得了這些年來的委曲
沒法真心愛下去　只好真心真意的結束

＊別再做情人
　做隻貓　做隻狗　不做情人
　做隻寵物至少可愛迷人
　和你不瞅不睬　最終只會成為敵人
　(和你相交不淺　無謂明日會被你憎)

　淪為舊朋友
　是否又稱心　沒有心　只像閒人
　若有空　難道有空可接吻
　註定似過路人陌生　你怎麼手震
　(這預告　發自虔誠內心)＊

長期被逼戀愛也真比　失戀更慘
長期扮演若無其事般　更困難
是我專登反應慢
明明為時甚晚　牌一早該要攤
再像我伴侶　凝望多一眼
一生都將會記得今晚

REPEAT＊

對不起　自動分手　錯愕的你怕會傷感
麻木的我　現在也可轉台來賀你新生

REPEAT＊

作者: alankle 時間: 2005-2-1 15:51:35

不如你叫佢聲絕情谷呀 0個度有好多人都好似佢咁架....
啊大JOE最叻解決呢0的問題

絕情谷=商台節目 12am-2am

作者: G-NET 時間: 2005-2-1 15:52:59

我想講我既睇法可能有錯.

我覺得這是現代社會一個常見的現像就係婚姻與愛情有衝突當兩個人拍拖既時候只要互相喜歡對方就可以但當感情發展到某一階段時一講到結婚大問題就出現了.

因為婚姻制度自古以來不論中西都有人講究門弟講排場. 無上進心只係空話背後心裹想的只不過是金錢同虛榮其實個男人應該一早想通如果女家第一次睇你唔順眼他們以後都不會睇得你順眼是關人的虛榮心是永遠不可能滿足. 他應該想想個女人會不會同她的家人一樣勢利要一早講清楚將來的路點行而不是拖了九年才做決定.

可惜現代社會什麼都以虛擬愛情做宣傳咁人自然希望婚姻愛情事業樣樣得意但其實他們三者之間係可能會有衝突有時候你只可以三擇其一. 根據上文下理我覺得這個男人既感情都不是太強個女人可能不會選愛情第一.

不過好似的電影劇本咁錯過了你就無得再選了.

作者: vivian 時間: 2005-2-1 15:56:19

嘩~ G-net講愛情觀 :em03:
洗耳恭聽....

作者: Billy 時間: 2005-2-1 16:27:14

[quote:aeead4c7b8="Hotcake"][quote:aeead4c7b8="vivian"]
男人的心不是放女人在第一位
男人要走邊個都擋唔住
[/quote]

我並不是幫那個男人不過我覺得女人可以將男人放在第一位但很多時男人並不可以不是不想而是不能男人實在有太多包袱他不可以只顧愛一個女人而不理其他事情放棄所有東西試問女人可以愛一個什麼都沒有的男人嗎?

成功的男人就是能夠同時將女人及事業放在第一位兩邊到處理得好 :zdevil: .............(我自問做唔到....... :nowords: )[/quote]

講得好好.
愛情事業同時做到真係好難.
又有幾人可以做到呢.

所以我覺得女人一定要有工作同自己o既朋友.
當佢冇咁多時間時.
就唔需要男人太多時間陪佢喇.

作者: Jess and Burns 時間: 2005-2-1 17:28:37

[quote:f15e819146="Billy"][quote:f15e819146="Hotcake"][quote:f15e819146="vivian"]
男人的心不是放女人在第一位
男人要走邊個都擋唔住
[/quote]

我並不是幫那個男人不過我覺得女人可以將男人放在第一位但很多時男人並不可以不是不想而是不能男人實在有太多包袱他不可以只顧愛一個女人而不理其他事情放棄所有東西試問女人可以愛一個什麼都沒有的男人嗎?

成功的男人就是能夠同時將女人及事業放在第一位兩邊到處理得好 :zdevil: .............(我自問做唔到....... :nowords: )[/quote]

講得好好.
愛情事業同時做到真係好難.
又有幾人可以做到呢.

所以我覺得女人一定要有工作同自己o既朋友.
當佢冇咁多時間時.
就唔需要男人太多時間陪佢喇.[/quote]

如果要做到樣樣都討好. 真係好難.
所以女人又何必强迫好所愛的人放自已在第一位呢? ( 況且第一二三四..... 都只是一種虛幻的量詞 )

做到便做做不到便算. 最重要是大家相處得舒服. 這樣便可以長長久久不是嗎?

我想. 一個人的愛不會因為對方愛自已有幾多而改變吧?!
(例如: 我不會因為burn burn 無以前咁愛我我便相對地不愛他)

所以女士們當你發現你的男人好像不放你在第一位這不重要. 你只要問自已是否仍然愛他? 如果是便不要埋怨! 用妳的溫柔感動他便好了.
當他將他的工作都做完他便會乖乖回到妳身邊.

男士們當你在埋頭苦幹工作時. 看到枱上溫暖的coffee 請你想想你所愛的女人她在默默支持!

不好意思>>>>>我又在舒發情感. :nowords: :nowords:

作者: grassman 時間: 2005-2-1 17:41:14

A cup of coffee?

作者: leemoksau 時間: 2005-2-1 19:36:19

[quote:437b121a93="vivian"]如那個男人返轉頭而您朋友仍然好愛他咁恭喜她吧!
但假設呢個男人唔再返來就唯有咁講減輕您朋友的痛苦.
[/quote]
咁要等到幾時先至知道個男人會唔會返轉頭﹖係唔係依家已經可以假設佢唔會返o黎啦﹖

作者: leemoksau 時間: 2005-2-1 19:43:51

[quote:2ab96de688="diedsee"]但我覺得個女仔會唔會丸工作狂而忽略咗個男朋友ge感受呢??[/quote]
個女仔有做PART TIME﹐讀OU﹐間屋亦都係個女仔租o既。話佢忽略o左男友都唔係冇可能。
但係如果個男o既又冇上進心﹐女o既又唔勤力做o野﹐唔通兩個攔住一齊死咩﹖事實係﹕有情淨係飲水係唔會飽o既。

作者: leemoksau 時間: 2005-2-1 19:46:47

[quote:2777ddada3="grassman"]現代男女最糟的問題在于缺乏溝通及情緒控制(EQ)，做唔好lee兩樣，感情自然變得脆弱！通常一起相處多年既人要分手，都是因為缺乏溝通或錯用溝通媒體；分開後不能復合是因為固執、硬頸！[/quote]
愛情係感性o既﹐可以好理性咁面對就唔叫愛情啦。

作者: leemoksau 時間: 2005-2-1 19:49:04

[quote:78c1fbfecb="Hotcake"]男人實在有太多包袱他不可以只顧愛一個女人而不理其他事情放棄所有東西[/quote]
我一定係投錯胎了

作者: leemoksau 時間: 2005-2-1 19:57:35

[quote:2e4568333d="Jess&Burns"]你只要問自已是否仍然愛他? 如果是便不要埋怨! [/quote]
冇錯﹗如果真係咁愛佢﹐咁係你前世欠佢o既﹐就算佢唔再愛你﹐唔再返o黎﹐對你再衰再差﹐你都要認。哩D就係命﹗

作者: RangerX 時間: 2005-2-2 09:53:22

有時候所謂難以捨棄的愛情事實上...只是不甘心而已
Time heals everything... :wink:

作者: grassman 時間: 2005-2-2 10:19:22

[quote:d7d57f61dd="RangerX"]Time heals everything... :wink:[/quote]
I like this words!

作者: Billy 時間: 2005-2-2 10:31:33

[quote:1ad65b671c="grassman"][quote:1ad65b671c="RangerX"]Time heals everything... :wink:[/quote]
I like this words![/quote]

this is always ture.
假設時間係無限大.
人都死左重會有咩問題呢.

作者: vivian 時間: 2005-2-2 14:50:15

一段轟轟烈烈的感情走的時候要生要死痛不欲生
之後天各一方各不再見發展了另一段感情
有時故人的名字都會記不起....
時間沖淡了一切~

作者: Tomato 時間: 2005-2-2 16:02:06

男方曾經想出國發展﹐要求女方陪佢出國﹐但女方唔想放棄穩定o既生活﹐提出男方先過去﹐等穩定o左先至過埋去。男方講﹕“如果好使乜你過去呀﹖”最終男方都冇出國﹐但一直埋怨女方當初唔跟佢去﹐話女方唔支持佢。

如果我無理解錯誤個男人都好自私喎.....

個女仔有做PART TIME﹐讀OU﹐間屋亦都係個女仔租o既。話佢忽略o左男友都唔係冇可能。
但係如果個男o既又冇上進心﹐女o既又唔勤力做o野﹐唔通兩個攔住一齊死咩﹖事實係﹕有情淨係飲水係唔會飽o既。

我完全同意呢個世界係無"有情飲水飽"呢樣野做女仔就算幾咁愛情至上都要食飯0架......無奶由要個女仔放棄晒所有野同佢出國重頭再來....個男仔本質係無上進心我諗佢去到邊都唔會有發展機會.......而家個女仔叫佢過左去先安定左先過去個男人都話唔得好可能係有少少自卑同妒忌個女仔太叻.......容我講句呢d男人要來做乜??個男人就咁走左去無d責任心......

有邊個失戀唔傷心呢不過傷心只係一段時間好快就會無野 (好似講得好灑脫不過事實又真係咁...).....我以前有朋友失戀都唔會點安慰佢只係0向佢身邊睇住佢喊比張紙巾佢攬0下佢 (女仔先會做

ops: ) 等佢覺得有人支持佢......

作者: vivian 時間: 2005-2-2 16:17:56

請問為一個人流淚會不會有流乾的一日?
一段感情完結最好都係乾手淨腳少見為妙當呢個人死了時間耐左環境變遷久而久之慢慢會淡忘
最弊就是久不久碰面勾起愁緒.....
呢d最囉命!!

作者: POON 時間: 2005-2-2 20:28:11 標題: Re: 同事失戀應該點安慰﹖

[quote:df3c65dfe1="leemoksau"]禽日同佢出去飲下午茶﹐佢對住我喊﹐我都唔知點安慰佢。
淨係覺得自已好X居﹐安慰佢o既說話一D說服力都冇﹐越安慰佢D眼淚越大滴﹐我都唔知點算。

資料﹕
姓別 - 女
年齡 - 3X
拍拖 - 9年
同居 - 1年
[/quote]

晤使驚無男朋友;仲有你這位好朋友 ! 況且只得3X..仲有好多青春 !
話晤定佢的真命天子晤係他呢 ! :hit:

作者: bikbark 時間: 2005-2-2 22:11:13

其實好大程度上係大家步伐唔一致同埋無溝通，男o既原地踏步，女o既勇往直前，唔開心又放晒向心，愈o黎愈唔知對方諗乜，問題咪愈放愈大囉。

多d陪o下佢就已經係好好o既安慰!

作者: diedsee 時間: 2005-2-2 23:05:46

[quote:4cade33a24="Tomato"] .....好可能係有少少自卑同妒忌個女仔太叻......[/quote]

我讚成呢個 pt :em11:

但係我又會諗可能個男仔嚮HK 發展唔好又比女家睇少想逃避呢??
我諗都唔會有太多男仔鍾意叻過自己 ge 女仔包括呢位所以一次過爆發... :nowords:

愛情係唔可以飲水飽但好明顯個女仔飲飽水都唔知...

作者: dracula 時間: 2005-2-2 23:18:45

[quote:cfee539ee8="vivian"]請問為一個人流淚會不會有流乾的一日?
一段感情完結最好都係乾手淨腳少見為妙當呢個人死了時間耐左環境變遷久而久之慢慢會淡忘
最弊就是久不久碰面勾起愁緒.....
呢d最囉命!![/quote]

有時當o左o個個人死o左又無啦啦撞到~ 會比佢嚇o親~
好多時"哭" 都只係因為唔捨得而已~ 所以眼淚一定會流乾~
只要放眼將來~ 你方唔會搵到另一個咩~ :face13:

作者: Billy 時間: 2005-2-3 00:25:41

[quote:2f20d96f60="diedsee"]
我諗都唔會有太多男仔鍾意叻過自己 ge 女仔包括呢位
[/quote]
我諗冇幾多過男仔會因為女友/老婆叻過自己.
但如果個男仔冇努力上進又有理由叫個女仔停低瓜.
要問心自己有冇努力過先.

作者: 肥度 時間: 2005-2-3 00:37:46

[quote:4910f8205f="dracula"]
有時當o左o個個人死o左又無啦啦撞到~ 會比佢嚇o親~
[/quote]

呢句好正呀...哈哈 :dead: ...... :twisted:

作者: Billy 時間: 2005-2-3 00:43:28

[quote:de3e1b97ba="dracula"]只要放眼將來~ 你方唔會搵到另一個咩~ :face13:[/quote]

怪唔得你果句"好耐冇見.......妳最近點啊

ops:

ops: "冇出番黎啦... :dead:

作者: dracula 時間: 2005-2-3 02:05:37

[quote:b93fa4f10b="Billy"][quote:b93fa4f10b="dracula"]只要放眼將來~ 你方唔會搵到另一個咩~ :face13:[/quote]

怪唔得你果句"好耐冇見.......妳最近點啊

ops:

ops: "冇出番黎啦... :dead:[/quote]

my god~
你每隔一排都會提一次~ :dead:

作者: dracula 時間: 2005-2-3 03:04:26

[quote:28de59e383="vivian"]一段轟轟烈烈的感情走的時候要生要死痛不欲生
之後天各一方各不再見發展了另一段感情
有時故人的名字都會記不起....
時間沖淡了一切~[/quote]

發展新o既感情係忘記舊o既感情的最好方法~

作者: eric_818 時間: 2005-2-3 09:05:14

[quote:80cd281f72="dracula"][quote:80cd281f72="Billy"][quote:80cd281f72="dracula"]只要放眼將來~ 你方唔會搵到另一個咩~ :face13:[/quote]

怪唔得你果句"好耐冇見.......妳最近點啊

ops:

ops: "冇出番黎啦... :dead:[/quote]

my god~
你每隔一排都會提一次~ :dead:[/quote]

:dead: 已經成為左伯爵 o既標誌
冇左點得?

作者: vivian 時間: 2005-2-3 11:46:37

"好耐冇見.......您最近點啊"

自問說不出如那人深深愛過
不如說 : "好耐無見我很掛念您...."

作者: leemoksau 時間: 2005-2-3 12:54:01

"好耐冇見.......您最近點啊"

你o地會點答?

作者: vivian 時間: 2005-2-3 13:22:38

如果呢個係我飛的人 : 我會答 : 很好謝謝您的關心
如果呢個係飛我的人 : 我會答 : 關您叉事

作者: Billy 時間: 2005-2-3 14:05:25

咁唔知伯爵個ex-friend會點答呢.....
係
1. 很好謝多謝您的關心
定係
2. 關您叉事
呢.

我估係一....... :dead:

作者: saga 時間: 2005-2-3 14:16:03

[quote:9464d201d6="Billy"]咁唔知伯爵個ex-friend會點答呢.....
係
1. 很好謝多謝您的關心
定係
2. 關您叉事
呢.

我估係一....... :dead:[/quote]

伯爵既 ex-friend 係點既一個人呢?
唔同類人應該有唔同答法喎

作者: vivian 時間: 2005-2-3 15:29:11

[quote:0e6cce42f1="saga"]伯爵既 ex-friend 係點既一個人呢?[/quote]

應該係一個令佢好思念的人..... :roll:

作者: leemoksau 時間: 2005-2-3 16:24:27

[quote:b06a1ca4d6="vivian"]應該係一個令佢好思念的人..... :roll:[/quote]
應該係一個女人......(鬼唔知咩) :em17:

作者: vivian 時間: 2005-2-3 16:31:21

[quote:aad0379366="leemoksau"]應該係一個女人......:em17:[/quote]

Are you sure ?

作者: dick queenie 時間: 2005-2-3 16:31:52

[quote:b85881dd2d="leemoksau"][quote:b85881dd2d="vivian"]應該係一個令佢好思念的人..... :roll:[/quote]
應該係一個女人......(鬼唔知咩) :em17:[/quote]

可能係一條......金魚 :em17:

作者: Billy 時間: 2005-2-3 16:47:13

亦可能係一件蛋榚.
:em17: :em17: :em17:

作者: bikbark 時間: 2005-2-3 16:48:34

人o黎o架等德仔仲成日整蛋糕過你地"yak"......

作者: leemoksau 時間: 2005-2-3 16:52:53

[quote:bf4f55069c="vivian"][quote:bf4f55069c="leemoksau"]應該係一個女人......:em17:[/quote]

Are you sure ?[/quote]
:em05: 係喎~ 唔sure.

作者: Hotcake 時間: 2005-2-3 23:52:07

又或者係一個整蛋糕好叻的女仔她好喜歡整蛋糕俾德仔食佢整的蛋糕好好味係德仔食過的最好的蛋糕於是德仔漸漸愛上了這個女仔愛上了她親手整的蛋糕...........可惜自從那一天開始德仔已再沒有見到那個整蛋糕的女仔了他很傷心很想念她於是他決定要學整蛋糕他要親手為那個女仔整一個蛋糕他很努力地去學習經過無數次失敗之後再嘗試縱使他身邊的朋友鄰居都已經很欣賞他所整的蛋糕但他仍然覺得不夠好他決心要做一個全世界最好的蛋糕然後去找她跟她說.................

作者: vivian 時間: 2005-2-3 23:56:22

然後去找她跟她說................."好耐無見，您最近點呀？"

作者: dracula 時間: 2005-2-4 09:46:02

[quote:a9e643fe26="bikbark"]人o黎o架等德仔仲成日整蛋糕過你地"yak"......[/quote]

我都有 d懷疑.....

:?

作者: leemoksau 時間: 2005-2-4 11:41:10

[quote:caa94ab886="dracula"][quote:caa94ab886="bikbark"]人o黎o架等德仔仲成日整蛋糕過你地"yak"......[/quote]

我都有 d懷疑.....

:?[/quote]
就係因為好耐冇整蛋糕塞住我o地把口。

h:
咁...你識做啦 :zdevil:

作者: bikbark 時間: 2005-2-4 11:41:14

[quote:7c6fea1294="dracula"][quote:7c6fea1294="bikbark"]人o黎o架等德仔仲成日整蛋糕過你地"yak"......[/quote]

我都有 d懷疑.....

:?[/quote]
不過殭屍o既朋友都應該......
我唔係人﹐係個桶﹐飯桶或者"逼迫"桶

作者: MandyG室 時間: 2005-2-4 11:49:49

[quote:3da756ecaa="diedsee"]長疼不如短疼
比著係我我都會問點解.....然後唔識比反應
但我覺得個女仔會唔會丸工作狂而忽略咗個男朋友ge感受呢??
仲有呀個男仔係唔係死要面 ge 人
如果係個女仔就有少少唔啱
但如果唔係個女仔又有冇去 encourage 佢男友呢??
我只係覺得女人最終都係想有個肩膀用吓遮太強都要識點樣收埋少少.....my feeling only[/quote]

我只係覺得女人最終都係想有個肩膀用吓遮太強都要識點樣收埋少少.....my feeling only

我係個女人太強會比到压力，　或者傷到男人的自尊心呢？

咁如果真係強，　咁點算呢？　係咪最好找個比自已更強的呢？

作者: bikbark 時間: 2005-2-4 11:54:07

莫愁﹐你個同事心情好d未呀?

作者: leemoksau 時間: 2005-2-5 00:39:04

[quote:eb7fa99872="bikbark"]莫愁﹐你個同事心情好d未呀?[/quote]
今日放假﹐我都唔知佢好返未。前晚收工問起佢﹐佢都唔想提。我諗佢都需要一段時間﹐畢竟九年o既感情﹐唔係咁易可以放得低。

作者: leemoksau 時間: 2005-2-5 00:57:59

[quote:b16e9d3d25="MandyG室"]
我係個女人太強會比到压力，　或者傷到男人的自尊心呢？

咁如果真係強，　咁點算呢？　係咪最好找個比自已更強的呢？[/quote]
有時女人強係因為男人弱﹐所以必須肩負維持生活o既責任。
矛盾o既係﹐強o既男人係唔鐘意強o既女人﹐所以強o既男人同強o既女人永遠都唔會o係埋一齊﹐一定係一邊強另一邊弱。
實例為証﹕
1. 成龍係強人﹐而林鳳嬌必須放棄事業﹐隱姓埋名﹐甚至忍受成龍o既行為;
2. 張學友&羅美薇同上;
3. 鄭秀文同許志安有同等事業及地位﹐所以冇可能o係埋一齊﹐除非其中一方肯放棄事業;
4. 大家都知道陳四萬﹐有邊個知道佢老公係陳XX;
5. 掃把頭同上。
當然﹐弱男人同弱女人係可以同時存在o既﹐例如董生同董太。

作者: dracula 時間: 2005-2-5 01:03:08

董太都唔弱o架~ 佢講一句第二日報紙雜誌都大篇幅報導~
....董生就一早放棄事業~ :dead:

作者: leemoksau 時間: 2005-2-5 01:06:42

乜董生仲有事業咩﹖佢唔係一早敗o左佢老豆剩低D身家咩﹖
至於董太......報紙雜誌都大篇幅報導o既好似都係負面消息喎。

作者: dracula 時間: 2005-2-5 01:12:08

[quote:d487f8727f="leemoksau"]乜董生仲有事業咩﹖佢唔係一早敗o左佢老豆剩低D身家咩﹖
至於董太......報紙雜誌都大篇幅報導o既好似都係負面消息喎。[/quote]

董生放棄事業亦要市民陪佢~ (睇下 97後o既失業率)
佢敗完老豆 d 身家都唔夠仲要敗埋市民o既~ (8萬5後o既負資產)
負面消息?? 董太以見報上頭條為榮個喎~~

作者: leemoksau 時間: 2005-2-5 01:29:57

至少係700萬香港人心目中﹐佢o地都係輸家。

歡迎光臨藍澄灣業主社群 (http://rcrest.bzone.com.hk/Discuz/)