藍澄灣業主社群

標題: 請勿打尖!!!!!!! [打印本頁]

作者: piggy 時間: 2011-6-23 23:44:32 標題: 請勿打尖!!!!!!!

已無數次見返工時間排隊等小巴時，一人排2個位! 即一人先排對，好耐之後另一家人趕到然後打尖。試過前面有兩pair人都係咁，即前後共兩個人打尖!!!!!

如果唔想遲到，唔該早d出門。自己遲出門又要打尖，害到比你早出門但因你打尖而要搭下一班車個位真係好無辜!
有一對couple最離譜，老婆先排，老公其後趕到就打尖，離遠見到朋友剛落樓竟叫個朋友跑快d一齊上車，但後面條對成條龍咁長。呢3位，我已見過最少3次係咁，一個排三個位!!!!

拜託! 大家自律0下，唔想遲到，唔該早d出門! 更加唔好再叫埋朋友一齊，當賣人情 !!!!!!

作者: klmandy 時間: 2011-6-24 13:27:54

保安員做乜唔出聲, 投訴佢

作者: piggy 時間: 2011-6-25 22:21:27

唉~，有機會留意0下d打尖人士個樣。佢地理直氣狀咁行埋去，連一句"唔好意思"都無，厚面皮到咁，保安員都俾佢地吹漲!!! 最好笑係1個排3個0個位太太，無耐前先叫個遊客排隊.........我O晒咀......

作者: sinyee_829 時間: 2011-6-29 11:34:27

有個(馬尾)女人，排住等老公，又再用電話吹個朋友快D落黎打尖，結果一人排3人上車，又有個成日叫工人排住隊，跟手個男主人落黎移形換影，邊個做法衰D ?

作者: 莊生bb 時間: 2011-6-29 21:03:53

日日都有幾個係咁喇....

...真係吹脤....但又唔想難為保安員....

作者: piggy 時間: 2011-6-29 23:39:17

個人意見，"叫工人排住隊，跟手個男主人落黎移形換影"，一個換一個，可以接受。但一個工人排，換來2個主人上車，咁就唔0岩數。
試諗0下，排隊時眼見有3個工人排，自然會諗換3個主人，計過時間應該好快上度車的話，我會照排。點知準備上車先知道每個工人都係換2個主人，即3個變6個，就因為咁上唔到車，失晒預算，你話係咪累街坊？

作者: chowchow 時間: 2011-7-10 12:30:22

提議管業處貼通告勸住客勿1換2或1換3吧

作者: os_ecu 時間: 2011-7-20 09:31:12

有人幫手排隊又好難話叫人一換一喎.

作者: piggy 時間: 2011-7-20 21:41:20

有幾難 ????呢樣係普通不過既道理、好基本既manner。如果前面有8個人係１個換２個、即8個變16個，咁本來排第90個位嘛因為ｄ人自私(遲出門)而上唔到車。點講得通呢？ｄ人成日鬧自由行打尖，1個換2個嘛又係等如打尖。點可以有口話人無口話自己呢。如果"好難話叫人一換一"係指唔知點開口指責，咁我明，因為通常0個ｄ人都面皮成尺厚，彩你都傻咁款！

作者: 肥度 時間: 2011-8-5 00:46:20

如果...88F 可以加多幾班...好似88G 咁密...就吾會有人CARE 俾人打一兩位尖啦..

作者: moonmoon 時間: 2011-8-5 23:30:39

sorry，未能認同。

就算是上到車，但有人打尖條氣都唔順。我實在覺得打尖啲人勁無品。

回復 10# 肥度

作者: 肥度 時間: 2011-8-10 00:09:01

不如朝早返工時間叫管理員派籌撘車啦...咁咪大家無得嘈. 一人一籌無得攞多...

千萬吾好講自律呀, 因為好多人吾會, 老師都教執到野要報警察,有幾多人會做呀? 見到人傷殘讓位,有幾多人會做呀? 有D人買吾起兩個洗手間既...輪住用,用完先既落黎排住隊既, 又吾得?! 有D排晒兩邊...邊度有車就上邊度又吾得... 咁係咪只係因為你無人幫你排你吾順條氣呀, 咁無計喎...

PS. 有好多人去麥當勞,大家樂都係咁...咁又點呀?

最後我都吾鍾意俾人打尖...但...可以點呀 ? 都係果句...如果D車夠...係有位無人上既...OR 不停咁黎, 應該無人會CARE 俾人打一兩個位尖囉...

作者: unicorn 時間: 2011-8-10 15:19:47

不如朝早返工時間叫管理員派籌撘車啦...咁咪大家無得嘈. 一人一籌無得攞多...

千萬吾好講自律呀, 因為好多 ...
肥度發表於 2011-8-10 00:09

你都住左好多年啦
點解有氣上網討論? 唔留返啖氣炒管理公司?

作者: piggy 時間: 2011-8-10 21:51:53

無錢買奶紛餵個仔，所以偷錢既悲慘故事聽得多。無錢買兩個洗手間，導致到要打尖就真係第一次聽。有新意!

你認為咁係0岩，我都無你乎。只望我唔好咁唔好彩，已提早出門，都俾打我尖啦~!

唉~，管理公司唔生性 + D人唔自律 = 我要再再再早D出門先得！

作者: vivian 時間: 2011-8-11 01:05:58

代排隊，一人換一人，公平，可以接受。
代排隊，一人換二人，一人換三人；或者熟人插入，不公平，不能接受。
就算係兩公婆前後腳，都應該遵守規則，如果係一定要坐埋一齊，點解唔一齊出門口，或者一齊一起排隊? 咁做，就分明只顧自己而妄視別人。

疏忽又好，自私又好，無品又好，都只係一個形容詞。

係吹你唔漲，係無辦法，但唔係代表你係岩。

做人做事過得人，過得自己，閣下有冇因為方便自己，而影響左人，閣下心知肚明。

社會咁亂，就係因為人沒有自律，沒有紀律。閣下唔遵守，係吹你唔漲，冇你辦法，但唔代表睇唔過眼的人無權發言宣洩。

可以試下寫信去管理署，要求早上維持秩序的哥哥執行，代排隊的，唔該一人換一人。如果超過一人，唔該多出來的人守規排隊。

當然，其他時間沒有管理署的人在場，沒有人執行，亦無你辦法。若然某人係咁明目張膽"搏懵"代排加插超過一個人的話，呢家科技咁先進，言論又咁自由，咪用手機影低呢個認為自己好岩的仁兄的尊容，將佢的行為放在網上比大家"認識"下囉~

面係人地比，假係自己掉。

選擇做個乜野人，係閣下的選擇!

作者: kingi 時間: 2011-8-11 12:57:08

大家都有道理,實在如果車多過人,就唔駛大介懷有幾多人代排隊,可惜現實都唔係...
又如果好硬淨咁一定要一代一,咁如果有個人有銀紙俾風吹開咗,佢叫人幫手排住去執返返黎時,唔俾返佢排咩...
個人睇法就好難話實點先叫一定對或錯.好似果時講養貓,狗咁...
大家忍讓/ 自律啦.

作者: vivian 時間: 2011-8-11 13:50:46

公度自在人心!
唔需要搵d唔尋常的例子去死拗!

(如果閣下因為執反張銀紙排唔反隊，我相信排跟隊的人可以做証，再唔係，你報驚，我唔相信，你明明排跟隊，因為執反張銀紙錢係果幾秒間所有人會盲目野蠻到唔比你入反隊)

都係果句，有無搵人著數，有無走精面，有無影響左人，有無合情合理，有無唔守規，有無紀律，有無品，有無修養，係個人選擇，但唔代表那些人的行為做得正確。

作者: kingi 時間: 2011-8-11 17:33:47

咁講,排ing時一個繼續排,一個離隊出去執返黎,情況係有代排;
兩個人一齊落到樓下,一個漏咗銀包係屋,返上去捬,一個去排,都有代排.
你問我,我兩個情況都會俾佢"打尖",只係一個我睇住發生,一個我睇唔到點發生.最後亦唔覺好大問題.但係咪正確...我唔知.學vivian話頭,公度自在人心.

歡迎光臨藍澄灣業主社群 (http://rcrest.bzone.com.hk/Discuz/)