藍澄灣業主社群

標題: 請問藍澄灣是否有好多人 入了伙 ?? [打印本頁]
作者: POLING    時間: 2004-9-1 16:37:32     標題: 請問藍澄灣是否有好多人 入了伙 ??

:?
我想知道藍澄灣是否好嘈 ?? 交通是否好大問題 ?? 因為我將會搬進去
好擔心
作者: FireFire    時間: 2004-9-1 19:20:40

其實交通都算唔錯...(我試過8:00am左右搭車去葵芳)...
夜晚又唔算嘈.....
但可能而家仲有人裝修緊..都幾大塵....
都冇乜大問題...
放心放心~~~~~~ :mrgreen:
作者: POLING    時間: 2004-9-1 19:41:15

個污水處理廠影晤影響到第六庢？？是否已有好多人搬入去
作者: SEVEN    時間: 2004-9-1 21:25:45

我都想知道個污水處理廠影晤影響到第六庢低層
因為就快搬入去住 :?
作者: H and H    時間: 2004-9-1 22:15:55

雖然我仲未正式搬入去 都try過 overnight~~~我只知返到屋企個感覺好舒服唔想走~~~

交通都ok 返工(before 8:00am) 都暫唔駛等 放工時就要等(大概7:00pm向葵芳) 已覺唔夠車了! 有待改善
作者: eric_818    時間: 2004-9-2 08:55:08

[quote:b7c1a6e79a="SEVEN"]我都想知道個污水處理廠影晤影響到第六庢低層
因為就快搬入去住 :?[/quote]

冇影響
作者: TJ    時間: 2004-9-2 10:50:54

昨晚由美景行返去RC，發覺RC著燈的屋戶比之前多0左好多﹗好鬼靚呀﹗
作者: TJ    時間: 2004-9-2 10:51:19

昨晚由美景行返去RC，發覺RC著燈的屋戶比之前多0左好多﹗好鬼靚呀﹗
作者: SEVEN    時間: 2004-9-2 12:43:13

由美景行去rc 未好遠  是否交通好晤方便 ?? rc 是不是仲未有野買 ??
我就快搬入去了是否真的好多人入了rc住 好擔憂不是太多人住 !
作者: P女    時間: 2004-9-2 13:48:46

[quote:d7c8ae7967="SEVEN"]由美景行去rc 未好遠  是否交通好晤方便 ?? rc 是不是仲未有野買 ??
我就快搬入去了是否真的好多人入了rc住 好擔憂不是太多人住 ![/quote]

我覺得交通唔係一個問題
因每次返RC都要搭小巴 所以我都會係青衣城OR葵芳買野才返屋企
作者: bikbark    時間: 2004-9-2 13:52:12

有時間可以去RC親身感受下﹐嘈定唔嘈大家定義都未必一樣
最緊要係你自己o既感覺嘛

(其實美景行去RC都唔算好遠啦)
作者: P女    時間: 2004-9-2 13:55:52

但由RC <---> 美景都好唔方便
大家知唔知遲些會有行人路?
作者: vivian    時間: 2004-9-2 14:25:10

[quote:a05add7aa7="女"]但由RC <---> 美景都好唔方便
大家知唔知遲些會有行人路?[/quote]

係呀 有次搭42A唔記得噤鐘 係美景落
過唔番對面青x樓
侷住係油站對外迴旋處橫過
然後沿馬路邊行至RC入口
碰岩有架長貨櫃車行過
險象環生   :em03:
好驚 以後都咪攪!!
作者: stephenyeong    時間: 2004-9-2 14:29:44

[quote:fa8cc5aef8="vivian"][quote:fa8cc5aef8="女"]但由RC <---> 美景都好唔方便
大家知唔知遲些會有行人路?[/quote]

係呀 有次搭42A唔記得噤鐘 係美景落
過唔番對面青x樓
侷住係油站對外迴旋處橫過
然後沿馬路邊行至RC入口
碰岩有架長貨櫃車行過
險象環生   :em03:
好驚 以後都咪攪!![/quote]

美景有subway過對面 不過有排行
作者: kyu    時間: 2004-9-2 14:49:41

[quote:a0ae2183c6="女"]但由RC <---> 美景都好唔方便
大家知唔知遲些會有行人路?[/quote]

從前長青是有行人路過美景 十多年前因交通安排和安全理由而取消路面行人路及加建 subway 供人使用 不知道會否從開???
作者: SEVEN    時間: 2004-9-2 23:04:44

死la RC好似乎好多缺點 交通..環境..無野買
仲有好多未發現到的問題....點算???
<有無人現在住緊RC 可不可講下些優點....希望有小小優點
作者: diedsee    時間: 2004-9-2 23:18:09

優點1) 有一班 helpful ge 鄰居
優點2) my dream house
作者: P女    時間: 2004-9-2 23:25:58

[quote:f631d93c9a="SEVEN"]死la RC好似乎好多缺點 交通..環境..無野買
仲有好多未發現到的問題....點算???
<有無人現在住緊RC 可不可講下些優點....希望有小小優點[/quote]

其實睇下你慣唔慣
我之前係到住都極度痛苦
早起身
等車返工
路途遠
交通不便
附近冇野買
（因我之前住灣仔，　係中環返工．．．．．．好方便）
放工返到屋企仲有好多家務要做
之前諗過搬返去同屋企人住
但而家住左個幾月，　感覺冇以前咁強烈
而家一到放工時間，　就好想返屋企．．．．．．． :mrgreen:
作者: P女    時間: 2004-9-2 23:30:09

優點：

呢度旺中帶靜
靜中帶旺
最開心係識到一班好ＮＩＣＥ０既ＲＣ友．．．．．
其實仲有好多優點架，你快Ｄ搬入黎自己感受下啦．．．． :em12:
作者: SEVEN    時間: 2004-9-3 08:58:18

我月中會搬入黎住 請問驗樓要注意什麼事項 ??
同時點樣拜四個角 ???不過仲係好擔心交通不便 我係好中環返工
附近冇野買 <好似話會所要比月費 晤係用者自付?? 其他屋苑不會月費>
:wink:
作者: P女    時間: 2004-9-3 09:09:39

[quote:44d9be51c0="SEVEN"]我月中會搬入黎住 請問驗樓要注意什麼事項 ??
同時點樣拜四個角 ???不過仲係好擔心交通不便 我係好中環返工
附近冇野買 <好似話會所要比月費 晤係用者自付?? 其他屋苑不會月費>
:wink:[/quote]

Seven

你pm你個email address 比我 我send個驗樓清單比你呀
你分別係間屋0既四隻角同中間拜 就可以了
我都係中環返工 大約半個鐘 所以你都唔使咁擔心交通問題
作者: SEVEN    時間: 2004-9-3 15:43:54

會所月費幾多錢 請問有無人答到我 ????
作者: Hello Kitty    時間: 2004-9-3 16:27:13

At present we have no idea when the Club House will open and the fee as well.
In June we asked M.O. (at that time) they said is HK$150.00 per family. Max. 4 cards will be issued to each family. But the Swimming pool is free of charge.
作者: SEVEN    時間: 2004-9-3 16:40:38

HK$150.00 per month or per year if per monthly too expensive
作者: SEVEN    時間: 2004-9-3 17:18:36

死la 又有投訴  這次是講會所要收費問題 ??
<大家發表下意見 我真係好擔心 樣樣都收錢點算 ??
點解人地屋苑d會所不用收費 用先要比錢 我地要呢??

請大家睇睇 是rc業主寫比消費者委員會投訴

和 記 黃 埔 地 產 有 限 公 司
香 港 九 龍 紅 磡
德 豐 街 十 八 號
海 濱 廣 場 一 座 三 字 樓

敬啟者 :

本人購買了青衣藍澄灣第x座xx樓x單位，十分不滿意貴司於售樓時的銷售手法及售後服務。


投訴一 : 執漏工程不知所謂 !
本人於二零零四年四月二十五日前往收樓，並根據發展商限期內三天交回執漏清單。其中玻璃窗很多刮花痕跡亦是執漏項目之一。至五月初，發展商進行維修工程強差人意。事情再拖至五月中，本人前往收樓處投訴工程進度媛慢，才被安排與收樓部科文關先生及有關執漏部門的主管共三人前往到單位直接跟進。經協商後 雙方口頭同意當時未完成之所有執漏工程必須於五月三十一日或以前完成。 唯獨窗玻璃由於需要訂貨，待六月中新貨到後才可更換。本人詢問關先生是否需要拍攝有問題的玻璃作為留底記錄，關先生回應沒有此需要 他並承諾待返貨後會如數跟換問題玻璃。
六月二日，除問題玻璃外，其餘執漏工程已經完成，尚算一點安慰。
六月廿七日，本人再往收樓部追問玻璃項目之更換情況。竟然得到職員答覆有關單位所報之問題玻璃未有詳細申報，應列明哪一件及位置。本人對此十分反感。其實當日交回清單時，已與職員一同了解清單內每項內容。為何有關職員不即時反問清楚？ 到後來上樓一同檢查工程進度時之職員亦無對此事提及過！
無可奈何之下，我方再與貴司職員吳先生一同前往有關單位，並用貴司專用的玻璃窗CHECK LIST (最初貴司提供的執漏清單並沒有連同此CHECKLIST，實在有點陰謀論！！) 重新記錄要更換的玻璃並承諾儘快處理。
七月十九日再查詢進度情況，貴司職員回覆已訂貨中，而七月尾將有一批新玻璃送抵，要屆時才能得知此批新貨是否包括本人單位所需的玻璃才另行通知。七月廿一日晚上，吳先生致電本人稱有關玻璃需再約同有關部門重新驗正才能確實進一步訂貨更換。 本人覺得貴司的處事作風及所作所為實在有欠商業道德，罔顧業主之應有權利。貴司為本港最大地產發展商之一，竟在收樓及執漏程序上出現如此混亂矛盾的安排，絕對是不負責任的行為！
本人四月收樓至今已數月，全因貴司的失當安排使尚未能搬進單位，而我方仍需履行業主責任每月供款及繳交管理費。復因未能在預期時間內遷入單位，再需另行租置其他單位暫住，每月付出雙重支出，是否應由貴司負責及賠償？ 據貴司職員稱辨，本人可先行入伙才待玻璃到貨後再進行更換。但請問，我等之裝修是將所有睡床安裝於窗台上，貴司能如何更換？？ 難道要我等另花一筆費用拆床拆櫃來配合貴司「遲來的執漏」工程然後重新安裝一切家具？？ 實在大大不合情理，這樣的安排真的不知所謂！！！
本人現強烈要求貴司即覆何時才能完成更換玻璃工程，交回一個可以入住的單位，我等並會保留一切向貴司追究責任賠償的權利。


投訴二 : 銷售手法不正當，有誤導及欺騙買家成份 !
貴司為促銷不擇手段用誤導的銷售手法，令業主變苦主。據藍澄灣的售樓書內容介紹大篇幅地提及七通八達的交通，將擁有多條住戶的專用村巴．．．．．．，圖文並茂。 但到了現時入伙期，我等業主得到貴司通知專用村巴的申請不被運輸處接納。交通實是民生的基本主要部份，如非貴司在售樓書上重點宣傳此賣點，我等亦未必會選購此址。雖然貴司在各項的宣傳項目底部列明「最終會以發展商的決定為準」，但這豈非等同「貨物出門恕不退換」同出一轍？ 這樣取巧的條款已經不合時宜，在法理上未必能被認同。 事實上以現時只靠兩條只乘載十六人的綠巴線，再加上現行之班次安排，在繁忙時間如何能應付一千五百多戶，接近五六千居民在的交通素求呢？而其中88F小巴路線幾乎要圍繞青衣一週才能到達地鐵站，原來只要三四分鐘的車程要超越二十分鐘才能完成，費時失事。 雖然我等可選擇由蛇仔路往路面乘搭其他交通公具，但由於該處已經是出青衣前的一個尾站，經常已滿載而上不到車，現時已有入住之居民天天為交通問題而煩惱。 再者，現時該等服務只到晚上九時三十分止，與香港正常生活節奏格格不入，亦與我等業主最初的交通預算大相逕庭。
此等不負責任的宣傳手法，絕不合法合情合理，我等業主實不能苟同貴司之促銷手法，過橋抽板。
貴司當初以交通方便及村巴安排作招徠，誤導業主購入單位，最終再將責任推卸給運輸處。 現理應實踐承諾為本村居民竭力爭取住戶專用的大型村巴，並改善現行的交通安排、合理的服務班次及時間，以作補償。


投訴三 : 搶錢會所，隱瞞事實，再度誤導及欺騙業主 !

住客會所是現今新型屋苑的特色及需要，本人在香港生活多年，從未聽過本身屋苑居民前往會所享用某些設施，如散步、看書報雜誌、休憩室閒談聚會等等，需要每月付出額定費用。這些根本就是與村俱來的基本、應有的免費消閒活動。雖然售樓書已提及並明白本苑住客需與酒店共用會所一切設施， 但從來未提及該等設施需按月收費 (入場費)。証明又再一次誤導及欺騙業主買家！
我等不是要求免費享用其他應付款之設施， 但基本至連散步看書等活動亦需每月付款，實在令人不能接受，簡直等同向居民強搶！ 徒令業主的每月負擔增加。既要繳付月費，又要額外付款使用收費設施。加上現行會所設施十分簡陋，連一般基本球類活動場地亦欠奉。對這樣的設施及不合理收費根本不值！ 我等對貴苑這種「有酒店式收費，無酒店質素」的屋苑會所，大開眼界聞所未聞！ 實令我等業主住戶十分反感！
現強烈要求貴司考慮，除收費設施外，各業主住戶可以憑住戶證進入會所，並無需每月繳交會費，以還回業主或住戶的應有權益。

投訴人 :

業主xxx

我的聯絡電話 : xxxxxxxx

二零零四年七月二十二日

副本抄送到 : 消費者委員會


半伯 在 星期四 七月 22 2004 12:22 pm 作了第 1 次修改
作者: bikbark    時間: 2004-9-3 21:08:54

其實封信係另一個網友寫o既，相信其他網友都知道

可能會所月費$150好多街坊覺得貴，不過相信大家會集合力量去爭取減價。
如果真係爭取唔到，你亦可選擇唔參加，決定權o向你手，無人逼到你。

交通依家係未夠完善，但係已經日漸好轉，
我o地有好多熱心街坊都仲繼續爭取緊，相信多d街坊入伙後會再好d

我見你出o黎個文，應該係好想了解rc
但係又見好多街坊覆o左你之後，你都聽唔入耳，淨係著重d唔好o既地方，大家好似幫你唔到，咁樣只會令你唔開心o架咋。

其實你即將入住rc，都係o個句，應該入去睇o下，了解下交通及環境，應該好過問其他人o既睇法及感覺。
如果你係遲買(今年5月後)或者係租o既，你應該有機會睇到現樓，你下得o黎個決定，應該對自己有信心嘛!
:em19:
作者: SEVEN    時間: 2004-9-4 00:15:44

bikbark ;你都講得正確 不過我係一個先天下之憂而憂 有時會覺得好大壓力 可能依家工作上出了些問題 現在又要煩新居 再加上太多講rc負面新聞 都無麥正面新聞    :cry:
作者: Agnes Henry    時間: 2004-9-4 00:26:28

正面新聞咪個個都賺錢羅....買左既個個都對RC另眼相看....

你自己入去睇下聽下聞下八下....... 好過係度問喎....係咪先..? 你唔係隔山買牛下麻...你買個時乜都冇問就買??

呢個都唔係好關"先天下之憂而憂"既事你憂既只係一d 14個月之前既舊聞.....
作者: 青衣居民    時間: 2004-9-4 11:15:04

其實個個屋苑新居入伙時都會有呢d問題la開始時一定係買樓時開心收樓時要細心執漏時會火滾裝修時會傷腦筋入伙前會担心........當入伙後.........."攤"落張梳化到睇吓自己間屋(當然要執好間屋先)自然會開心la!!
作者: dick queenie    時間: 2004-9-4 12:23:03

[quote:c71e8ed414="青衣居民"]入伙後.........."攤"落張梳化到睇吓自己間屋(當然要執好間屋先)自然會開心la!![/quote]

this is main main Point :em11:
經過辛苦得出來的成果.....係最甜。 :cry:
seven.....我只可以同你講，藍澄灣唔係最甜的水果。
但當你真心真意去細意品嚐的時候，最後你會發現....甜味會透過汗水同笑容流露出來!!!     
作者: POON    時間: 2004-10-6 17:24:56

知晤知百佳幾時開 ??
作者: SEVEN    時間: 2004-10-7 15:29:16

好似話10個月



歡迎光臨 藍澄灣業主社群 (http://rcrest.bzone.com.hk/Discuz/) Powered by Discuz! X2