藍澄灣業主社群

標題: 有冇人打算明年結婚呀 [打印本頁]
作者: Tako and Sukie    時間: 2003-12-14 19:47:41     標題: 有冇人打算明年結婚呀

有冇人打算明年結婚呀
作者: gp    時間: 2003-12-14 22:16:16

有此打算 不過好忙 無太多時間去籌備 所以會用簡單方式 只係整幾圍同親戚食飯......至於其他儀式如過大禮 就唔知邊d可以減得......好煩 一煩就唔想再諗......可能到出年年尾都結唔成......

最慘就係唔知俾幾多禮金......如果好似去飲咁 有公價就好啦 :em12:
作者: Tomato    時間: 2003-12-14 23:49:48

[quote:9bffc4de66="gp"]有此打算 不過好忙 無太多時間去籌備 所以會用簡單方式 只係整幾圍同親戚食飯......至於其他儀式如過大禮 就唔知邊d可以減得......好煩 一煩就唔想再諗......可能到出年年尾都結唔成......

最慘就係唔知俾幾多禮金......如果好似去飲咁 有公價就好啦 :em12:[/quote]

除左禮金之外 餅咭亦都係難以解決0既難題!
西餅起碼都百幾二百張 唐餅都要過五十..........買餅咭0既$$ 真係夠供二至三個月樓0架! :em20:
作者: Tomato    時間: 2003-12-14 23:54:45

我明年結婚呀!
我剛訂左一個花球! 200蚊咋 (玫瑰+碎花，露腳式)! 連手花、頭花、襟花
哈哈!好開心呀!
作者: Teresa and Fai    時間: 2003-12-15 01:08:00

[quote:4e77f7bd8d="Tomato"][quote:4e77f7bd8d="gp"]有此打算 不過好忙 無太多時間去籌備 所以會用簡單方式 只係整幾圍同親戚食飯......至於其他儀式如過大禮 就唔知邊d可以減得......好煩 一煩就唔想再諗......可能到出年年尾都結唔成......

最慘就係唔知俾幾多禮金......如果好似去飲咁 有公價就好啦 :em12:[/quote]

除左禮金之外 餅咭亦都係難以解決0既難題!
西餅起碼都百幾二百張 唐餅都要過五十..........買餅咭0既$$ 真係夠供二至三個月樓0架! :em20:[/quote]

咁你得閒應該留意下d廣告.............有時會有折..............要趁低吸納..........
作者: gp    時間: 2003-12-15 22:57:05

請問有無d網頁係講結婚程序? 因為我屋企無辦過婚事 我想知最簡單方式會係點? 其實過大禮及回門可唔可以唔做呢? :roll:
作者: Tabo    時間: 2003-12-15 23:16:50

Gp
  You can go to http://hk.geocities.com/jan_franco2003/ for a look
作者: FireFire    時間: 2003-12-16 00:18:25

要供樓...睇怕最快要後年...
作者: Tomato    時間: 2003-12-16 00:27:16

http://www.wedding2ec.com/index.htm

  http://wedding.esdlife.com

  http://community.she.com/messageboard/index.cfm?bdid=15

  http://www.libertehome.net/forum/viewforum.php?f=16

  都可以搵到好多資料 又可以睇下人地點做 :wink:

今個禮拜五至日 會展又有婚紗展喇!詳情見http://www.iweddingclub.com

我開頭乜都唔識 都係靠自己上0下網睇下人地點做或問下過來人意見 (e.g.家姐、表姐、同學) 先至搞掂咋!希望可以幫到你啦!
作者: Tomato    時間: 2003-12-16 00:31:41

[quote:be311b5d67="Teresa&Fai"]
咁你得閒應該留意下d廣告.............有時會有折..............要趁低吸納..........[/quote]

我已經0係上個婚紗展買左餅咭喇 (呵呵!我出年先結婚...........)!雖然有折 仲買夠100張送7張 但係都要好多錢!
作者: calvin and mei    時間: 2003-12-16 00:51:29

我們都係! :em04:  :em04:  :em04:  :em04:  :em04:  :  : 已經訂購酒席!!!! :  :  :  :
作者: FireFire    時間: 2003-12-16 01:07:24

[quote:4e02fad94f="calvin&mei"]我們都係! :em04:  :em04:  :em04:  :em04:  :em04:  :  : 已經訂購酒席!!!! :  :  :  :[/quote]
恭喜恭喜~~~~~~~~~
作者: bunnud    時間: 2003-12-16 01:49:23

結婚唔係好多野攪咋有咩野即管開聲問啦希望我的少少經驗可以幫到手啦
作者: calvin and mei    時間: 2003-12-16 02:40:10

結婚唔係好多野攪咋有咩野即管開聲問啦希望我的少少經驗可以幫到手啦

THANK YOU!!!!
作者: gp    時間: 2003-12-16 13:39:04

Thank you!!
作者: diedsee    時間: 2003-12-16 23:11:26

wah..將來有好多人可以幫我喇~~ >o<
作者: gp    時間: 2003-12-16 23:29:46

有無識人去台灣影過婚紗相 聽人講又平又靚喎!
作者: Wing and Eva    時間: 2003-12-17 00:03:14

唔知有冇人去過hotel結婚呢?係咪好貴架?
作者: Tako and Sukie    時間: 2003-12-17 00:07:53

我都打算係hotel有d都ok.
作者: Wing and Eva    時間: 2003-12-17 00:42:05

我去過酒樓除左美心之外好多都唔掂
好似幸x樓.....
而有一次印象最好o既就係紅磡海逸有雪白o既旋轉梯每一級都有一支洋蠋仲有滿地o既花瓣我老婆仔睇到就話好正啦我都覺好正不過一諗起個何包就...
作者: bunnud    時間: 2003-12-17 01:03:09

如果想擺酒店慳慳地逸東都算平靚正.酒樓的話美心近排好似唔係好得.我個陣係鴻星攪我都得幾好
作者: bunnud    時間: 2003-12-17 01:10:59

[quote:034cd9d9d6="gp"]有無識人去台灣影過婚紗相 聽人講又平又靚喎! [/quote]

我認為如果你係鐘意台灣style的結婚想不如你試下搵個攝影師幫你地係香港的沙灘或者鬧市又或者一些特別意義的地方影效果勁正. 始終婚紗相的背景都唔係最起眼相中人先最緊要嘛.舟車勞動咁飛去台灣影人生路不熟攪殘左個靚樣就點都補唔番!
作者: carry and chris    時間: 2003-12-17 11:52:15

We plan 25/9/2004 is our big days
and we already book restaurant. There have a coupon goto take wedding photo in HK we also take la....output OK la..
but we will goto taiwan at april take wedding once again.
coz we love Taiwan ...this place is good ar...I love the wedding photo style in there.
Church we haven't apply...only one church can apply now other need 2004 around february or march can send letter to apply...so now wait ar
作者: Ice    時間: 2003-12-17 12:29:30

[quote:37f02ae366="bunnud"]如果想擺酒店慳慳地逸東都算平靚正.酒樓的話美心近排好似唔係好得.我個陣係鴻星攪我都得幾好[/quote]

我朋友 9 月就係o係逸東擺酒 都 ok 架~ 應該唔叫好貴o卦~
作者: Teresa and Fai    時間: 2003-12-17 14:01:41

係度恭喜晒以上咁多位準新人...........百年好合 永結同心............恭喜 恭喜!!!!!!!!

入伙時記得通知我你地住係邊..........等我新年黎"豆"利是...............多謝合作!!!!!!!!
作者: Tomato    時間: 2003-12-19 00:39:15

其實我唔會擺酒 但會同親戚食飯 都5-6圍0架! 唔擺酒根本係唔想煩 但而家又要食飯. 不過係爸媽同未來老爺奶奶要求 都無辦法!

而家最煩係0係邊度食飯 我爸媽話要0係旺角"迎囍大酒樓" 但我想0係沙田食喎!
因為我會0係沙田註冊 沙田亦方便我地d親戚。我又唔想分兩日喎!但又唔知book唔book到!其實我想0係帝都 你地有無意見呀???貴唔貴呢???
作者: gp    時間: 2003-12-19 13:54:51

我亦都係想唔擺酒 只會同親戚食飯 請問tomato你會唔會做埋其他傳統o野(e.g. 接新娘). 因為我所識o既朋友都會擺酒及做齊所有o野 我只想簡單d 但又清楚簡單得o黎可以點做......你可唔可以指點我呀 thank you  :em14:
作者: Tomato    時間: 2003-12-20 23:53:18

[quote:c5618b7076="gp"]我亦都係想唔擺酒 只會同親戚食飯 請問tomato你會唔會做埋其他傳統o野(e.g. 接新娘). 因為我所識o既朋友都會擺酒及做齊所有o野 我只想簡單d 但又清楚簡單得o黎可以點做......你可唔可以指點我呀 thank you  :em14:[/quote]

gp

唔擺酒 齋食飯都有好多做法 我會做同聽人講0既做法有:

1. 普遍人的做法: 即過大禮 接新娘 斟茶 著掛 比禮金乜都做齊............只係夜晚0個餐唔係大排筵席 而係同親食幾圍!

我個同學前年結婚 只係註冊左. 佢買左泓景台 而家未入伙. 佢話雖然唔擺酒 但入伙時要補辦過大禮 接新娘 斟茶 著掛 比禮金等儀式 因為唔做即未結婚 唔可以一齊住。

2. 我的做法 (現時的計劃):

~~~因為我屋企有拜祖先所以要搵日同男朋友拜祖先 我會叫男朋友買些水果 乾搖柱 (因為我阿媽喜歡) 紅酒 (我阿爸favour 當然唔駛太貴) 連禮金 (即利是)來我家 (不要兩手空空)。~~~~~可算是過大禮吧! (我見正式過大禮係要椰子、蓮藕.......一大堆的 而且必定要燒豬一大隻 所以我算係好簡單 :wink: )

~~~我會之前一晚到酒店過  方便第日化妝 著婚紗 (聽聞註冊處個新娘房係無鎖的 乜人都走得入去) 然後走落註冊處 (花車都慳番!)

~~~一定唔會"接新娘" 即使我0係酒店 或0係屋企 我都唔會玩接新娘遊戲 我男朋友接我 開門比佢入默得lor! 因為我地最怕煩同嘈 而且覺得無意義!

~~~同親戚食飯時會做埋斟茶 但唔著掛!只會買套大方得體的連身裙著就算! (如果有錢 或會租條旗袍for斟茶、影相時穿 因為長輩或會比d金器嘛!)

~~~我阿媽會派餅咭比親友 我自己都會派比朋友! 普遍的做法係打電話通知朋友觀禮就算 但我個人比較鐘意留d野比人留念 所以會自己設計invitation card自己用printer 印. 而家興整網頁 我都會試下!
(介紹一個網頁比你 http://e-din.com/wedding 做得好好 裏面d資料都好豐富!)

~~~我會有伴娘 即我妹妹! (我都有租條伴娘裙比佢 其實基本上只註冊係唔駛的有d人直情係無伴娘tim!不過 我錫細妹嘛!希望佢靚靚! ) 我男朋友都係搵佢細佬做伴郎. 至於姊妹兄弟就唔駛啦!我都係叫家姐同表姐幫0下手 因為佢地有經驗!

呢d係我大約0既計劃 可能到時有變0架 但大致都會0禁做!

其實話簡單0者 邊到可以簡單呢!做下做下都係好多野搞!不過都好過擺酒 因為擺酒要印帖、搵攝影、化妝、租多幾套衫 仲有爸媽0既衫................

點做都好 最緊要係問雙方父母的意願 佢地一定會話"求其啦"、"是但啦"、"你鐘意啦"!呢d未必係佢地真心話 你要諗辨法令佢地講出要求! 就好似我阿媽 最鐘意唔講真心話 所以我帶佢去婚紗展 等佢感受下d氣氛 等佢諗一d同結婚有關鏈的事情 然後套下佢想點!哈哈!

仲有老一輩0既人認為註冊唔等於結左婚 要擺酒 (或食飯) 斟左茶先算結婚 所以都係問清楚!
作者: gp    時間: 2003-12-21 22:24:03

Tomato

你所提意o既方法就係我想知o既 真係十萬千萬 百萬個唔該 :em14:.
作者: angel    時間: 2003-12-22 00:29:48

我都係出年９月結婚呀！！已經訂咗酒席，影咗婚紗相，book咗租禮服，化妝．．．la係唔係好快呢！！ :em12:
  :mrgreen: :em04:  :em21:  :em04:  :mrgreen:
作者: Tomato    時間: 2003-12-22 11:36:31

[quote:669f6658f4="gp"]Tomato

你所提意o既方法就係我想知o既 真係十萬千萬 百萬個唔該 :em14:.[/quote]

gp

舉手之勞 駛乜禁客氣呢!!!!

我聽日去影婚紗相喇!好緊張!呢排狂敷mask 哈哈!
作者: H and H    時間: 2003-12-22 13:26:52

恭喜晒咁多位呀!!!
作者: gp    時間: 2003-12-22 20:10:24

Tomato

咁你今晚要早d休息......明日影相先會靚o家   
作者: Tomato    時間: 2003-12-28 20:45:35

:em01:  :em01:  :em01:  :em01:
我好慘呀!
我......而.......家........要.........擺酒
個雪球越滾越大................由原先的5-6食飯 到而家已經變成十幾圍
其實我都估到有今日 我爸媽禁多親戚 5-6圍點會甘心呢...............係我太天真
唉! :em06:  :em06:
作者: Hotcake    時間: 2004-1-6 02:20:37

擺酒當然係搵Hotel好啦!價錢貴美心小小但會送很多嘢包括Benz租用3小時婚紗相套餐酒店請帖餐前小食及飲品蜜月套房一晚免費泊車席上酒水任飲等等多項優惠.

我和老公在2002夫妻日結婚係旺角帝京酒店擺酒每圍大約$6000但我們都覺得極之值得因為個場真係相當唔錯好grant樓底很高場地大無柱位在場中加上一幅大落地玻璃正!!!食物都唔差服務亦唔錯賓客大都好評.而且酒店地點好交通方便大家可以考慮考慮!!!

黃金海岸個場都幾好不過太遠雖然席後有幾架旅遊車送賓客到某幾個指定地點但始終唔係幾方便.其實每年係婚紗展上都有很多酒店在場promote大家可以先格價.

ps:一個華麗的酒席場地可以令一對新人有一個難忘的回憶!
作者: Hotcake    時間: 2004-1-6 02:30:45

以我所知逸東都要大約$5500一圍如果這樣加多少少錢去帝京擺好好多個場真係人見人愛啊!!!
作者: bikbark    時間: 2004-1-6 08:48:42

[quote:21b1790073="Hotcake"]

我和老公在2002夫妻日結婚[/quote]

小妹不才... 請問邊日係夫妻日呀?  :?:
作者: Hotcake    時間: 2004-1-6 12:48:36

11月11日代表一夫一妻一生一世!
作者: Hotcake    時間: 2004-1-6 12:59:09

在帝京擺酒仲有一個好處就係可以碌卡不但可以儲分又可以遲一點找數等收曬人情都未到期交煩少好多!利息都賺埋! :
作者: bikbark    時間: 2004-1-6 18:39:35

[quote:7407debab2="Hotcake"]11月11日代表一夫一妻一生一世![/quote]
un un la thanks!
作者: CJ    時間: 2004-1-6 19:30:27

[quote:a1aa9dd4b6="bikbark"][quote:a1aa9dd4b6="Hotcake"]11月11日代表一夫一妻一生一世![/quote]
un un la thanks![/quote]
咁12月12日係...  :em12: ...just kidding...

by the way be vigilant if your man chooses 2月29日! The aniversary will be 4 yrs later! :em17: He save the gifts for 3 years...
作者: Tomato    時間: 2004-1-6 21:20:50

Hotcake

你0係帝京個菜單大約有d乜?????包唔包鮮橙????
我而家0係沙田帝都擺 計埋酒水都要$6000一圍!
我個菜單唔包橙 又唔包紅酒..........好煩惱!
其實酒店係唔係唔包呢d呢??

我又有開心事 想同大分享
我上個禮拜已經揀左婚紗相喇!好靚呀!:em04:
影相同揀相0個日都好開心呀!有無人諗住影婚紗相呀??????
我真係要極力推薦"現x經x"

佢地d sale真係超級nice 又唔會迫人買相同加野
唯一唔好係無外景 但係我覺得背景都ok!
佢地換左新studio 而家0係葵芳 好方便啊! (我影0既時候仲0係北角呢!陰公!)
我唔係賣廣告0架!

搞結婚的過程中 最開心都係影婚紗相!!!   
作者: bikbark    時間: 2004-1-7 20:49:39

[quote:b88ea8c674="Tomato"]Hotcake

你0係帝京個菜單大約有d乜?????包唔包鮮橙????
我而家0係沙田帝都擺 計埋酒水都要$6000一圍!
我個菜單唔包橙 又唔包紅酒..........好煩惱!
其實酒店係唔係唔包呢d呢??

我又有開心事 想同大分享
我上個禮拜已經揀左婚紗相喇!好靚呀!:em04:
影相同揀相0個日都好開心呀!有無人諗住影婚紗相呀??????
我真係要極力推薦"現x經x"

佢地d sale真係超級nice 又唔會迫人買相同加野
唯一唔好係無外景 但係我覺得背景都ok!
佢地換左新studio 而家0係葵芳 好方便啊! (我影0既時候仲0係北角呢!陰公!)
我唔係賣廣告0架!

搞結婚的過程中 最開心都係影婚紗相!!!   [/quote]
阿茄，你最終都係要擺酒，避唔到
擺酒都真係幾熱鬧幾開心，有個朋友o岩o岩o個個星期六擺酒，見到佢雖然好"支力"咁，不過就蓮子蓉咁o既面口，全日都笑得好甜

你d靚相...唔知有無機會睇o下呢？
作者: Tomato    時間: 2004-1-7 23:54:19

或者到時會開心啩!因為超出預算 駛多好多錢 同埋我同男朋友根本唔想舖張
所以我只係請左四個好同學 其餘的都係一d十年唔的親戚..............真係好愁!

好彩我死都唔肯搞過大禮 出門接新娘0者 否則後果不堪設想呀!

我d相要4月先有得"螺" 唔知rc 收樓未呢?????
bibark 到時再比你睇呢!
作者: Hotcake    時間: 2004-1-8 03:19:54

Tomato

我個套餐都唔包鮮橙和紅酒我們那時在街市買咗成箱橙運去酒店不過唔算貴大概$1.5/個如果要向酒店買要$150/圍.而紅酒就向一間公司買價錢有平有貴不過飲唔曬可以退番d貨比佢攞番$.

我那時的酒店送羅浮宮套餐所以我們去了那裡影都幾好我記得當日影咗八成後個天下起雨來個攝影師居然比我們約過另一日再影外景!此外個sales都冇迫我們買多d相仲叫我們如果唔係咁鍾意唔好要等我仲約咗兩個有經驗的朋友一齊睇相準備同佢講數添!!!

唔知Tomato你訂咗花球未葵芳葵涌廣場一樓有間花店的套餐都幾抵如果未訂而又方便的話可以去問吓價.
作者: Tomato    時間: 2004-1-8 18:02:58

Hotcake

唔該晒!!!!
花球我諗我會在旺角訂 因為上次訂左個玫瑰花球連頭花、襟花、手花 都係200蚊!!!都唔錯0架!!

不過 我而家個花球要用成日 要用有花託0個種 要貴d lu!唔知用唔用玫瑰好!!!我個人好最鐘意玫瑰 唔知玫瑰可唔可以捱0禁耐??????

人地話蕙蘭可以keep耐d 又要貴d lor!!

你話葵芳間花店個package係點0架!!!格0下價嘛................

唔好意思想問多你兩條問題 希望你唔好介意..............你擺左幾多圍????有無賺呢???因為我男朋友會比返自己0個幾圍 其餘的都係我爸媽出 我想知人情會唔會cover到酒席錢..............我對爸媽要出錢係好內疚!!!!!!! :cry:
作者: wychan    時間: 2004-1-8 18:16:25

[quote:1c51cd1aed="Tomato"]Hotcake

唔該晒!!!!
花球我諗我會在旺角訂 因為上次訂左個玫瑰花球連頭花、襟花、手花 都係200蚊!!!都唔錯0架!!

不過 我而家個花球要用成日 要用有花託0個種 要貴d lu!唔知用唔用玫瑰好!!!我個人好最鐘意玫瑰 唔知玫瑰可唔可以捱0禁耐??????

人地話蕙蘭可以keep耐d 又要貴d lor!!

你話葵芳間花店個package係點0架!!!格0下價嘛................

唔好意思想問多你兩條問題 希望你唔好介意..............你擺左幾多圍????有無賺呢???因為我男朋友會比返自己0個幾圍 其餘的都係我爸媽出 我想知人情會唔會cover到酒席錢..............我對爸媽要出錢係好內疚!!!!!!! :cry:[/quote]

0也唔係男家俾晒所有酒席，而男家只可取回男家親友的人情，而女家則要上繳外母大人嗎 :em06:

可能各處鄉村各處例。其他朋友你們是怎樣安排呢，好讓我弟時點樣講數 :em12:  :em12:
作者: CJ    時間: 2004-1-8 19:30:09

一條屎橋...
去酒樓打邊爐(cheap 就 cheap d 最多加料叫窩趐) or high d 去日本餐廳包場放題...  :em12:
作者: wychan    時間: 2004-1-8 20:17:27

又唔屎喎，計落有so，埸地方面可以找些大睇d，例如hotel ballroom 或會展
作者: CJ    時間: 2004-1-8 20:23:56

都幾屎架... 男人就話冇計較o者 女仔同老人家可能唔接受 覺得冇面架...
作者: wychan    時間: 2004-1-8 20:27:46

0岩0岩先去完朋友在new zealand的婚禮，佢地都係在hotel ballromm做自助餐。都幾有睇面架，所有親友都要formal dressing。仲有跳舞tim...
作者: CJ    時間: 2004-1-8 20:45:28

hmm... 鬼佬...好似唔做人情bor 淨送gift... 蝕梗 :-(
作者: Tomato    時間: 2004-1-8 23:10:13

[quote:5db55f2264="wychan"][quote:5db55f2264="Tomato"]Hotcake

唔該晒!!!!
花球我諗我會在旺角訂 因為上次訂左個玫瑰花球連頭花、襟花、手花 都係200蚊!!!都唔錯0架!!

不過 我而家個花球要用成日 要用有花託0個種 要貴d lu!唔知用唔用玫瑰好!!!我個人好最鐘意玫瑰 唔知玫瑰可唔可以捱0禁耐??????

人地話蕙蘭可以keep耐d 又要貴d lor!!

你話葵芳間花店個package係點0架!!!格0下價嘛................

唔好意思想問多你兩條問題 希望你唔好介意..............你擺左幾多圍????有無賺呢???因為我男朋友會比返自己0個幾圍 其餘的都係我爸媽出 我想知人情會唔會cover到酒席錢..............我對爸媽要出錢係好內疚!!!!!!! :cry:[/quote]

0也唔係男家俾晒所有酒席，而男家只可取回男家親友的人情，而女家則要上繳外母大人嗎 :em06:

可能各處鄉村各處例。其他朋友你們是怎樣安排呢，好讓我弟時點樣講數 :em12:  :em12:[/quote]

正常係男家比的................
我係例外lor! 唉!
開頭話唔擺酒 就係因為我先至要擺\r
當然會有人唔高興啦!所以玩AA!!!!!
作者: Hotcake    時間: 2004-1-9 03:16:38

Tomato

一生人一次我贊成要擺酒雖然係煩一點但是事後你會覺得很值得始終多D嘢可以回憶如果唔擺酒你一定會後悔的!!!!!!再者我個人認為擺酒在某程度上亦是對女方的尊重它的意義在於男方願意在各親友面前證明對你的愛一個男人如果很愛一個女仔應該盡佢所能去滿足女方的合理要求AA好像不太好! 我記得當時我們決定結婚我老公雖然並不富有但他卻付出他的所有去滿足我和我爸媽的要求我很感動因為我感到他很愛我他寧願自己幸苦也不要我後悔老實就所有結婚的主要支出都是他一個人付的.因為我對於結婚這方面比較守舊和執著.不過你亦用不著內疚只要你爸媽和他講掂數就得啦.
由於所有酒席(15圍)都是我老公比的照理是他可以收曬所有人情不過他答應送幾圍給我媽媽所以嗰幾圍的人情就係我媽媽收但親戚送的金飾就一定是新娘收的.以市價每人$500人情有d friend 仲做成千呅人情我們都唔使點 蝕如果你的酒席不多於$6000你應該唔使蝕.
至於用什麼花都冇所謂啦只要你鍾意就得.我那時是用蕙蘭有託都是連頭花、襟花、手花不過要$350左右貴過你喎!不過你都可以再去問吓價始終我嗰個唔係update 價問完價又可以搭小巴來rc實地視察吓.其實你有冇諗過考慮絲花價錢和真花差不多我那時也買了一個白合絲花球作替換極度真實!
作者: Tomato    時間: 2004-1-9 12:20:35

Hotcake

唔該晒!!我諗住將你呢段說話print出來 比某人睇..............哈哈!!

你老公對你真好!!!我都覺得我屋企人真係對我好好!!我記得有次我向媽媽發脾氣 姐姐後來告訴我 媽媽無怪我 爸爸還叫媽媽：“個女放工返0黎 唔好鬧佢” 佢地知道我壓力好大所以即使我無理取鬧都維護住我...........阿麻成日都叫我唔好唔開心 有晚我去左同學屋企玩 佢等我等到1:00都唔訓 因為驚我唔開心去左做傻事.........我無錢家姐細妹又話會幫我.......你話我點可以唔內疚!

其實我已經開始面對現實 但好多事都係身不由己........唉!希望真係會好開心啦!!

你個蕙蘭花球都係350蚊 仲包禁多野 又好抵喎!等我再格下價先!!!!!



唔該晒你!!!!!
作者: Tomato    時間: 2004-1-9 12:23:48

係喎! 阿dick你新婚喎 有無野可以分享下呢???
作者: Hotcake    時間: 2004-1-9 13:00:03

Tomato
其實你真的很幸福有很關心很愛你的家人一定要珍惜啊!講得主觀一點家人永遠都是你家人老公未必永遠是你老公!即使他現在多愛你亦不能保證一生不變作為女性我們亦要經常保持危機感要作最壞打算可能我身邊有很多這樣的例子有一個friend 結婚三個月就離婚她覺得老公好像變了一個不認識的人.又有一個friend 生了兩個小朋友後老公有第三者最後又離婚.做女仔真係要帶眼識人唔係就一世啦!希望我的說話唔會嚇親你啦畢竟我們對未來要抱有希望!!!
其實我只係大你一年點解我的說話好似咁老積?!
作者: Hotcake    時間: 2004-1-9 13:20:23

[quote:e47958594e="Tomato"]
好彩我死都唔肯搞過大禮 出門接新娘0者 否則後果不堪設想呀!

[/quote]

點解唔接新娘呀好好玩o架我指個新郎比人玩你會好開心o架因為你見到佢為咗娶你排除萬難好"Lum"o架!!!
作者: dick queenie    時間: 2004-1-9 15:52:53

[quote:7d37b1538a="Tomato"]係喎! 阿dick你新婚喎 有無野可以分享下呢??? [/quote]

今日係我地結婚兩個半月，
分享就唔話得，始終都係only one 次.....。
不過結婚，最緊要兩口子都要冷靜面對一切，唔係就日日開大片。
有咩一定要心平氣和去傾，我倆有樣野好，兩公婆都係奶仔奶女。
雙方老豆老母都冇咩所謂。
不過....過大禮同過門，咩糖餅、西餅這些基本野就必然啦。
不過想有意思呢，好似請帖咁，就係我地兩公婆自己design同print。
而手花、襟花都可以自己整，去花虛買平好多。不過要有心機同時間。

酒席方面，而家酒店都好平，多少少M去酒店擺，High些。
另外有好多Q旁送......。
但事前記得、記得、記得，一定要問楚細節同價錢。special for 酒水，
我有個friend酒水都成萬銀埋單，所以全包都要問明包幾多粒鐘。
酒店就好些，酒樓既話...就.... :em18: 。

另外新郎哥記緊要，入多些少利是，拾蚊、二拾都好。
因為當日，你會係人都比利是......
作者: Hotcake    時間: 2004-1-9 22:47:36

Tomato

其實我們講什麼都假最緊要係佢嘅態度你覺得佢對你好有誠意娶你就什麼都可以商量!
作者: bunnud    時間: 2004-1-9 23:53:12

Tomato 恭喜你搵到個好老公又有個咁溫暖的屋企.祝你地永遠相親相愛記住唔好將D唔開心野放係心.雖然冇人會知明日會發生咩事但係最緊要珍惜今日呀!!!

明天會更好
作者: Tomato    時間: 2004-1-10 00:06:00

多謝各位0既支持!! :em19:

我見好多人結婚前都會鬧大交 d人話呢d考驗我相信我會經得起考驗!!

其實我仲有兩個月就結婚lu 有d緊張tim!!哈哈~~希望順順利利 唔駛再煩!!!

弊傢伙!!!我地未買結婚介指喎 :!: !
作者: bunnud    時間: 2004-1-10 00:22:15

仲有成兩個月駛咩咁緊張喎大把時間啦放鬆D.結婚最重要係兩個人開心唔好為些少事而傷神.
作者: kk and hiromi    時間: 2004-1-10 03:54:47

i guess i will propose to my gf after the new flat is settled.....and i guess the wedding party will hold in japan.....hope all my friends will attend my wedding ceremony la...
作者: CJ    時間: 2004-1-10 18:14:13

kk your gf is "nihon-jin"? congra lar!
作者: Tomato    時間: 2004-1-10 21:14:04

[quote:10bced7a4c="kk&hiromi"]i guess i will propose to my gf after the new flat is settled.....and i guess the wedding party will hold in japan.....hope all my friends will attend my wedding ceremony la...[/quote]

嘩!係唔係日本Disney呀???好浪漫喎! :em04:  :em04:

我而家好驚沙士重臨呀!

啋啋啋! :em10:  :em10:
作者: Alan Tung    時間: 2004-1-11 19:53:42

Hello!hello!大家好 我叫alan  我都會在今年平安夜結婚
作者: KS    時間: 2004-1-11 20:53:29

恭喜晒恭喜晒.... :em19:

ks
作者: P女    時間: 2004-1-12 00:24:41

[quote:dbec438863="Alan Tung"]Hello!hello!大家好 我叫alan  我都會在今年平安夜結婚[/quote]

平安夜......好浪漫呀
你介意介意話比我聽你地而家0既status?
我地都打算係今年結婚 但係乜都未攪 係咪好遲？
作者: Hotcake    時間: 2004-1-12 18:27:58

一D都唔遲當年我11月結婚4月先決定5-6月先開始攪.
作者: Tomato    時間: 2004-1-12 20:46:42

P女
你諗住幾時結婚呀?恭喜晒!

我係買左rc後先至決定結婚咋!!直至現在都係用左約半年籌備!

如果你諗住要d結婚相for擺酒 整帖......等等 禁就要早一d去買package喇!因為你揀邊間影都需要時間 到買左package 又要book時間影 快則兩個月 慢則3個月(我見有d人影蒙xx沙、法x、新x地等熱門婚紗店 都要等3、4個先有得影!)影完預1-2星期揀相 之後又要預2、3個月先有相拎(我舊年9月book時間 12有得影，而家要到4月先可以取相 我迫個sales早d比 佢只係比我預早d取張油畫咋!!)

擺酒方面 聽聞年尾好full喎!不過 可能你會好好彩搵到的。我細妹個同事 好遲先至搵酒席 竟然比佢book到3月6日大會堂美心 3月6日係超級好日呀!

留意0下幾時有expo 又可以學0下野 又可以買到平野!好似2月又會有expo喎!

不過 都係要諗0下你結婚0個日係唔係好日 如果係好日就要早d預備!因為酒席、租衫、book化妝等都多人爭0架!!如果好似我禁 揀個普通好日 就可以唔駛禁急啦!!
作者: P女    時間: 2004-1-12 21:50:16

我地都係買左rc先決定結婚 我地都會係年尾
乜影相咁麻煩架？因我d朋友 屋企人都好耐冇攪結婚 所以我乜都唔識 好彩有你地班姐妹問下......thx a lot!  ....... :em21:
今年係好年 年尾一定多人結婚 我都怕book唔到地方呀..... :cry:
我知道二月會有個expo 如果我到時至攪 會唔會太遲？
作者: bunnud    時間: 2004-1-12 22:04:10

年尾結婚宜家開始搵地方差唔多喇如果你想揀大好日我諗已經full哂不妨去wedding expo睇睇
作者: Tomato    時間: 2004-1-12 23:58:28

P女
expo都未必有好多間酒樓、酒店比你揀!!你去expo之前 最好買d結婚雜誌睇
0下!!雖則話香港d結婚雜誌好貴 (最貴35蚊 最平25蚊) 又無乜野睇 但係佢地d酒樓、酒店廣告係特別多同詳細 你可以比較一0下先至決定!!

有問題即管開聲 我相信好多鄰居都可以幫到你 唔好客氣呀!
作者: CJ    時間: 2004-1-12 23:59:33

猴年吉日:
2715192731/1/2004
9182127/2/2004
411/3/2004
82427/4/2004
6121518212230/5/2004
56122124/6/2004
361123/7/2004
413162531/8/2004
61128/9/2004
5182430/10/2004
812172026/11/2004
2912151931/12/2004
59132125/1/2005
作者: Hotcake    時間: 2004-1-13 01:57:40

Tomato

你大概都準備得七七八八了嗎?你有冇打算買回禮禮物送比D親友呀?我那時在金都買了二百個(有不同款不同顏色任擇)香花瓷器公仔連心形Thank you 咭都係每個$5可於客人到場時派發既得體又顯出你的心思客人收到都會喜歡的!不妨考慮考慮.:roll:
作者: Tomato    時間: 2004-1-13 16:28:28

[quote:f2ea0dc17d="Hotcake"]Tomato

你大概都準備得七七八八了嗎?你有冇打算買回禮禮物送比D親友呀?我那時在金都買了二百個(有不同款不同顏色任擇)香花瓷器公仔連心形Thank you 咭都係每個$5可於客人到場時派發既得體又顯出你的心思客人收到都會喜歡的!不妨考慮考慮.:roll:[/quote]

Hotcake
我都係好娘禁買左d盒仔 諗住放d糖或朱古力當回禮禮物咋!因為我同男朋友請的朋友唔多 多數請的都係上左年紀0既親戚 佢地根本唔會理d回禮禮物 所以無花心思lor!係喎!你d回禮禮物係放0係reception 定係放0係枱上面??會唔會放0係reception枱上面好d呢?鍾意就"螺" 唔好浪費嘛!!

而家最驚係沙士................ :em18:
作者: Hotcake    時間: 2004-1-14 00:26:37

Tomato

你講得啱我d回禮禮物都係放喺reception因為我要保證人人有份驚如果放喺枱上有人會拿多一份攪到有人冇禮物. :roll: 你就好啦!d親戚唔會理d回禮禮物我d親戚飲完酒後仲走來問我可唔可以每一個款比多隻佢地攪到我結完婚第二日仲要去買多幾十個差點連我自己都冇!!!
作者: Tomato    時間: 2004-1-14 09:50:58

Hotcake

我連vcd都無得播!簽名布又無 差d連進場都唔比做!!有時諗應唔應為左d老一輩0既親戚而放棄另一班後生0既親朋戚友呢??

你擺酒0個陣有無播歌0架??我一定會播歌0架!因為我好鍾意聽歌嘛! 但一定唔要d大龍鳳音樂lor!我爸爸叫我唔好播英文歌 因為d老人家唔懂聽 哈哈!我唔會理
0架!佢地聽先算啦!你估酒店有無MD播呢??如果用vcd 默要整隻翻版碟?? :!:
作者: Hotcake    時間: 2004-1-14 11:38:21

Tomato

嘩!結婚喎!梗係為自己唸啦!千企唔好做d自己明知會後悔嘅嘢!!!
這方面我就比你好彩我地d父母都由我地自己攪佢地話"你們朋友多要得得體體你們自己決定啦!"所以vcd簽名布進場真情告白玩新人等全部都有做.我進場時用咗"結婚進行曲"張vcd用咗"cannon in D"做 background 敬酒時用"celabration"多數是純音樂如果你爸爸叫你唔好播英文歌咁純音樂得唔得呀? :roll: 我唸MD就難少少不過都係問吓酒店穏陣d!歌方面如果你有什麼想幫手即管開聲喎!
作者: Tomato    時間: 2004-1-14 15:04:52

我諗住成晚播李克勤喎! 進場時播"當找到你" 仲一定要播"冬暖夏涼" 呵呵!!整到好似克勤演唱會禁!  
作者: Hotcake    時間: 2004-1-16 12:05:39

咁有趣! :
作者: FireFire    時間: 2004-1-16 13:15:33

[quote:88c03245fa="Tomato"]我諗住成晚播李克勤喎! 進場時播"當找到你" 仲一定要播"冬暖夏涼" 呵呵!!整到好似克勤演唱會禁!  [/quote]
不如搵隊Band...成晚唱李克勤d歌..
作者: Tomato    時間: 2004-1-16 21:47:46

如果可以搵到李克勤現場唱仲好呀 :em04:  :em04:
哈哈!發夢tim :em08:
作者: P女    時間: 2004-1-17 18:05:24

請問大家有冇好0既結婚場地介紹呀? 我地都唔知搵邊間酒店好....... :cry:
好頭痛
作者: Tomato    時間: 2004-1-18 00:13:13

p女 你想搵邊區 budget幾多呢??幾多圍呢?

如揀酒店 Hotcake講0既帝京都唔錯
http://www.royalplaza.com.hk/chinese/meeting_package.asp 好grand喎!


我去過尖咀帝苑都好好!!要ballroom就樓底d 下面中菜廳就有條小橋同魚池 幾得意0架!!d新人會0係條橋度進場 好鬼正!!
http://www.theroyalgardenhotel.com.hk/meeting/package/wedding.htm


我個同學擺過excelsior 都好grand 0架!不過人地話唔好食 但又覺得ok喎!不過我覺得唔係太方便!!
http://www.mandarinoriental.com/hotelsite/frameset.asp?pHotelId=59&pWebCatId=59000085&pLevel=2&pHotelSite=1&pResvFlag=0&pUserSessionId=868329606


我將會擺酒0既帝都就唔提議比你!!如果你只係10圍以內都可以(最好係8圍)!但係擺得多就唔好lu 因為好多柱同細!!
http://www.royalpark.com.hk/chinese/meeting_wedding.asp


沙田麗豪有同學食過 話返到屋企肚痾喎!唔知係佢食得飽得滯 定腸胃唔好呢??
http://www.regalriverside.com/mmm/regalriverside/zh_TW_main.html


佐敦0既逸東酒店就係擺酒熱點 而且好似係新裝修過不過唔知年尾會唔會full左呢??
http://www.eaton-hotel.com/


我所知酒店就係禁多!至於酒樓方面 知道0既就有:

旺角迎囍大酒樓 新開無幾耐 係稻香集團. 平時去飲茶食過都唔錯!佢個設計比較新潮 門口有個大喜字燈箱 一d都唔老套 d碗上面都有喜字!!不過燈光較暗!!老人家未必鍾意 (但唔知點解我屋企兩個老人家極之鍾意喎!)佢個菜單仲神奇. 最貴0個隻好似係46xx (唔記得) 除左有全體乳豬外 仲有上湯龍蝦tim!


旺角聯邦 (太子始創) 我食過兩次 包括我姐姐及同學都擺過!佢最近裝修左 好光猛同靚左好多 (無晒我家姐四年前擺既酒樓feel 而家grand左好多)!我同學要晒全場 佢除左保留左個中式禮堂外 仲搭左一個西式台 都幾得意!!不過唔知package包唔包呢???

荃灣綠楊新村潮江春 樓底高 又係好grand!不過佢有兩層 上面0個層0既食客會望到落去 睇晒你個結婚過程 哈哈!!

葵芳美心 唔好!因為間好多間房 好噪!!我上次去飲 睇唔到vcd 聽唔到mc講乜 但成晚就聽到隔離房d人唱卡拉ok!

尖沙咀桃苑都唔錯 不過個場太長 我個同學結婚0個次無搭台 (樓底唔高) 我坐27圍 要企起身先至睇到個新人 條龍鳳係用金粉整 唔知老人家會唔會唔鍾意呢???

尖咀映月樓好好味0架!!(我覺得!) 望到個維港view 靚到震呀!
不過唔知你會去邊度註冊呢??

呢d係我經驗同意見!希望比到d idea你啦!!


補充一句: 2004年尾好full................
作者: P女    時間: 2004-1-19 09:14:29

Tomato

多謝你咁多的寶貴意見
Excelsior係causeway bay wor 點解你話唔方便0既？
我地打算擺15-20圍 我諗會係尖沙咀或港島區擺\r
而家考慮緊灣仔萬麗海景 唔知你有冇去過呢？
但係佢就唔包酒水
作者: Tomato    時間: 2004-1-19 09:57:52

[quote:f10a198cb8="女"]Tomato

多謝你咁多的寶貴意見
Excelsior係causeway bay wor 點解你話唔方便0既？
我地打算擺15-20圍 我諗會係尖沙咀或港島區擺\r
而家考慮緊灣仔萬麗海景 唔知你有冇去過呢？
但係佢就唔包酒水[/quote]

因為我唔鍾意銅鑼灣 所以覺得佢好遠...........

我無去過灣仔萬麗海景 不過你最好諗0下你d親戚多數住0係邊 你0係邊度註冊同埋註冊時間!!

好多酒店同酒樓都唔包酒水0架!酒店d酒水仲好貴 橙又要自己買 seat cover又要加錢 乜都要收service charge 你要計0下條數會唔會overbudget!
作者: Tomato    時間: 2004-1-19 10:00:21

我婆婆尋日走了...............
我唔捨得佢 佢見唔到我嫁.........
作者: Suzuki    時間: 2004-1-19 11:38:55

[quote:25721c2bdc="Tomato"]我婆婆尋日走了...............
我唔捨得佢 佢見唔到我嫁.........[/quote]

She will be lives in your heart so that she feeling your wedding party and become "大個女"...
作者: Hotcake    時間: 2004-1-19 17:25:53

Tomato

都唔知點安慰你好......世事往往就是這麼無奈......希望你可以盡快重拾心情啦!!!
你令我想起我們的遭遇都有些相似我老公的公公在我們結婚前一個月去了........
傷心之餘還算幸運如果他遲幾日去我們連婚都不能結到時要改酒席改所有嘢....
作者: Tomato    時間: 2004-1-19 20:21:41

我都唔駛改期 但始終有遺憾 佢同公公一早已經買左嫁妝比我 但係佢地唔可以親手幫我戴上!

好掛住佢呀! 而家淨返 女麻 女麻 一個 要更加錫佢!
作者: Hotcake    時間: 2004-1-27 18:16:06

冇錯都係嗰一句"珍惜眼前人"唔好再同屋企人吵架大家互相愛護忍讓多點遷就老人家畢竟可以孝順他們的日子實在不多!!!
作者: Tomato    時間: 2004-1-30 00:59:21

禽流感呀!唔知到時有無雞食呢???
作者: kk and hiromi    時間: 2004-1-30 19:53:22

Planned to get marry w/ my honey this year in Japan Okinawa....and planned to buy the Cartier wedding ring....but no size....too bad.
作者: Tomato    時間: 2004-1-30 23:26:43

嘩!好有錢呀................... :shock:
作者: saga    時間: 2004-1-31 13:32:27

[quote:627dea78cd="Tomato"]禽流感呀!唔知到時有無雞食呢???[/quote]

田雞 ...
作者: Tomato    時間: 2004-1-31 20:31:30

我細妹話係................素雞
作者: Kiliyan    時間: 2004-2-6 15:34:04

[quote:ea9be7e035="Hotcake"]擺酒當然係搵Hotel好啦!價錢貴美心小小但會送很多包括Benz租用3小時婚紗相套餐酒店請帖餐前小食及飲品蜜月套房一晚免費泊車席上酒水任飲等等多項優惠.

我和老公在2002夫妻日結婚係旺角帝京酒店擺酒每圍大約$6000但我們都覺得極之值得因為個場真係相當唔錯好grant樓底很高場地大無柱位在場中加上一幅大落地玻璃正!!!食物都唔差服務亦唔錯賓客大都好評.而且酒店地點好交通方便大家可以考慮考慮!!!

黃金海岸個場都幾好不過太遠雖然席後有幾架旅遊車送賓客到某幾個指定地點但始終唔係幾方便.其實每年係婚紗展上都有很多酒店在場promote大家可以先格價.

ps:一個華麗的酒席場地可以令一對新人有一個難忘的回憶! [/quote]
請問帝京係咪中菜廳即帝京軒? 因我的同事將會在那裡擺酒..
作者: 45B    時間: 2004-2-6 18:10:27

to tomato
I am planning to get married in Mar 05. plan to have banquet in 帝京 .
帝京is good. I have been there for my friend's wedding. the venue is perfect.
結婚買樓要用好多好多好多$$$$$$$$$$好慘呀無$$$$$$$$$呀!



歡迎光臨 藍澄灣業主社群 (http://rcrest.bzone.com.hk/Discuz/) Powered by Discuz! X2