藍澄灣業主社群

標題: 搵人講下青衣的歷史... [打印本頁]

作者: dick queenie 時間: 2003-12-31 15:27:51 標題: 搵人講下青衣的歷史...

小弟自少係一個"香港"仔，青衣係咩地方，真係唔知。 :?:
而家番開地圖...只見青衣島周圍好多....化工廠及油庫 :shock: 。
青衣住左人有幾奈架....果D長乜村，長咩村，又有幾多年歷史?....
佢地係唔係第一代既青衣人呀 :em14: ......?咁青衣有冇原區民架?
我上網都找唔到資料??? :em06:

作者: FireFire 時間: 2003-12-31 15:48:03

我只係知道青衣南橋對落位置以前係安置區...R.C o既位置以前好似係油庫..

作者: yautin1 時間: 2003-12-31 17:59:57

我以前就係住果個安置區叫長環安置區果時青衣得一條橋叫青衣南橋單線行車日日塞車...

作者: Solskjaer 時間: 2004-1-1 03:02:53

上面長青邨長康邨都有20年歷史較新的有有長安但都有十年以上.

作者: gp 時間: 2004-1-1 18:50:59

[quote:fb00c53d7d="Mr. & Mrs. FireFire"]我只係知道青衣南橋對落位置以前係安置區...R.C o既位置以前好似係油庫..

[/quote]

全對! 聽聞當年係因為有油庫先起青衣南橋後來有美景花園之後 d居民就投訴驚油庫唔安全幾年後油庫被迫搬遷.

當年只有南橋時真係塞車塞車塞到怕. :em06:
我試過因為大塞車而有三次機會行南橋出葵芳轉車返學. :em05: 至於塞車最大原因就係貨櫃車

後來青衣越住越多人先起北橋但係塞車情況仍無改善可以誇張到由南橋塞到北橋仲塞到葵芳荃灣至元朗......我好記得o個次因為我偷懶諗住唔返學走頭三堂結果因為太塞車而變o左走五堂至lunch後先返到學校. :em01:

而家青衣真係好多人住有好多住宅我剛搬入o黎時間屋係可以睇到海及荃灣而家只有樓景...... :em18:

雖然我好怕塞車但仍然鍾意住青衣因為每當你放學放工坐車經過南橋時吹下海風成個人都舒服曬而且青衣o既空氣俾九龍區o既空氣好樓價又無港島區咁貴所以住青衣......都幾好呀! :mrgreen:

作者: Roscoe 時間: 2004-1-2 01:19:56

聽講訓練飛虎隊其中一個task就係要喺青衣南橋跳下去.
但我住咗青衣二十幾年都未見過.
都唔知真定假呢?

作者: dick queenie 時間: 2004-1-2 09:11:34

[quote:54a718088e="gp"]住青衣.....都幾好呀! :mrgreen:[/quote]

gp....我覺得你講得好有意思...，請說多一點點吧，相信這裡好多人都想
知道更加多青衣的事情。..... :em21:

作者: Tako and Sukie 時間: 2004-1-2 12:13:11

青衣以前只有南橋成日都塞車所以好多人由青衣碼頭坐船去荃灣碼頭.
以前青衣好少人口所以好好住當時長發長安呀山上D長亨長宏都未有.
我地細個時呀成日踏單車到處玩以前都有單車租.
長發入去船廠入面以前都有人住仲有個沙灘仔.而家變了船廠
我住係青衣15年啦青衣係好地方.

作者: dick queenie 時間: 2004-1-2 12:28:50

唔好意思呀，我又問一個好白痴既問題。
我響地圖上見唔到一條叫"南橋"的橋。
只見到青荃橋、藍巴勒海峽橋、青衣大橋、汀九橋、青馬大橋。
咁你地講既...."南橋"係邊條呀，佢又由邊度連接邊度架.....

作者: Tako and Sukie 時間: 2004-1-2 14:45:16

青衣有兩條橋青荃橋叫北橋南橋即係rc隔離果條

遲d好似有條新橋由長沙灣入青衣

作者: yautin1 時間: 2004-1-2 15:29:11

青衣大橋(南橋) 青荃橋(北橋) 葵青橋(複製南橋) 長青橋(青葵公路的一部份青衣隧道)...

作者: gp 時間: 2004-1-2 19:44:43

訓練飛虎隊其中一個task就係要喺青衣南橋跳下去? 未聽過喎? 跳橋尋死就有!

記得有次睇報紙報導有人係北橋偷o野個賊竟然偷橋身鐵欄去賣. 件事被發現係因為有人投訴橋身欄杆無曬中間鐵支萬一係行天橋時遇到大風就會有墮海危機......真係百歲唔死都有新聞! :em09:

回想當年搬入青衣就一殼眼淚因為當時唔係太多人住所以設施不足行人天橋唔多每次要行多好多路先可以行到去搭車如果要快就要行山路o既捷徑好危險呀無扶手. 我亞媽就試過揹住我細佬返幼稚園行山路而仆親到而家都仲有條疤係隻腳到...... :em01:

作者: CJ 時間: 2004-1-3 21:55:37

TRUE CASE ->
澳門漢跳橋尋死伸 Yk

( 星島日報報道 ) 聲稱三個月前被「屈」偷手機遭無理拘留一百四十天的澳門男子，經向政府多個部門投訴不果後，昨晨憤然在青衣南橋張貼申冤大字報，繼而由二十五米高橋面，以「棟篤企」方式跳入海中，圖以死控訴，當場傷重命危。

2002/11/6

作者: Hotcake 時間: 2004-1-4 01:48:03

青衣有很多地方都是填海得來的青衣城灝景灣翠怡宏褔長安等都是填出來的唔知係唔係近海和周圍都是山所以有很多奇珍異獸出現......
當年我讀緊中一那時灝景灣至海悅還未形成只有一條馬路我從長安村沿著灝景灣對出條行人路步行回家行o下行o下看見遠處的路中心有一條好像長繩的物體本不以為然但當我行近一看發現繩上有鱗片紋即時嚇到彈起好彩只是蛇脫下來的皮不是一條生勾勾的大蛇!!!
過了一個星期我又沿著相同路線步行回家行到現時的世德小學那時是空地的圍欄外看到裡面有一隻很大但枯乾的海龜躺在地上!!!
仲有一隻我很想親眼目睹但只有我爸爸看過的動物.....大約在兩年前我們還住在青裕新村我爸爸說他於早上曾看過好幾次在村口路邊有一隻人那麼高的猩猩坐在路上看風景他說它應該還住在那個小山上如果好彩的話你可能可以碰見它啊!!! :em09:

作者: 小yen 時間: 2004-1-4 02:10:35

回想當年搬入青衣就一殼眼淚因為當時唔係太多人住所以設施不足行人天橋唔多每次要行多好多路先可以行到去搭車如果要快就要行山路o既捷徑好危險呀無扶手. 我亞媽就試過揹住我細佬返幼稚園行山路而仆親到而家都仲有條疤係隻腳到...... :em01:[/quote]

真係好感人呀 :cry: so "gp" 依家你地真係要 "鍚鍚mamei"la :em11: 佢在你地細個仔果陣禁鍚你地依家你地1個2個都 "大個仔"要孝順番mamei至得架 8)

另外hotcake唔好講笑la (人禁高既 "大猩猩"喎好嚇人架 :em05: )我住低層架依家攪到我有d "驚驚添"呀

ops: :|

作者: Tako and Sukie 時間: 2004-1-4 02:30:34

青衣有條教育徑有時間大家可以去睇下風景好靚.おすすめ

作者: 小yen 時間: 2004-1-4 03:06:27

[quote:e17154665c="Tako & Sukie"]青衣有條教育徑有時間大家可以去睇下風景好靚.おすすめ[/quote]

雖然我準備sleep but點都要問問呢4個字 "おすすめ"係唔係 "推薦"既意思呀 :?:

作者: stephenyeong 時間: 2004-1-4 11:30:48

找到個幾詳盡的site
http://www.geocities.com/omnibussun/tsingyiisland.html

作者: Hotcake 時間: 2004-1-6 01:02:32

另外hotcake唔好講笑la (人禁高既 "大猩猩"喎好嚇人架 :em05: )我住低層架依家攪到我有d "驚驚添"呀

ops: :|[/quote]

小Yen 我點會拿這些事講笑呢!這真是千真萬確我想應該有些住青衣村的人都會見過!!!

作者: CJ 時間: 2004-1-6 01:57:29

[quote:dfa69a4816="Hotcake"]另外hotcake唔好講笑la (人禁高既 "大猩猩"喎好嚇人架 :em05: )我住低層架依家攪到我有d "驚驚添"呀 ops: :|

小Yen 我點會拿這些事講笑呢!這真是千真萬確我想應該有些住青衣村的人都會見過!!![/quote]
係咪十二年前果單? 今年收到風猴年佢要復出bor.
小Yen唔駛驚佢係猩猩唔係金剛; 唔會爬大廈唔會捉女仔. 俾咁多管理費咪call secure 黎圍佢lor!

作者: Hotcake 時間: 2004-1-6 02:34:38

不是十二年前是兩年前!!!!

作者: Hotcake 時間: 2004-1-6 02:53:59

有一次仲驚在學校女更衣室內看到一隻只是身體都有一隻成人手掌咁大加埋d未伸直嘅腳就已經有一呎x一呎咁大的蜘蛛係度走動嚇到一班女同學驚惶失色後來校工拿支殺蟲水對住佢噴足成分鐘佢先停止郁動.

歡迎光臨藍澄灣業主社群 (http://rcrest.bzone.com.hk/Discuz/)