藍澄灣業主社群

標題: 小弟對昨晚業主會感想 [打印本頁]

作者: turbowing 時間: 2004-12-17 09:45:54 標題: 小弟對昨晚業主會感想

小弟對昨晚業主會感想

先再多謝各參選及當選之業主，加油! :em04:
因小弟並未有等待結果便離開了會場。但從其他網友留言中都感覺到一點分化味道。o既然問題已出現，希望各委員能正視它。小弟提議爭取在每座告示板上受權張貼瀏覽此網之方法，以及一些在網上引起關注之問題，從而逐一把分化減少!

作者: turbowing 時間: 2004-12-21 18:14:28

二百多人看過也沒有一位朋友回應(包括6位委員會成員)，實在令我心淡了...................

作者: bikbark 時間: 2004-12-21 20:01:32

我個人覺得你o既提議係對個網有宣傳之效，但依家未必係一個好o既時間o係委員會提出，因為有部份o係rc住o既人根本唔認識此網，但係已經對網友有壞印象，如果o係一開始時就刻意地要求管理處授權刊登網站資料，可能會令到佢地對個網有更負面o既睇法，亦可能令到其他人誤會當選o既網友唔能夠抱住持平o既態度去為全rc人反映意見。

作者: grassman 時間: 2004-12-21 20:12:34

[quote:091190d64d="turbowing"]二百多人看過也沒有一位朋友回應(包括6位委員會成員)，實在令我心淡了...................

[/quote]

唔洗心淡，我回你！

我初見你段post時，覺得無野可以覆，見你咁認真，又唔想係度講笑！

其實我諗無人回覆你既原因係呢度無人可以代表個網！此網網只提供平台講野，網站無對本站上討論之議題有立場。如果要為此網辯護，就好似要為個"電話"去辯護！

作者: hales 時間: 2004-12-21 20:36:04

草人兄此言甚是...
本網並非業委會的正式或非正式運作平台
現下也並不是業委會的正式或非正式的宣傳地方
所以在站上的每一位仁兄包括當選的委員們實是沒有當然責任在此
發表和業委會相關的討論內容也是沒有當然責任需要在此聽取
業主們的意見.

意思就是他們可以個別自行決定是否要在本網
討論業委會相關之事但是他們要是決定完全不在本網
討論和業委會相關的事而只透過他們所決定的正式管道發放消息
亦不算是甚麼失責行為...

作者: H and H 時間: 2004-12-21 23:36:53

唔駛心淡~~ POST 得出黎你既MESSAGE 大家都會接收到既之不過.....小女子不才查實真係唔識點回應嘛~ 仲有另一條THREAD 有DISCUSS 果晚既事 SO....

作者: leemoksau 時間: 2004-12-21 23:40:01

[quote:515019d22b="turbowing"]二百多人看過也沒有一位朋友回應(包括6位委員會成員)，實在令我心淡了...................

[/quote]
o係另一個POST討論過﹐所以冇再重覆。

作者: dick queenie 時間: 2004-12-22 02:12:35

其實我好驚．．．好擔心大家對業委會及各委員，尤其係作為委員既網友）有過份或太高期望。我認為業委會不過係令業主門多一個比較正式0既channel同管理公司溝通。就算唔係業委會會員，各業主門都有權[繼續]個別自行向管理處或有關政府部門反影或投訴。好似有多熱心０既網友，如G-ｘｘｘ（唔知佢介唔介意提佢嗰名，　ｓｏｒｒｙ！）佢雖然唔係業委會委員，但現在仍然為大家努力。

我個人認為業委會同埋其委員０既工作都係屬義務性質，並唔係咩權力機構。大部份鄰居都有正職、有家庭承擔。坦白講，我係一個小女人，我當我老公係用工餘時間為我倆０既家園嘗試做點事，並唔係咩偉大使命。做義務０既嘢，只要係付出真心，好難話用做得好定做得唔好去衡量。當然如果認為做得唔稱職，可以反對，唔認同．．．．．．大家住响同一屋簷下，理所當然大家都應該共同付出努力建設美好家園。大家都希望有言論自由，响呢個網站對某些留言回應與否又或是否有分化味道，實在見人見智。相信大家都唔會太在意唔熟識呢個website０既鄰居點諗〔部份〕網友又或所謂０既小圏子，亦好難刻意要人認同或點點點，而相熟０既網友亦唔會因此刻意淢少聚會或見面。因為緣份呢傢嘢係好難講．．．

ｑ． :wink:

（ｐ．ｓ．我只係想盡量輕鬆啲去面對everything，而唔係要其他人點點點。我都管唔掂我老公，叫極佢唔好”沖”動去選，點知因為三分鐘０既熱血攪倒大家．．．．．

）

作者: leemoksau 時間: 2004-12-22 02:15:23

既來之﹐則安之。

作者: Jess and Burns 時間: 2004-12-22 09:35:10

其實有很多長輩都會誤解了委員會會員有很大權力.
所以當日在選會員時一聽到係網友便有很大反應....很難解釋到佢地會明既...

平常心面對他們吧..

作者: dracula 時間: 2004-12-22 09:44:34

唔好比壓力自己~ 你地十個已經係 rc 最肯付出的十個~

作者: saga 時間: 2004-12-22 11:10:13

義務工作為 RC 居民謀幸福 :em04:
委員們應該受到大家既專重

居民有意見同對RC 管理有不滿唔應該鬧人地唔做野 or 做唔到野
而應該以一種誠懇既態度 :em14:
請各會員代為監督及向管理公司提出大眾既疑問

無私盡心的為 rc 居民謀幸福絶對值得大家既尊重

作者: Tomato 時間: 2004-12-22 11:27:19

一直以來都係話呢十位委員係無權力佢地只不過係一個媒介幫我地講0下意見如果管業處唔理d反映佢地都無符 (唔知我有無講錯...) :?

正如呢個網都只係一個媒介比我地吹0下水講0下d問題等人留意0下或者互相幫助0下....亦都希望管業處路過見到良心發現而作出改善.....呢個網又唔係有乜權力如果有都唔駛成日比人撕海報啦 :em18: ....

分化呢樣野其實我覺得我地d網友都幾得意今日0向個網上面爭論得好犀利....第二日見到又可以講笑、飲酒一齊玩....意見唔同有乜出奇最緊要唔好影響友誼

其實以我所見 0個晚有不少鄰居有d固執 (好聽叫固執唔好聽叫"聞塞") 好似講極都唔明咁所以呢都係jessica同莫愁0個兩句:"平常心面對他們"、"既來之﹐則安之".... : 用時間改變佢地ge想法!!

作者: Jess and Burns 時間: 2004-12-22 12:15:56

[quote:92e937f3d4="Tomato"]一直以來都係話呢十位委員係無權力佢地只不過係一個媒介幫我地講0下意見如果管業處唔理d反映佢地都無符 (唔知我有無講錯...) :?
[/quote]

基本上...都無錯既.
我個人就好滿意這次選出來的代表每個都不是野蠻人都是講道理的. 更加有專業知識. 只要據理力爭一定會成功.

最怕選出那些一尾鬧一尾反對的人這樣只會浪費時間.

歡迎光臨藍澄灣業主社群 (http://rcrest.bzone.com.hk/Discuz/)