藍澄灣業主社群

標題: 藍澄灣旁邊起公屋?? [打印本頁]

作者: kavinxp 時間: 2015-5-11 11:39:00 標題: 藍澄灣旁邊起公屋??

青鴻路與青衣路交界
預計起3800個單位

起唔係問題,不過唔該完善左交通同生活配套先

作者: whitea4 時間: 2015-5-12 09:55:30

請問即係邊個位置？

作者: kavinxp 時間: 2015-5-12 12:04:15

whitea4 發表於 2015-5-12 09:55
請問即係邊個位置？

星島日報報道)為加快覓地建屋，當局進一步向難度挑戰。房署最新選定青衣南藍澄灣旁一幅臨海斜坡地，建議興建多達三千八百個公營房屋單位，最快可於五年後落成，容納超過一萬一千人口。擬建屋苑的五幢大廈，估計樓高接近四十五層，預料可眺望藍巴勒海峽。
發展局和規劃署去年向葵青區議會表示，政府預計未來五年在葵青區提供十三幅房屋用地，以解決社會對房屋的殷切需求。規劃署及房署最新向區議會提交的文件，進一步交代當中毗鄰青鴻路遊樂的青衣22B區之公營房屋發展計畫細節，顯示選址位於青衣路及青鴻路交界，地盤總面積約為四公頃，當中有一部分土地曾用作政府臨時工地，現時全幅土地為空置政府土地，九成六範圍劃作「休憩用地」。

　　當局準備建議在該地盤內興建五幢大廈，提供多達三千八百公營房屋，由於樓宇高度將不會高於一百四十米，估計樓高接近四十五層，落成單位可以眺望藍巴勒海峽。

　　當局透露，地盤主要是斜坡，平地不多，作樹木測量後，發現地盤沒有已登記的古樹名木或珍貴品種，大部分為常見及美化價值低的品種，有些樹木更出現受損、折枝、變形等情況。當局強調，會盡量保留現有樹木，但受影響數量將視乎最終設計方案，又指建議的公營房屋發展計畫落成後，青衣區的常住人口將會增加至約十八萬八千七百人，由於青衣現時共有約近四十六公頃鄰舍休憩用地，以及約二十一公頃地區休憩用地，即使發展計畫會「抽走」四公頃休憩用地，亦不會導致青衣區休憩用地不足。

　　不過，當局承認，擬議發展對青衣路（高段）的通風廊，會帶來局部的影響，但建議的布局已經考慮到有關影響，而作出相應的通風緩解措施，包括盡量保存現時的通風廊及增加建築物之間的間距和通透度，以減輕對空氣流通和行人路上通風舒適度之影響。當局預計，若能按時完成相關的土地改劃程序，項目預計最快可於明年動工，二○二○至二一年分階段完成。

　　葵青區議員潘志成不滿當局在召開區議會會議前兩天才提交資料，未及諮詢地區意見，但估計鄰近項目的藍澄灣居民，會覺得景觀受阻及交通配套不足，預料反對項目。他表示，青衣區未來尚有多個公屋和居屋項目落成，若再加插容納逾萬人口的公屋單位，現有居民會感到有壓逼感。他亦質疑，有關用地的平地不多，是否適宜用來建屋，即使證明技術上可行，也相信造價不菲，要求當局交代資料。

作者: kavinxp 時間: 2015-5-12 12:07:03

作者: kavinxp 時間: 2015-5-12 12:11:28

應該係一二座前面, 蛇仔路左邊個斜波!

作者: Conenose 時間: 2015-5-12 13:02:51

本帖最後由 Conenose 於 2015-5-12 13:07 編輯

kavinxp 發表於 2015-5-12 12:11
應該係一二座前面, 蛇仔路左邊個斜波!

請睇清楚,係一二座正面及左邊起三座,三五座對長青再起二座景觀上AB室之外人人有份
對我講有好有唔好,我自己睇法如下
好方面
1.我地呢邊配套其實係差D,如果因為呢五座公屋而多番少少商店係下面係好事
2.講起3800伙,係我地2倍,交通上高點都會加強
3.或者因為呢個原因,可以帶動附近爛地改變土地用途(現階段似乎住宅可能性好低)
壞方面
1.話我岐視都係咁話,近十年上到樓既公屋住戶己經唔同長發果邊舊果代,以現行上樓條件,與其話上到樓既係低收入人士,我更覺得係無收入人士,班四十己無業既阿叔,南亞一家六七口行行企企,住客質素大家心知肚明(天水圍北,油塘可見一班)
2.交通加強就一定會,但問題係大家都知我地既88G己經要同左好多工人去分(我唔介意,只係提出),再多3800戶大家可以再諗,而大家較常用既42A巴士本身己經好密,即使四五分鐘己一班車,但因為山上居民太多己經成日爆,我好想知道多左呢萬幾人同興建中既居屋居民係度既時候點搞?
3.老實講影響到景觀既講法就太自私,但問題係成個屋苑既設計將會完全走樣
4.附近爛地車位需求即時大量提升,泊樓下室內既隨時準備見3字頭

呢個討論區我都知半死左好耐,但希望因為呢個議題,大家可以講下野分享下諗法

作者: wicyh 時間: 2015-5-12 14:05:15

我最初以為污水廠隔離幅草地添

作者: whitea4 時間: 2015-5-12 14:56:43

是否即係已落實？

作者: kk-in-hk 時間: 2015-5-12 15:00:56

1. 最左果幾棟新公屋到時又比貸櫃場/天橋噪音,強光影響, 到時邊個收科? 又係全港市民比$$起屏障比佢地, 仲有入油站呢?
2. 佢地正面(巴士/停車場入口)應該係向美景方向, 因為駁去L1對出條掘頭路沒意思的, 對我地交通改善有限, 或者有啦...九巴都有話過cut左43C之後加強42A, 你話呢...? 如果佢到時諸多藉口唔加強呢?

3. 45層加上係由美景果Level 起計, (山坡用來起car park 最好).... 唔敢想到將來景觀會如何?

4. 星島今日幅圖入面包埋5,6座對出(蛇仔路另一面)草地?

作者: NikonBird 時間: 2015-5-13 07:09:09

我draft左篇意見書，send左比議員，另外可send去邊個政府部門？
不如開個Facebook group團結D藍澄居民傾下呢件事。呢邊始終人少唔係個個睇。

作者: NikonBird 時間: 2015-5-13 07:11:52

本人為藍澄灣居民，單位面向美景花園，於是次興建公屋計劃中首當其衝，特此反映以下意見：

1. 周邊發展項目眾多
青衣南一帶現有多個樓宇興建計劃, 包括即將落成之青俊苑及美景花園背後的發展項目. 附近人口即將激增, 本人強烈反對再把是次計劃之休憩用地改作興建樓宇用途.

2. 發展單位過多
計劃建議興建五座公屋共3800單位, 是藍澄灣五座共1587單位的二點五倍, 亦是美景花園八座共1912單位的兩倍. 在佔地面積相約的情況下, 本人建議是次計劃應大大減低單位數量.

3. 屋苑距離過近
興建項目地皮與藍澄灣緊緊相貼. 對藍澄灣居民造成極大滋擾, 鄰近藍澄灣及S型天橋之地皮應留作發展商場 / 球場 / 社區會堂 / 公園之用.公屋高樓則盡量貼近青衣路及IVE方向興建以避免樓宇之間距離太短.

4. 配套嚴重不足
藍澄灣多年飽受包括衣食住行配套不足問題困擾多年, 如附近人口突然急升3-4倍, 實應加大所有的配套設施的規模, 建議如下:
- 商場: 比較長發村的28300米商場面積, 建議中的4000平方米小型商場實在小得可憐. 要應付附近數千單位的人口, 商場規劃應大大提高.
- 交通: 藍澄灣一千多個單位使用兩條小巴線已經超出負荷; 在增加近四千單位的情況下, 以比例計算實應增加4至5條巴士或小巴線.
- 康樂設施: 在青衣南區人口激增的情況下, 是次計劃的樓宇發展及康體設施比例應大大調整

5. 選址錯誤
是次計劃的選址原為休憩用地, 為滿佈樹木的密林斜玻, 興建樓宇破壞環境之餘亦令周邊空氣質素下降, 影響居民身體健康. 其實藍澄灣周邊有大量空置多年的土地, 如西南方青鴻路及正北方的長輝路停車場及貨櫃儲放區等.

本人認為是次計劃草率而且沒有詳細規劃, 本人及藍澄灣居民均感到極到為憤慨. 煩請向房屋署及規劃署反映意見, 不勝感激!

藍澄灣居民

作者: judyma 時間: 2015-5-13 10:15:46

我都sent在，容納12000個人再加酒店住客，簡直前後受敵，迫到爆。

作者: judyma 時間: 2015-5-13 10:30:18

Conenose 發表於 2015-5-12 13:02
請睇清楚,係一二座正面及左邊起三座,三五座對長青再起二座景觀上AB室之外人人有份
對我講有好有唔好,我 ...

齊心合力同區議員反映

另1個大屏風效應

作者: judyma 時間: 2015-5-13 11:00:33

可唔可以請藍澄灣管理處組織開會，反映住客議見

作者: whitea4 時間: 2015-5-13 20:02:07

強烈反對在休憩地方起公屋...
其實附近仲有好多空置地方... 例如車場, 貨櫃場....
為何要減少綠色地方... 仲要係難度高, 成本貴既斜坡起公屋?

作者: newcomer12 時間: 2015-5-13 23:44:56

想請問有什麼途徑可以表達意見？有冇人已經向管理處反映？

作者: judyma 時間: 2015-5-14 08:14:45

問過潘議員，佢話今天會派咨詢文件各單位反映，18/5會同張炳良會面瞭解及反映，所以一定要盡快填妥，如果唔係落實興建禁多棟公屋，禁就無彎轉。大家都想住得舒服兼且入住禁多人，人流會變得好複雜，衛生環境，空氣也變得更差。

作者: Conenose 時間: 2015-5-14 10:44:05

judyma 做得好，十一月又係區議會選舉大日子，潘生今次無得走數。

作者: KatNoos 時間: 2015-5-14 11:47:07

本帖最後由 KatNoos 於 2015-5-14 12:22 編輯

反對青鴻路興建公屋

1. 繁忙時間交通問題, 出入旅遊巴士,重型車和貨櫃車輛, 將來車輛和人流在青鴻路的噪音和擠迫問題
2. 考慮藍澄灣與公屋樓宇之間距離, 現居民綠化地將大幅減少
3. 公屋和碼頭噪音問題, 當年政府只準興建服務式住宅和酒店. 足證明地區不適合長時間屋住, 樓宇屏封效應, 可能令碼頭及大橋噪音更直接影響藍澄灣居民.
4. 貨櫃場及物流地區, 預計的治安和將來水貨問題
5. 酒店地區, 青鴻路只是唯一出路, 國內遊客多, 新的娛樂購物設施對本區居民未必受惠.
6. 附近有油庫油站天然氣庫, 為安全理由, 不宜再興建高密度住宅
7. 青衣南本身人口多沒地鐵紅VAN, 對外.交通配套早已不足夠, 亦已有新居屋興建中, 不應相信在居屋未入伙前的所謂交通評估.
8. 若政府堅持開發, 應有長遠規劃開發此用地, 應考慮興建教育相關項目與IVE形成新界南教育圈或用作低密度低密集的物流用途. 若不作規範及莫視現有私人屋苑業主和居民的生活環境而胡亂起公屋和服務自由行旅客的商業設施, 只會令現在的居民對現屆政府更不信任. 青衣南的居住綠化瓖境是辛苦建立, 不容政府政客自私地為他們幾年的政績而破壞.

作者: klmandy 時間: 2015-5-14 14:49:24

堅決反對在RC旁興建公屋，張生又想搞"屏風"鉅著。最好係佢屋企門口插5支香。睇吓佢係咪接受得到。

明白政府近日努力搵地起公屋出發點是正確，但係都唔洗發晒癲見地就起，波哥係新界有幾幅田應該可以貢獻吓喎，瘋狂插針式起樓對香港整體無助，點解政府唔發展一個新慧星城市，而要係早已配套飽和的市區繼續起樓，造成屏風效應，RC已地處低位，平日已焗不透風，如果再加5棟公屋阻擋，不但影響空氣流通，景觀及樓價也受影響，咁講似乎自私咗，但無可能為咗一小撮低收入人士而拖低RC居民生活質素，還有畢竟藍澄灣是酒店地區，興建公屋是否合適? 況且對社會沒有多大貢獻的一群，是否需要對他們那麼遷就，回想30年前，我搬到青衣開荒，在零配套下生活到現在，點解現在那群人不可以呢?

再者，政府人口政策根本有問題，試問彈丸之地，每天接收若干數目單程證人士，房屋配套又接不上，難道不知總有飽和的一天，況且這群人多是領取社會資源，醫療、教育等所有都要與他們分享，現在連景觀都要與他們分享，公平嗎?

政府要葵青區有關部門交13幅地起公屋，我相信佢跌壞個腦，RC無可能再容納12000人搬入，唔好亂交功課，知否這幅地有多條污水渠及斜坡，幾年前政府有關部門派員到RC開會討論起遊樂場事宜，當時他表示只可做美化工程，不適合任何設施，因為水渠太危險，現在居然不知哪個部門拍晒心口話起5棟樓，工程施工費邊個負責包底，我對他們的專業成疑。份糧係我哋一班納稅人出比你哋，小心處理。

作者: Koala Bear 時間: 2015-5-14 16:48:55

反對將休憩或綠化地區插針起樓﹗
希望大家通知左鄰右里，集合大家力量提出意見﹗

作者: 一家四口 時間: 2015-5-14 18:12:14

喺度住左OVER10年, 樓下個小型公園仔講左咁多年先叫做起好, 本來我個仔讀緊小學都可以去玩下既, 但一起就多年, 攪到起好, 佢已經讀高中, 拖咁鬼死耐, 但話起公屋就即要起, 咨詢期都急成咁。

仲有爛地停車埸果邊, D貨柜多年來越放越過, 停車埸口本來已經要同貨柜車爭路, 而家仲加建多座物流大廈, 所以會更加迫, 前面酒店, 隔離貨柜埸, 後面仲要加公屋, 我地將會被重重包圍

作者: whitea4 時間: 2015-5-14 21:21:26

環保觸覺幫到手嗎?
http://greensense.org.hk/

屏風樓, 光污染, 對出條河及樹林其實有好多兩棲, 鳥類等生物。

作者: NikonBird 時間: 2015-5-14 22:05:58

潘議員放左封問卷調查落大家信箱. 大家一定要積極回應, 叫埋隔離鄰舍一齊反對, 而且要快, 因為18/5佢要向張炳良反映意見!

作者: judyma 時間: 2015-5-15 08:13:16

Conenose 發表於 2015-5-14 10:44
judyma 做得好，十一月又係區議會選舉大日子，潘生今次無得走數。

事實選址係有問題，唔系有空地就起樓

作者: kavinxp 時間: 2015-5-15 17:51:23

己建立藍澄灣Facebook專頁

https://www.facebook.com/RamblerCrest

請大家踴躍加入, 多多支持!

作者: stephenyeong 時間: 2015-5-15 20:52:15

有無找過業委會？

作者: stephenyeong 時間: 2015-5-15 20:53:35

提一提，個鮮風入風位在停車場。

作者: NikonBird 時間: 2015-5-16 13:10:43

原來果個4000平方米商場只係大概等如藍澄灣商場大細.
但問題係藍澄灣商場服務1500戶藍澄居民. 新的商場則服務公屋的3800戶居民.
簡單D講, 多左個商場對我地完全無正面幫助. 仲反而比而家擠逼左一倍以上!
個規劃完全係亂黎!

作者: klmandy 時間: 2015-5-16 14:07:31

本帖最後由 klmandy 於 2015-5-16 14:15 編輯

NikonBird 發表於 2015-5-16 13:10
原來果個4000平方米商場只係大概等如藍澄灣商場大細.
但問題係藍澄灣商場服務1500戶藍澄居民. 新的商場則服 ...

痴痴哋，吹水咩，嗰塊地有乜可能起到咁多設施，5躉嘢一字排開簡直礙眼。

見個草圖其中一座係正兩條渠中間夾實，究竟係咪人住㗎

政府連斜坡水渠都起公屋敷衍班低收入人士入住，超無誠意。

作者: 一家四口 時間: 2015-5-16 22:55:22

5月18日，下星期一 2:30pm, 在葵興區議會 (葵興地鐵站樓上) ，到時張炳良會落黎向議員進行游說工作，希望各議員贊成在青衣南興建5座公屋，有見及此，我們會有業委委員會於當天向張炳良送遞請願信，以示反對，現希望藍澄灣居民如當日有時間，可一同前住請願~

* 以上消息來自業委會會員

作者: judyma 時間: 2015-5-17 12:03:51

葵青區議會一致通過剛通過動議：葵青區議會要求重新規劃青鴻路/青衣路用地，在未有規劃完整交通及環境社區配套之前，擱置上述選址興建大型屋邨(潘議員覆）

作者: klmandy 時間: 2015-5-17 17:05:29

城規會唔知點做嘢，亂咁嚟，一於ban佢，發展局局長都唔知佢做乜，一味係市區狂起樓，發展晒的地區洗鬼佢發展咩，梗係搵新發展區發展嘛，懂嗎?

作者: judyma 時間: 2015-5-17 21:17:20

草草交功課。講真，公屋有好多富户，有好多物業，房屋署应該要佢地交番間屋俾D有需要人住。政府房屋政策根本有問題。

作者: KatNoos 時間: 2015-5-18 18:32:28

大窩坪係一個例子, 點反對都係要通過. 今年區議會係選舉年, 區議員尚會以選票暫時為居民服務. 不要望他們長期為我地抗爭(佢地或所屬的黨要地區人口擴大選區). 另外, 塊地係政府, 以今日個政府, 佢想點就點. 城規會成員, 張炳良都唔係住在依度, 起樓交功課, 今次唔得, 下次又來過. 大家唔好以為事過晴天, 可能好快又再烏雲蓋頂, 唯有靠自己, 共勉之, 撐下去吧.

作者: klmandy 時間: 2015-5-18 18:57:56

今日又多一單鴨利洲，政府到處點起火頭，佢究竟想點，既然政府咁有heart,不如起係佢自己度。

作者: jiffat 時間: 2015-5-20 08:21:13

呢個咁嘅政府,發瘋搶地起樓比國內同胞住,而為港拼搏半生的本地人,政府就只會叫佢地等。

作者: klmandy 時間: 2015-5-20 09:16:34

本帖最後由 klmandy 於 2015-5-21 08:00 編輯

盲搶地都唔係辦法，基於大家不損大家利益前提下，移山填海可能係解決問題的唯一出路。

作者: sjacky 時間: 2015-5-21 10:50:39

去左法援處問萬一落實睇下有冇得搵政府賠償，又去左申訴專員公處投訴城規同房署，胡亂規劃

作者: 一家四口 時間: 2015-5-23 11:37:30

sjacky 發表於 2015-5-21 10:50
去左法援處問萬一落實睇下有冇得搵政府賠償，又去左申訴專員公處投訴城規同房署，胡亂規劃
...

結果如何 ?

作者: klmandy 時間: 2015-5-25 13:53:50

今日見到美景果邊有Banner話有8成居民反對藍澄灣旁起公屋，區議員李志強建議改在青衣北岸公路附近一帶興建為合適。

作者: NikonBird 時間: 2015-5-25 19:42:33

唔知潘志成有數據出未? 都已經一段時間.

作者: klmandy 時間: 2015-5-27 08:13:20

NikonBird 發表於 2015-5-25 19:42
唔知潘志成有數據出未? 都已經一段時間.

簽名行動要到31號才結束，最快要下月初先有消息，美景都有80%反對，RC應該100%✌

作者: whitea4 時間: 2015-6-2 23:23:15

請問何時有結果呢?
好希望反對成功....

而架市區不段起樓... 插針起樓法真不可行....

作者: 一家四口 時間: 2015-6-6 12:26:47

大家有睇TVB昨晚時事多面睇嗎 (可MYTV重溫), 冇講我地呢度, 只係提及政府搵地起樓問題, 其他區都有反對既聲音

作者: whitea4 時間: 2015-6-6 12:44:52

有睇，政府亂咁規畫真係唔掂。

作者: jiffat 時間: 2015-6-7 21:48:29

呢個無梁政府只識任內發狂搶平民地黎起公屋養人。

作者: klmandy 時間: 2015-6-20 18:32:56

兩日陳局長發表咗東北發展項目大綱，係咪意味著RC可以甩難呢？

作者: robertchui 時間: 2015-7-16 10:40:25

政府向城規會申請將青衣青鴻路一幅休憩用地，改劃作公屋發展，涉及約３８００伙單位，
《本港樓市》青衣休憩地申改建公屋，涉及約３８００伙單位

http://www.etnet.com.hk/www/tc/n ... p;category=property

預計最快可於２０１９╱２０年度落成，比原先預計的時間早了一年。
　　上述公屋地盤位於青衣美景花園及藍澄灣之間，佔地近４６﹒１８萬平方呎，在扣除道路及
斜坡等面積後，可發展的淨地盤面積約３１﹒７５萬平方呎，計劃興建５幢公屋，建築物高度為
主水平基準上１４０米，總樓面面積約１９４﹒８３萬平方呎，涉及約３８００伙單位，亦會設
有零售、幼稚園及休憩等設施。
　　根據政府最新的評計，項目最快可於２０１６年動工，並於２０１９╱２０年度落成，比早
前諮詢區議會時，預測的建築期縮短了約１年。《香港經濟日報》

作者: whitea4 時間: 2015-7-18 11:48:06

反對無效??

作者: klmandy 時間: 2015-7-18 20:19:27

佢無嘢呀嘛！專注搞好洪水橋項目好過喇。成個香港滿佈地盆，烏煙瘴氣。

作者: KatNoos 時間: 2015-7-29 10:50:15

昨晚, 在沒期待居民間有實質方案的心情都儘管去參加吓居民大會, 聽吓居民意見, 一如所料, 只是個百多二百人的地區宣洩平台. 只聽到大家好想保留現狀. 聽到21:30, 但沒有人提出實際行動.
主持人講什麼文有文鬥 (句號)...一人一信去拉布, 我真係笑左.  真的想還要大家浪費時間, 究竟他們是幫居民還是政府呀?

你寫信1000封信, 人家若要回覆都只需要一個 template 一個 excek mail merge, 15 分鐘KO 你地啦!!!

大家拍手掌, 我畀你地再拍大聲10倍, D聲都出唔到青逸酒店, 有其他人會聽到?

主持那位女仕, 大聲話青鴻路唔可起建槃物, 見到大家好亢奮, 但我地唔係要亢奮和口號. 塊地唔係藍澄灣的, 是政府的. 理性D講, 我地阻唔到地主的. 只可以協商.

起FB群組亦只不過是發洩情懷多於實際行動. 我畀1000 like, 可改變事實嗎?

主持人希望保持風度, 但若大家有心維護現狀, 以上都是消極的想法.

1. 當大家想同心保衛藍澄灣綠化帶, 大家應該有心理準備要付出同政府周旋. 大家拍手掌同時, 有沒有想過自己要為此爭取的底線可以有多少? 遇到有幾多的阻力我地就不可繼續呢. 要抗爭, 要放棄爭取, 要逃避? 記住, 此乃每家每戶的考慮. 集體行動前應評估.

2. 爭取除了計劃, 要有資源, 人力, 財力的資源. 大家業主, 區議員可付出多少呢? e.g. 區議員若唔搞D乜乜旅行蛇齋餅糉,可以拿多少財力出來全力為我們爭取?  業主會有會不會用盈餘來做這件事?  大家要考慮.

3. 青鴻路的地是人家的, 大家有沒有考慮PLAN B, 給對方一個利大家不害人雙嬴方案 e.g. 地換地 (以山上學校地換興建公屋計劃); 或者政府覺此地如此合適起公營房屋, 可收購埋藍澄灣一併發展, 起多10幢都仲得, 有合理賠償, 大家或可考慮. etc.  當爭取保持綠化帶失敗, 我們可以換或拿回什麼呢?

4. 若大家選擇抗爭, 點都要有一些明顯合法行動. 業主委員會有沒有和管理處溝通一下, 了解吓管理公司的立場和其他藍澄灣持份者的態度?  其他持份者包括酒店, 商場, 停車場的業主.  藍澄灣五座業主的權益. 簡單D講, 溫和D拉吓 banner 都要知可以放邊, 放到多少張 etc.

大家花了個多小時, 我都不想大家得個知字, 大家應馬上計劃吓"你自己和家人"可以為你的藍澄灣做得有幾多囉!!!  祝藍澄灣好運.

作者: unicorn 時間: 2015-7-29 13:51:34

好耐無返黎啦
自從買了rc,我從03年只有30萬身家
到而家擁有2間屋
Rc所以幫大家業主揾錢，係因為我地同睇淡呢個位既人對賭，由於我地賭贏，所以揾大錢

邊個係睇淡？就係以為rc唔會迫爆，唔會拎錢都租唔到單位戈單傻仔

10年前好多人笑我，話青衣人點揾樓都揾唔到rc
結果？綠悠雅園起完
而家政府再大規模植民落我地附近，表示呢d公屋家庭10-30年後有下一代要返爸母老家附近租/置，確保我地屋園長遠有租客，係好事
什至，我覺得rc30年後會搶手過碼頭戈面既盈翠/浩景

好事來，最好rc 前後左右起10萬間公屋

俾個比喻，迎海附近夠成村成村公屋啦,最後其實租/售都係靠過2條街既公屋住戶

作者: unicorn 時間: 2015-7-29 14:24:58

KatNoos 發表於 2015-7-29 10:50
昨晚, 在沒期待居民間有實質方案的心情都儘管去參加吓居民大會, 聽吓居民意見, 一如所料, 只是個百多二百人 ...

其實一直大家都有利益沖突
比如今次"發展"
有好多老業主03年等到而家就係等人口爆棚加租，加上20000蚊我地都覺得只係追落後

但迫爆之後，班真正租客一來可能touch wood俾人趕，二來同人排小巴巴士都難左

事實上而家個租金同size樓齡配套,如果唔係rc附近未發展，人煙希小，無分支家庭，無咩餐廳商場，我估你好難揾

唔好忘記rc其實勁近青衣機鐵，如果財金界，物流業其實一樓難求。你睇下東涌咩價位先啦，邊個近高鐵，icc,ifc

最緊要rc size,而家買大西北都唔平啦，豪宅bor,你估公屋呀？

更係有人望rc人望人煙希小架啦，不過唔係收緊租，脫晒貧而家搬左去富貴區炭緊世界戈班

作者: KatNoos 時間: 2015-7-29 15:33:35

本帖最後由 KatNoos 於 2015-7-29 16:32 編輯

unicorn 發表於 2015-7-29 14:24
其實一直大家都有利益沖突
比如今次"發展"
有好多老業主03年等到而家就係等人口爆棚加租，加上20000蚊我 ...

原來買藍澄灣可以令人至富, 真係大鄉里.
唔好話收租果班業主有唔同諗法, A, B, G, H 都唔會同其他單位癲. 56座又未必好似1-3座的住客咁咬牙切齒.
收租果班可能好開心見到人流增加, 但人流多唔等如租客的質素好左. 配套唔夠, 做乜要租藍澄灣? 有樓收租當然開心, 但投資唔係只講流量, 係講產業的質素. 藍澄灣的配套,地段和將來規劃, 真係會因為多左公屋令人身家豐厚和更上一層樓? 機會成本來講應該係....輸哂, 2003 係(我只比較美景, 曉峄園已不用比美孚和東涌), 2015 和之後更加係. 不過最緊要現有那些收租的業主覺得開心就OK.

作者: unicorn 時間: 2015-7-30 10:55:41

收租果班可能好開心見到人流增加, 但人流多唔等如租客的質素好左. 配套唔夠, 做乜要租藍澄灣?

唔小人
正如我上面提及
中環返工，要就老家，入去住迎海
你再諗下瓏門/ yoho，你估環境好好？某程度上尺價可以拎個小朋友住"正常"好多既校網，但要近住老家d公屋，都要住，難聽d講窮人區

Rc唔係窮區來架，青衣私樓你估平？問題只係無分支家庭
咩區域配套你唔洗諗啦，奧運站你估附近水清沙幼，鳥語花香咩？d人做附近地鐵站d工，搬去貪就腳炸，rc個位，天生已經無得輸，金融經濟物流核心命脈口係晒度

你生左小朋友未？生左小朋友你就明點解要搬返去近父母
我10幾年前，買屋走到有咁遠得咁遠，確保父母揾我唔到，後來咪死死地氣返去父母/外母附近

作者: klmandy 時間: 2015-7-30 14:06:13

座談會當晚我也是座上客，席上聽到不同聲音及意見，但最終仍未有一個共識方案，單靠send email、遞信、遊行請願等行動，有關部門已司空見慣，很難令政府正視問題所在，反而利用傳媒力量去影響政府決策可能性較高。

先不講各業主的利益，客觀地討論該幅地是否適宜興建房屋，同時區內配套真的可承受過萬人遷入嗎? 針對該幅地內有斜坡、污水渠、油站等設施，建築成本將會非常昂貴，要全港市民承擔，是否值得?

還記得8年前政府某部門曾派人落區與RC開會，回應居民要求興建公園事宜，當時工程師說，該地只可做綠化工程，並嚴禁入內，可以想像它是存在一定危險性，我們很不容易地爭取到現在的細小休憩地方，有點唔理解為何8年後這裡可興建到這龐大工程? 針對項目將帶來RC 的環境破壞，空氣質素等問題，我們可以嘗試咨詢環保團體，請他們評估及提供意見也是可行辦法。

作者: KatNoos 時間: 2015-7-30 16:49:20

klmandy 發表於 2015-7-30 14:06
座談會當晚我也是座上客，席上聽到不同聲音及意見，但最終仍未有一個共識方案，單靠send email、遞信、遊行 ...

我都係準苦主, 所以我都想有D實際行動, 要知若遲了行動, 那些公屋會樹立在藍澄灣前面50年或更耐.

問題是大家(至少大部份人)要有共識的行動先得架.

若如你所講要靠什麼什麼”外部勢力”,以現在大家的心態是沒用的. 因為大家連自己可以做什麼都不知.  我估大家到依刻, 大部份人還是天真的想0付出就會保留綠化帶?  記住, 大家今次的的對手係政府(香港最惡最有錢最大的地主)!!!

若要找傳媒議員幫手. 大家先問你藍澄灣有什麼利益俾到佢地?  傳媒要有收視, 有新聞價值去取悅讀者和廣告商, 議員做事要有選票回報有收視有可塑性會發酵的題材先肯做, 我地乜都唔做就想搵人做大佢, 大家會唔會天真左D?

同權貴鬥, 其實乜都要睇錢, 大家話搞, 目的就係想羸, 要贏就一定要錢, 例如前期工作去吸引傅媒令事件發酵, 若城規批左就要搵律師去施法覆核.  搞依D, 少個崩都唔得.  大家唔好諗住叫幾聲, 到一到城規就會搞掂.

如果大家諗住到一到城規會抗議吓就算, 你不如慳返. 你有心理準備明年有個大大個地盤在藍澄灣旁開足3年工, 之後50年有萬幾人同你爭搭88G/88F啦.

至於你話若干年前"政府某部門曾派人落區與RC開會”.  大家還有冇記錄先? 若冇, 政府話你講乜都得.  就算有, 你估佢地唔用語言偽術打發你走? 官字兩個口.  若有, 請好好保存. 打起官司可能有用.

利申: 本人唔係法律, 政黨或做政府的人仕

作者: JAT 時間: 2015-8-7 17:45:24

其實我覺得政府係個度起樓係起硬架啦, 跟本你好難反對. 我覺得不如BARGAIN最合理既方案. 例如現時美景的公園本來係起樓但因為太近油站所以不能起. 咁如果佢地要起公屋應該首先要搬走個油站否則油站同公屋距離咪近過美景公園同油站. 咁如果要搬走油站就可以係油站呢個位度起但不能起得太高亦不能咁多座.

歡迎光臨藍澄灣業主社群 (http://rcrest.bzone.com.hk/Discuz/)