藍澄灣業主社群

標題: 小心自由行人士 [打印本頁]

作者: dick queenie 時間: 2004-7-13 10:18:06 標題: 小心自由行人士

Watch out!

  1. 你偷左野:  一位聽眾致電"爸爸早晨"電台節目：李太行經旺角中心商場門口時，突有一位11歲小妹妹拍她肩膀。妹妹說：「你偷左野！」跟住有兩位帶有大陸鄉音既師奶”走來說：「妳偷左野，不如比個袋我守。」李太當時因為事出突然未有防犯。李太為求清白，就毫不考慮比個袋佢守。班大陸人仲用左「非常熟練」既手法，係咁守，係咁守。好彩李太手袋沒有貴重物品，只發現放銀包位置的暗格拉鍊打開過，不過就無唔見錢。但李太回家後就比屋企人責罵一頓。我想呼籲大家，現在因有太多自由行，很多人來港消費（當然係要搵錢先至有得
消費喇！）佢地利用層出不窮手法，希望各位出街要提高警覺，有咩野事第一時間「報警」，以及高聲說話引起他人注意，去廁所一定要小心。

2. 廁所遇劫: 一隊BAND個BASS佬，前兩個禮拜去尖咀小熊國個廁所方便。一開們見到一個大陸仔老粒緊一個西裝友。佢下意識大喝一聲，即刻走多兩條大陸仔同胞，一手推埋佢入去，口同佢講話「唔使驚」，另一隻手就用茶餐廳0的餐刀係咁「桶」我個FRIEND個心口。個FRIEND係咁掙扎，佢地之後好似一D都唔驚咁斯斯然離開。個FRIEND 之後入醫院隻手聯左47針，    斷左兩條神經線！（好彩都重彈到BASS）心口左上角D肉一岩一忽。醫生話好彩隻手比隻錶擋一擋，心口岩岩中骨無傷內臟，情況唔算嚴重。差佬同佢落口供都話，已經捉過廿幾三十個以自由行名義黎香港搵食0既大陸同胞！而尖沙咀同旺角為黑點。自由行0既好處大家都知，亦好似好好咁。但香港0既治安亦可能慢慢變壞！大家自己一個人時可能要小心0的！由其是去廁所方便！真人真事！大家一定要小心！

   3. 當街打劫: 有時我地係 ATM 拿錢之後，就轉身先至將 D錢放入手袋，這是非常危險！個FRIEND 就係剛剛在ATM 取得$2，000，因為人多排隊，所以拿住D錢行開先至放入個銀包內。點之突然有一隻手搶佢手上D 錢，結果比佢搶到$500，其餘D錢跌曬落地下。大家以後唔好理人唔人多排隊拿錢，一於將D 錢放入銀包先至好行開。又有另一個FRIEND佢傾緊手提電話，因為兩隻手拿住野，就用個肩頭夾住個電話聽。點之一手就比人搶左。後來佢個FRIEND(
同佢傾緊電話個果)話佢知，一個人同佢講叫佢收線，因為個電話已經比佢搶左，你話幾過份呀。大家最好用手拿著電話傾電話。

4. 聲東擊西: 真係福無重至，近日有個FRIEND佢又係打開銀包（在街上買東西）打算比錢時，一隻手突然伸出來搶佢銀包。佢都未定神時，只見有幾張信用卡跌落地下。佢第一時間就梗係唔理得個銀包，取回D信用咭先啦。點之在地下的信用咭原來唔係佢的，而個銀包當然就無左啦。好彩D信用咭無比人用過，不幸中之大幸也。都係個句，大家以後小心D。

   5. 提款機提錢時請留心:　（以下內容是由事主朋友親自轉述）    一個女性朋友去提款機提錢，當時有兩部機，一部有個女人用緊，一部有個細路玩緊。我朋友問個細路係咪囉錢啊，咁個細路梗係即刻彈開啦！但係佢仲企係我朋友則邊。點知，我朋友囉完錢，d錢都未出，已經見個細路隻手係出錢口前等緊，我朋友"拿拿"聲伸手去囉錢，點知個細路竟然同佢搶，我朋友當然搶番，突然隔離個女人就以阿媽姿態出現，話個細路：『唔准咁無禮貌嫁'！』個friend除o左怒(bear)個仔之外，重可以做就係怒睥(bear)埋個阿媽之後，個friend入o左銀行裡面做其他transaction，發覺一家三口重未走，(個細路後面一直有個類似阿爸物體企係到)，佢心知不妙，就call佢老公接佢，連埋等佢老公，差不多半個鐘，果一家三口重未走重係門口，直至我friend老公o黎到，出門口就唔見佢o地啦。所以，千萬要小心，即使係細路，D祖國同胞，同你搶都夠膽，香港 d小賊仔又點夠佢o黎呢' 真係要話俾D ! friends聽。

歡迎光臨藍澄灣業主社群 (http://rcrest.bzone.com.hk/Discuz/)