藍澄灣業主社群

標題: 組立案法團的問題，及其他問題同議員相討下的跟進內容！ [打印本頁]

作者: sjacky 時間: 2010-10-28 11:38:49 標題: 組立案法團的問題，及其他問題同議員相討下的跟進內容！

本帖最後由 sjacky 於 2010-10-28 15:27 編輯

相信有部分人同我一樣覺得個管理做事冇乜效率，太慢。
我本來都好支持成立立案法團，但係同議員傾過後我都覺得要再諗諗，主要問題:
1) 法團要成立要有過半數業主支持，但以而家住戶係公共事務上的參與率，從居民大會可見好小人參加可見，所以我估好難夠票成立。
2) 權力問題法團個權力好力，只要主席同成員搵錯人做，會出現好多問題，eg. 用錢用錯地方，貪污，要的野不是大家想要.....etc 總之權力帶出好多相對問題都幾矛盾。
3) 當發覺個法團吾好時想解散個步驟好煩複。

所以就以上各點，我覺得會吾會大家加強監督個管理公司，或者換管理公司會好d呢？

之後我地又傾過監督的問題，而家我地出現的問題係業委會有等如冇，呢個問題好大原因係居民冇去參與，同廣告不足。
如果居民大會廣告多d，令到多d住戶知道幾時舉行，內容係乜，會吾會多d人參與呢，多d人參與變相令一d要等齊人先決定到的事會易d通過實行，效率自然會高一d。
所以我提倡要加強個宣傳，而且每次居民大會要相議事項要一早例明，等有興趣住戶會自己出席！

至於換管理公司，問題其實都幾煩，從議員口中得知，屋苑管理項目分為酒店，商場，同屋苑，要換管理公司可能係要通過三方同意，即係要多數業主同意都可能仲要過另外兩關...，事實係點我要再去問一問查下先知，但換一定吾係小事，大家一定要團結先有可能...所以我心想機會都係吾大...

其他事項跟進
1) 電子告事版，同樣同成辨商傾緊。
2) 座同座之間加蓋，會係下月有問卷，決定設計。
3) 村巴問題，運輸署最多都只係批俾我地去到荃灣西鐵站，再遠小小就吾批，但呢個地點好多人都吾多滿意，要成事要睇政府，所以想要的人最好聯名去運輸署個邊要求可能會快D。
4) 停車場租金問題，根據議員所講，吾知點解由2000蚊加到2200，數據上返而多人租左....，所以生意佬死都吾會減...，從生意佬角度睇，因為屋苑邊有兩個露天場，價錢由4百至7百左右，所以要D人回流最小要平到1500以下(議員講的)先會吸人回流，太價生意佬覺得冇肉食，而且1500都仲有一倍個差距，回流的人會有幾多呢都係一個問號，如果冇實質數據俾佢地睇到平左會賺多D，我諗都好難有得減....只有苦了D車主了。
大家一齊來睇下頭兩件事會做成點吧，再決定係咪真係要換管理公司，問卷大家會係信箱收到，吾會有假吧！

最後有冇邊d住戶有興趣加入業委會，好似就來再選，要改變而家呢個情況，等人不如自己來，有興趣就來玩下，另外真係希望呢個討論區由私人變成官方，咁當然吾係管業處的啦，係業委會負責，令到我地真係開始有我地自己住戶的討論地方，想要乜野，都可以拿出來大家傾傾，成功爭取or失敗而回，最小都有個人回報下，吾駛而家下下要打個電話去問長問短，但最後先得個知字....！

作者: 大民 時間: 2010-10-28 12:14:53

回復 1# sjacky

支持sjacky競選「業主會」主席，

幾時開業主會？到時記得通知一聲。

作者: sjacky 時間: 2010-10-28 14:38:30

回復 sjacky

支持sjacky競選「業主會」主席，

幾時開業主會？到時記得通知一聲。 ...
大民發表於 2010-10-28 12:14

幫下手做打什就OK，主席我做吾來！

作者: 大民 時間: 2010-10-28 15:06:39

sjacky在本討論區的表現是有目共睹，
熱心、實幹、分析力強、為爭取權益不厭其煩................
所以值得推薦。

據潘議員稱：很少人有興趣做此「苦差」。

作者: sjacky 時間: 2010-10-28 15:30:55

sjacky在本討論區的表現是有目共睹，
熱心、實幹、分析力強、為爭取權益不厭其煩................
所以值得 ...
大民發表於 2010-10-28 15:06

我只係自己想知，也只是為自己利益，講吾上熱心...其他更加講吾上。

作者: 大民 時間: 2010-10-29 08:19:16

環觀本討論區，其實也有不少人在此發表意見-對「和黃管理公司」深表不滿，但又無可奈何！

能改變這一不合理的狀況，就是各小業主要積極參與，就目前而言，應盡量出席「業管會」的會議，提出批評及建議........，這樣會比較有效。

作者: xomama104 時間: 2010-11-2 16:10:04

住左超過一年, 從來都唔知業委會幾時開會, 想出席都冇法 ! 強烈要求業委會要將開會時間, 議程等有關資料放入各單位通知各業主, 唔可以只係貼張密密字通告就當通知左...... 如果知開會時間, 我一定會出席。

作者: 大民 時間: 2010-11-2 16:48:38

住左超過一年, 從來都唔知業委會幾時開會, 想出席都冇法 ! 強烈要求業委會要將開會時間, 議程等有關資料放 ...
xomama104 發表於 2010-11-2 16:10

「業委會」開會本應好好宣傳，讓多D小業主參加才是。

但是每次開「業委會」給人的感覺總是鬼鬼鼠鼠的.........

作者: unicorn 時間: 2010-11-22 12:35:59

村巴問題，運輸署最多都只係批俾我地去到荃灣西鐵站，再遠小小就吾批

入伙咁多年
我每格一輪就出黎解釋一次
shuttle 根本唔洗搵政府批
只要學映x園在老尖/mk租個2萬蚊上下的"rambler club 分會"
之後由rambler club mk -> rambler club tsing yi 的"會內/尊貴會員shuttle"就合法
see?

根本係管理公司唔x肯做野先至拖到3年3年3年
事關映x園有第2期
rc冇第2期
發展商呃完我地班傻仔落踏(好似當年rc租車會)
之後就拍下lawyau走人
我地班傻仔日日同大陸仔迫van就我地死我地事
如果再唔炒管理公司, rc樓價永遠冇得升上合理水平

你諗下點解300尺有露台冇廚房豆腐潤都賣500萬(仲要山卡啦咁遠)
我地咁大間屋賣得仲平過居屋

作者: moonmoon 時間: 2010-11-23 09:14:10

我記得好耐之前，管理處做過一份問卷，問大家對村巴的看法，請問有無人知問卷的結果是如何呢？有無一些數據，是非繁忙時間，住客搭小巴數目的數據呢？

請問大家一路想有村巴，到底講緊的是村巴會自負盈虧，還是要管理費補貼呢？

如果不用錢，大家朝早會去搭，那要多少部車，服務先會好過現在小巴的服務的呢？有好多車時，管理費要補貼幾多呢？

如果要錢，人少咗，車費可以support 幾多部車呢？如果一兩部，會密得過小巴嗎？

如果要管理費補貼，要補貼幾多才可以做得好過由demand and supply 經營的小巴呢？

如果不用管理費補貼，自負盈虧，車費會平得過小巴嗎，而服務又好得過小巴？

作者: moonmoon 時間: 2010-11-23 12:37:40

還有一個問題，以藍澄灣的業權是包括有小業主、停車場同商場(黃和) 同三間酒店，三個部份都有交管理費，如果是用管理費補貼村巴的話，即是酒店位客都可以坐村巴，換句說話，我們還是會和自由行一同坐。正如佢地可以去泳池游水，去會所一樣。

作者: sjacky 時間: 2010-11-24 09:45:48

本帖最後由 sjacky 於 2010-11-24 09:48 編輯

村巴問題，運輸署最多都只係批俾我地去到荃灣西鐵站，再遠小小就吾批

入伙咁多年
我每格一輪就出黎解釋一 ...
unicorn 發表於 2010-11-22 12:35

我知你個方法，但係你要知，本來村巴要自負盈虧，小人撘會蝕得好勁，錢最後會係管理費度反影，所以只係租要俾多2萬一個月，再加小巴成本，條數就吾係咁計了，我所知村巴因為路線問題個個都有吾同想去的地方，所以一定吾會係全個屋苑去俾錢，最多只係已補貼去做，但補貼都未必通過到，因為只要你路線吾係過半數人認同，一定有人反對，最後扉車資去搞，數可以計計: 20000 蚊一個月，分三十日，一日約6百50左右，車租，油費，保守計都要千五到二千左右一日，一日要行多小班，同幾多車資先夠圍返呢條數呢？呢個問題我同其實業主，管理處同議員都有傾過，因為成個屋苑得出來的數據好吾一至，最多人想去，有尖咀，旺角，但同樣有D 會想去港島...官塘，荃灣....ETC(管理處數據)，我所知各有各想去地方，所以用2萬玩個CULB行得通機會吾大，始終錢作怪，吾係自己想去地方個D業主吾會同意補貼來搞，真係要搞，我諗真係要靠政府批，同條線多人撘先有用，平日NOT返工放工時間，我都試過，出入人真係好小，連小巴都要好耐先開車，村巴就更加吾駛講啦....

以上係我自己同人傾完所得資料，同咁耐搞吾成的部分原因，當然管理處慢人十拍呢個都係一個啦，但大家可以冷靜諗諗有冇其他方法可行！再提出來大家諗諗！

作者: sjacky 時間: 2010-11-24 10:01:47

我記得好耐之前，管理處做過一份問卷，問大家對村巴的看法，請問有無人知問卷的結果是如何呢？有無一些數據 ...
moonmoon 發表於 2010-11-23 09:14

你所講就係我上一個POST 所講問題，的確村巴一定吾會FREE，價錢貴又會冇人撘，價錢平又會圍吾到皮，平時真係好小人撘，管理處答我時都話佢地初步都只係PLAN緊早上返工放工去搞，但係政府一直都吾批一D夸網的路線....近的D業主又吾想要，遠的又吾批....要搞我諗都係有排都冇期....連我都開始冇心機去搞，得一個人，又冇乜POWER，只係左問問右問問...一D作用都冇，我所知翠怡呢排都搞緊法團，但仲係做緊宣傳，成吾成到就吾知了！佢地都係管理處太差....D人吾多滿意...最後會係點呢，我地可以睇睇借鏡！

歡迎光臨藍澄灣業主社群 (http://rcrest.bzone.com.hk/Discuz/)