藍澄灣業主社群

標題: 樓上來的聲音 [打印本頁]

---

作者: plcheung    時間: 2009-8-4 17:29:22     標題: 樓上來的聲音

本人已居住藍澄灣差不多2年，一直以來都住得舒舒服服．但近兩三個月，本人發現樓上發出響亮0既腳步聲(最離譜係跑步聲) :?: ，起初以為只係間中發出，到後來發現每晚都有，而且維持時間相當長，由晚上九點至十點幾．初時我嘗試向管理處反應及投訴 :x ，管理處0既答覆話係因為呢個係新搬來0既住戶，而且有小朋友係度玩，所以先會咁嘈．首先，我覺得新搬來，間唔中招呼朋友來玩而發出聲響都可以接受．但近來，天花板傳出0既聲音愈來愈多，愈來愈大聲，而且時間由朝早八點幾到夜晚都有！！有跑步聲，有拉野聲，有跌野0既聲，總之就係冇停過，我依家坐0係廳睇電視都要較大聲ｄ，連佢個小朋友(我估係肥仔)由房走出廳再由廳走入房都聽到（唔係誇張）．我同我太太都覺得未到十一點（夜深時間）都唔可以話人噪音騷擾，所以冇得投訴．但尋晚竟然十一點幾仲0係度跑，我地同管理處投訴，佢上左去睇話冇聲，之後樓上都靜左，但估唔到去到十二點幾一點鐘，樓上0係度不斷拉檯拉椅，嘩．．痴線ｇａ！！ :x 唔x駛訓咩？我地咪即刻由打電話去管理處投訴囉，之後管理員話上到去又冇聲，梗係冇啦，邊有人會仲俾你睇到佢發出嘈音呀，你估打緊麻將咩？總之ｄ人都唔理其他人感受0既，而且我真係未諗過自己會0係屋企聽到樓上跑步囉！！你話咁樣住落去，係咪人都癲呢，  :twisted: 唔知有冇人又試過呢個情況呢？有冇咩好方法呀？如果要係咁，我係咪只可以報警呢？其實個家長本身都應該要教下個小朋友, 玩還玩,夜晚唔好騷擾到人啦, 唔通個家長夜晚又跑埋一份0既, 唔通樓上做左健身房??

---

作者: kingi    時間: 2009-8-5 10:24:06

你應該叫管理員去你度聽吓喎.又或者,準備下錄音啦.
btw,我又諗,如果連行路都聽到,會唔會係:
1. 果家人真係個個都好肥?
2. 佢地係咪整過個地板,令到本來已經易傳聲既牆更傳聲呢.

---

作者: hktakpo    時間: 2009-8-10 12:22:34

搬啦  !!    cheap 樓用料係咁上下  隔音差係冇得救

---

作者: DingDing    時間: 2009-10-1 17:28:14

OH..same as us! the family who lives up of us are same as your situtation!
move those furnitures every nite from 6pm till late ..even 1am or 2am...
i dun know why they need to move those furnitures everyday????? till so late......shit!
their kids r running n running...it's "BOOMBOOMBOOM"...like thta...are they dun know how to WALK????????????
we have asked the securities come in our house n listen...n he said he went up to talk with them...yea...after that, no more sounds within 1 hr...but come back to their "NORMAL" again....>.<
we have mentioned that we will call police next time, n those securities just said, they will try to talk with them again.....n print out lots of memo, sticks on the walls n at the lobby...
but we dun think they have improved!!!
dame...........
if they keep doing that , n espicially after 11pm, we will call the police at once instead of calling the securities...

---

作者: plcheung    時間: 2009-11-6 22:55:43

忍左大半年啦, 真係忍冇可忍啦!!
近排發現樓上愈來愈過份, 佢依家竟然晚上11:30pm 起開始0係間房拉椅, 當然佢唔係拖住咁拉啦, 但間唔中間唔中咁拉下都死啦, 你估真係唔駛訓咩; 有次仲死呀, 佢加埋個小朋友12:30am 0係屋企跑步, 我地終於忍唔住打電話報警, 個警察同保安上到去只係企0係門口聽左10分鐘, 話入面冇聲, 所以就走左啦. 到左尋晚仲試過成點半鐘拉椅tim 呀!!!痴x線, 你夜晚唔訓, 人地都要訓ga, 呢d 人完全冇公德心, 好心佢就買d 貼0係椅腳0既膠墊啦, 又唔係好貴, 佢冇錢, 我買埋俾佢啦(我地都係咁樣同管業處講), 講左咁x 多次, 投訴左咁x多次, 有良知0既都自己去買或者盡量夜晚唔好拉啦
最後, 我地終於忍唔住走左上去當面同佢講, 樓上個女人竟然話自己冇嘈過, 講講下佢仲惡過我地, 連d 保安都鬧埋, 佢仲好意思同我地講話"你地係咪見鬼呀, 我地夜晚不知幾靜", x佢個街呀, 佢屋企有鬼至真呀, 有鬼0係佢屋企搬野同跑tim呀!! 最後佢仲好大聲話"如果覺得嘈0既話, 就怪呢度d 鋼水差啦!!" 嘩...咩x野人呀, 隔音差就代表可以發出嘈音, 咩道理呀?? 有小朋友就代表可以嘈住人訓覺0既??總之以後佢夜晚再嘈, 我就照投訴照報警...
唔知有冇人試過d 咁惡劣0既情況呢?

---

作者: grassman    時間: 2009-11-7 08:17:04

你邊庢呀?
我驚好快有血案發生!

---

作者: JAT    時間: 2009-11-7 09:31:55

有d人係玩野..你投訴佢就一於再下你咁....我朋友以前屋企樓下投訴佢個女係屋企跑來跑去嘈....咁佢都叫個女唔好啦...點知樓下個人好搞笑地用支唔知係乜咁頂佢自己個屋頂(即係我朋友間屋既地下)嘈返佢.....佢要咁玩野你報警都無乜用喎...

我屋企個度有家人(近lift口)成日又放晒d係出面, 有時有1x對架...好鬼自私...

---

作者: 一家四口    時間: 2009-11-7 09:43:23



我有時懷疑, 自已喺屋企覺得樓上個單位有人移檯椅果D聲, 會唔會唔係樓上移檯椅發出既呢? 果D聲會唔會係其他疑似聲音呢? 又會唔會係樓上既隔離既單位移, 因為隔音唔好, 所以誤會左就係自己樓上呢??

因為幾個星期前, 我喺屋企都連續幾晚聽到樓上有人移檯椅既聲音, 到最近呢幾日, 一晚都有1-2次, 所以我就諗起呢度都有幾戶人家投訴過呢個問題...但係 ,

(1) RC真係有咁多人鐘意夜晚移檯椅? 真係有病? 佢地朝早唔病發, 夜晚至病發?
(2) 我落L5攞信既時候, 我樓上個單位既信箱, 先兩個星期塞到D信爆晒, 都冇人攞信, 好似樓上冇人住咁, 咁邊個喺間屋入面移動D野呢?
(3) 會唔會, 有鬼呢?? HAHA

---

作者: JAT    時間: 2009-11-7 10:22:35

我有時懷疑, 自已喺屋企覺得樓上個單位有人移檯椅果D聲, 會唔會唔係樓上移檯椅發出既呢? 果D聲會唔會係其他疑似聲音呢? 又會唔會係樓上既隔離既單位移, 因為隔音唔好, 所以誤會左就係自己樓上呢??

因為幾個星期前,  ...
一家四口 發表於 2009-11-7 09:43

好驚呀..

---

作者: kingi    時間: 2009-11-7 11:49:55

我有時懷疑, 自已喺屋企覺得樓上個單位有人移檯椅果D聲, 會唔會唔係樓上移檯椅發出既呢? 果D聲會唔會係其他疑似聲音呢? 又會唔會係樓上既隔離既單位移, 因為隔音唔好, 所以誤會左就係自己樓上呢??

因為幾個星期前,  ...
一家四口 發表於 2009-11-7 09:43

在情在理,你好似叫保安睇吓好喎....

---

作者: grassman    時間: 2009-11-7 18:30:08

要搵茅山師傅!

---

作者: plcheung    時間: 2009-11-11 14:18:04

呢幾日我地搵左保安上來聽下我地所講0既嘈音, 點知星期六晚(12:30am-1:30am) 樓上就一d 聲都冇, 但酊星期日朝早大約9:00am就聽到佢個小朋友0係度跑, 連在場0既保安都聽到, 而且都認為係樓上發出呢d 聲. 咁我地以為咁樣管業處就可以做野啦. 點知佢地竟然話呢d 聲為0係早上9:00am 後聽到, 唔算0係嘈音, 都算正常喎.
我地都冇話佢咁樣嘈住我地一我地只不過想證明俾管業聽0係樓上發出而唔0係咩其他單位發出. 我地好強調樓上0係夜晚發出0既嘈音影響到我地訓覺, 佢地(管業)話由於夜晚0係門口聽唔到聲, 所以唔可以做證確定0係樓上單位喎, 大佬呀, 你0係門口聽梗係咩都聽唔到啦, 我地真係俾佢吹脹....
依家0既情況係管業聽唔到就話做唔到野, 就算依家0係我屋企聽到又話由於佢地企0既門口聽唔到而做唔到野, 咁即係一個字"門小". 佢地仲叫我地唔好咁激動, 唔好走上去拍門tim, 我地心諗你地做唔到野咪我地做囉.

後來我地尋晚知道點解佢地做唔到野0既原因啦, 原來樓上個八婆租客打去管業處反投訴話管業處夜晚時常走去拍佢門打擾佢訓覺喎!! 嘩..呢個咩世界呀, 呢d 咩x野人呀, 騷擾人果個掉番轉告人騷擾佢, 我估管業處因為怕麻煩, 所以唔敢再走上去搵個pk. 依家今日管業同我地講話d 聲應該係由於大廈個水壓制問題而產生嘈音, 呢d 我一早知啦, 我地唔係3歲細佬哥呀, 我都識分聲音ga, 你當我白痴呀, 如果管業諗住用咁0既理由去敷衍下我, 同維護樓上個八婆0既話, 我一定會繼續同佢玩落去囉, 睇下邊個唔駛訓.

依家我都唔明交管理費做咩春....咩q 都做唔到, 最後原來我係俾錢係管自己0既.....

---

作者: 一家四口    時間: 2009-11-12 15:38:41

要搵茅山師傅!
grassman 發表於 2009-11-7 18:30

今日我等校車既時候, 同L5"坐頭"聊左一輪, 因為我發現樓上個信箱又開始多信, 睇嚟樓上真係唔係成日返嚟訓, 呢樣野得到"坐頭"肯定, 佢仲話樓上係舖地氈既添, 所以, 我聽到既真有可能唔係"有人"移檯椅既聲音, 因此............我決定.............搵..............司徒法正...........

---

作者: 濠仔    時間: 2009-11-12 15:46:36

今日我等校車既時候, 同L5"坐頭"聊左一輪, 因為我發現樓上個信箱又開始多信, 睇嚟樓上真係唔係成日返嚟訓, 呢樣野得到"坐頭"肯定, 佢仲話樓上係舖地氈既添, 所以, 我聽到既真有可能唔係"有人"移檯椅既聲音, 因此.. ...
一家四口 發表於 2009-11-12 15:38

咁得人驚

---

作者: simonw0711    時間: 2009-12-4 16:37:45



我都有相同的情況呀, 我初初(4月)搬來時沒有的, 近幾個月開始有, 有時上午, 有時下午, 有時晚上1:30前, 一日都有十幾次, 2:00後就沒有了, 我試過走上去聽又唔發覺有聲, 我都唔明白點解d人會不斷拉椅拉枱?? 本人住6座中層, 你地呢?

---

作者: simonw0711    時間: 2009-12-4 16:42:19

1# plcheung
你都好呀, 肯定左係邊個, 慢慢炮製佢, 我連邊個都唔肯定呀, 哈哈

---

作者: simonw0711    時間: 2009-12-4 16:48:36

12# plcheung
plcheung:
我是住在6座,我越看越似我的情況, 越看越火滾, 因為簡直就是我的心聲......
不知現在怎樣呢?

---

作者: dracula    時間: 2009-12-6 23:14:55

只好努力搵錢...買佢樓上個單位,嘈番佢!

---

作者: kingi    時間: 2009-12-8 17:10:26

今日我等校車既時候, 同L5"坐頭"聊左一輪, 因為我發現樓上個信箱又開始多信, 睇嚟樓上真係唔係成日返嚟訓, 呢樣野得到"坐頭"肯定, 佢仲話樓上係舖地氈既添, 所以, 我聽到既真有可能唔係"有人"移檯椅既聲音, 因此.. ...
一家四口 發表於 2009-11-12 15:38

超恐怖!

---

作者: hktakpo    時間: 2009-12-8 17:26:10

六座有間凶宅喎 你係咪住佢樓下呀

---

作者: kingi    時間: 2009-12-8 17:51:13

六座有間凶宅喎 你係咪住佢樓下呀
hktakpo 發表於 2009-12-8 17:26

係邊度,咩事...

---

作者: plcheung    時間: 2009-12-8 23:33:34

係咪堅呀? 都冇聽呢度d 人講過0既, 不過我果度(1座)近排似乎已經改善左好多, 少左好多聲音啦

---

作者: 一家四口    時間: 2009-12-9 09:07:50

我住一座。不過我都仲係懷疑D聲音係唔係移檯既聲 (雖然係似), 因為D聲喺我間房最清楚, 但冇理由樓上成日移床架麻...

---

作者: plcheung    時間: 2009-12-9 13:40:38

我都係間房係最應聲0既, 不過聽d 管業處講我樓上單位0既主人房入面好逼, 又冇椅, 所以我地估d 聲音係由廳傳番入房

---

作者: hktakpo    時間: 2009-12-9 17:32:14

6 座 3X 樓

---

作者: vivian    時間: 2009-12-9 21:11:59

20# hktakpo

何出此言? 請問發生過甚麼事情呢?

---

作者: simonw0711    時間: 2009-12-10 03:52:44



20# hktakpo
hktakpo仁兄/姐:
你此言當真? 我就是住32/F. 請問有乜神秘事? 如不方便在這裡談, 可留言我的E-MAIL
simonw0711@hotmail.com
我真係好想知.
而且, 我並不懷疑你所言, 因為....的確係有少少怪事發生,
尤其是下雨天的時候.唔知你有冇興趣分享下呢?
我以往在舊居亦遭遇到呢d事, 所以已經見慣不怪, 亦不會驚, 更不會搬. 只是想知多d野. 希望你指教.

---

作者: simonw0711    時間: 2009-12-10 04:06:08

25# hktakpo
分開來說, 前幾晚我走上樓上, 係聽到屋內的人在移枱/椅. 我投訴後管理處派人來聽, 唔知係唔係佢已經知道, 這幾晚靜左好多.

不過, 你說3x有凶宅, 唔出奇, 我初初以為藍澄灣處於山谷, 最容易有"東西"聚集,再加上有人說青衣沿岸在日治時期是囚犯的地方, 死了好多人, 不過都時移勢逆啦, 我只當故仔聽. 你今次一言, 是解釋我心中一個疑團. 因為每逢下雨天, 就多數有"少少"怪事發生.

---

作者: 一家四口    時間: 2009-12-10 09:00:34



以我記憶, 細個果時冇藍澄灣呢個位置架喎, 唔係廿幾年前填海填出嚟架咩, 點會經過"日治"時期呀??? 唔通我記錯?

搵D年紀大D既人出嚟證實下啦, 我仲細...

---

作者: hktakpo    時間: 2009-12-10 09:46:27

藍澄灣 最容易有"東西"聚集,  唔怕喎  對面酒店大陸人殺氣勁過佢地
你試下扮睇樓問下 AGENT 係咪有間凶宅

---

作者: hktakpo    時間: 2009-12-10 09:53:45

曉峰園處於山谷咪仲多山墳

---

作者: simonw0711    時間: 2009-12-10 13:03:43

31# hktakpo
you are absolutely right!
my fd live there and meet "things".

---

作者: simonw0711    時間: 2009-12-10 13:09:04

29# 一家四口
我都係聽個的士老講的. 佢話以前好多逃犯在青衣沿岸被發現, 就地正法, 不過咁多年前的事, 應該沒有影響的了.
反而, 我相信情況和"曉峰園"一樣, 因為處於低地, 形成山谷, 四周又未開發, 仍有樹林, 所以有陰氣是很正常.

---

作者: simonw0711    時間: 2009-12-10 13:10:17

30# hktakpo
我的殺氣仲勁, 等我開個post講下我的經驗先, 哈哈

---

作者: plcheung    時間: 2009-12-23 14:27:04

希望所有發出嘈音0既鄰居睇到呢段新聞而有所警惕啦, 唔係講笑ga, 長期受嘈音滋擾真係會人都癲ga!!有可能下一個會係我......

難忍噪音斬鄰居 綜援漢囚28月
(明報)2009年12月23日 星期三 05:10
【明報專訊】綜援    男子長年受鄰居發出的撞擊巨響及鑽牆聲滋擾，向房署    多番投訴不果，終在清晨持刀闖至鄰居住所對質，並發難以8吋長利刀襲擊戶主一家，男子早前認罪，昨判囚2年4個月。

居於秀茂坪寶達村的被告李志實（36歲），早前承認有意圖而傷人及傷人罪。法官接納他長期受鄰居噪音滋擾，一家身心大受影響，也令被告易動怒，但在文明社會爭執常有，不能動輒以武力解決，而被告本欲亮刀威嚇對方，最終竟以尖刀傷人，案情嚴重，但接納他犯案違反本性，兩名事主亦沒永久傷害。

辯方稱報告顯示被告的心理及精神均沒問題，惟不懂處理怒氣，事發後百多名街坊亦聯署撰信求情，李在冬至未能與家人團聚，已是最大懲罰。

---

作者: unicorn    時間: 2009-12-29 17:14:16

1. 你地班友有冇聽恐怖x線?
時運低就成日樓上都有人搬野架啦, 成日有人打電話上去講
2. 唔知有冇人記得, 以前呢度有人話3點幾有"看更"上去同佢整冷氣... 所以"怪事" 呢度唔係冇, 戈單野好似真係半夜橫風橫雨發生
3. 科學解釋: 呢度d鋼水"唔太好", 好多時我1/2點都聽見格離karaoke同埋睇dvd, 如果"接受唔到" 都係搬啦
不過我其他"屋企" 都有"樓上2-3點搬木台的情況, 唔知要搬去邊度

---

作者: roadx    時間: 2009-12-30 10:39:01

2. 唔知有冇人記得, 以前呢度有人話3點幾有"看更"上去同佢整冷氣... 所以"怪事" 呢度唔係冇, 戈單野好似真係半夜橫風橫雨發生
可唔可以講清楚少少呀 ??

---

作者: Thomas100    時間: 2010-1-10 16:30:13

大部份樓都有噪音情況，樓上噪到樓下，建議下次買樓要買防火層下層單位。買樓真的要講運氣！樓上樓下及左右鄰居好不好完全是賭運氣，以前我住青華苑時，第C座20樓一單位住了2兄弟，每逢週末日都帶朋友回家打機，由深夜打至天光，發出很大噪音，如大聲叫、講粗口、拍打地板等等，我試過報警達6次之多，結果都是一樣，其實警察是無權的，不能作出任何動作，只有勸阻而已。那時我準備找人打他們，要將他們打至殘廢！結果還是放棄了！最後都是搬，搬至青怡花園頂層單位，雖有改善，但輪到樓下單位噪，原來樓下的噪音可以噪到樓上的，真是不可相信！之後又搬來了藍澄灣，結果都是一樣，樓上的噪音不絶，情況是一樣，就是有小朋友走來走去，掉玩具、拉椅子等噪音。幸好！這家人最近搬走了，否則我會有所行動！

請各住戶要自律以免影響下層住戶，連警察都管不了，樓下的管理員能做甚麽呢！！

---

作者: 我係小忌廉    時間: 2010-1-25 23:26:37

6座有個單位, 是女戶主自剎, 但因為個男戶主個單位尚未出售. 仲係自住所以唔係好多人知, 好似係30幾樓? 想知問下青衣城美聯個D小姐, 我睇樓時佢同我講架, 所以我無睇第6座

---

作者: michaeltsang    時間: 2010-2-15 11:34:25

12# plcheung  
plcheung:
我是住在6座,我越看越似我的情況, 越看越火滾, 因為簡直就是我的心聲......
不知現在怎樣呢?
simonw0711 發表於 2009-12-4 16:48

我都係！近排我都係咁！

---

作者: michaeltsang    時間: 2010-2-15 12:03:38



我睇完樓主講既野，發覺我既情況同樓主所講既差唔多一模一樣！


我剛剛搬入黎大概一兩年既時候，樓上已經有嘈音，不過一來我唔係成日番黎住，兩來當年既嘈音未去到好嘈，所以我同我阿爸都係o係自已屋企叫上去，叫佢唔好咁嘈，佢都有叫做有少少改善。
不過呢幾個月黎，真係忍無可忍！
初頭佢周不時就有D嘈聲，搬野，dum 野，有時重要鑽野！最離譜既係佢連星期日既朝早七點幾就會有嘈音，初時都可以叫忍到，但日子耐左，開始忍唔到，搞到個個星期日都要打去管理處投訴，初頭都有管理員上番黎同我講話佢上過去，聽唔到聲，但日子耐左，就再冇管理員上黎講番，D 管理員根本都唔知有冇上過去睇既！好似我上個禮拜又設訴完，但都係一D 改善都冇！
有一次我在家溫書，一直都聽住D 嘈音，忍無可忍，上到去，聽到上面吸緊塵，心知不妙 (因為我之前都上過佢幾次聽下點解會咁嘈，去左幾次都聽到佢吸塵，有冇咁大塵啊.........)，然後我禁佢門鐘，開門竟然係個菲傭，我同佢講佢單位好嘈，佢就話佢單位有baby， 冇可能會嘈，咁我心諗，有baby就唔嘈得既咩........ 果然，我番到落自已屋企冇耐，D 嘈音又黎番........

然後我有一日夜晚 8點幾上多去一次，希望真係見到個業主。然後有個男人開門，佢猛咁話自已冇可能會有嘈音，又話自已有BB，又著咩軟既拖鞋，行路好細聲，咁我同佢講：[大佬，但我成日朝早七點幾都聽到你地搬野喎！]，但竟然同我講：[咁你叫管理處黎同我講囉！]，然後就勁大力咁關左門，o個刻我真係火到黎X 埋啦！喂大佬！你明知管理處冇用，你重叫我搵管理處！？我宜家親自上黎搵你，你叫我搵番管理處，你冇病下嘛？有BB 大晒咩？
過左幾日，我阿媽番到屋企就同我講，話樓上個戶主投訴我上去搵佢，話佢有權報警，叫我以後有D乜都先同管理處講左先，重同我阿媽講話其實D 嘈音未必一定從上面發出。我聽o個陣火都黎埋啦！第一，你明知自已管理處廢，乜都做唔到，咁重搵你黎做乜啊！？第二，宜家係你嘈到我，你報警o個陣我可以告埋你啦！不知所謂！你有乜權黎告我啊！

之後管理處又打比我阿爸，話可以黎做D咩聲音測試，我心諗，我投訴咁多次都冇用，連自已上去講完都係咁，做呢D垃圾測試有X用咩……….

如是者，過左個幾月，D嘈音就愈黎愈嚴重，每日由朝早七點幾至夜晚1點幾2點都有。我同過好多人講，先發覺原來好多人都有咁既情況 (樓上嘈音)，佢地都話唯一既方法就係忍，再唔係就搬。唉，宜家日日都冇覺好訓，搞到做乜都冇心機。


PS：我都有諗過報警，但我睇過好多forum都話報警D警察其實都係乜都做唔到…….. 唉，我宜家都唔知點死好了………

---

作者: michaeltsang    時間: 2010-2-15 12:04:40

只好努力搵錢...買佢樓上個單位,嘈番佢!
dracula 發表於 2009-12-6 23:14

死都唔住番藍澄灣啦，又唔係好住

---

作者: 肥度    時間: 2010-2-15 16:30:59

吾知....應聲..關吾關空心磚事呢...記得收樓之後...係發現好多...跟住report 左之後..先好好多

---

作者: LeAnn    時間: 2010-5-24 13:02:28

忍左大半年啦, 真係忍冇可忍啦!!
近排發現樓上愈來愈過份, 佢依家竟然晚上11:30pm 起開始0係間房拉椅, 當然佢唔係拖住咁拉啦, 但間唔中間唔中咁拉下都死啦, 你估真係唔駛訓咩; 有次仲死呀, 佢加埋個小朋友12:3 ...
plcheung 發表於 2009-11-6 22:55

To plcheung:

請問最後你樓上啲位鄰居有無安靜到呢？
鄰里嘈音啲個問題係好難搞架！保安員、管業處 OR 警察會將個波推嚟推去，搞到受害者好無奈！唯有你樓上那位鄰居愿意收手，咁你先會有好日子過呢!
我知道啲到有好多位鄰居都被一啲無教養+公民意識好差既鄰居滋擾緊，如果大家有很好既方法提供，不妨寫出嚟同大家分享一下丫！

---

作者: 濠仔    時間: 2010-5-25 05:39:27

25# hktakpo  
分開來說, 前幾晚我走上樓上, 係聽到屋內的人在移枱/椅. 我投訴後管理處派人來聽, 唔知係唔係佢已經知道, 這幾晚靜左好多.

不過, 你說3x有凶宅, 唔出奇, 我初初以為藍澄灣處於山谷, 最容易有"東西" ...
simonw0711 發表於 2009-12-10 04:06

我成日2~3點先收工...2~3點先洗車ga wo

---

作者: plcheung    時間: 2010-5-25 14:06:10

44# LeAnn

我已經忍受唔住搬走左lu, 我走之前仲投訴過ga, 而且仲上埋去佢屋企同佢理論tim, 點知個女户主仲大聲夾惡話一定唔係佢嘈, 係樓上幾層樓嘈, 之後d 聲傳到去我個單位度喎!! ....佢仲話管業處確認左係咁tim!! xyz@&* 投訴左咁x耐, 原來管業處都係咁吹水敷衍我地呢d 住客, 枉我仲要交管理費俾呢班廢柴, 所以我都費x 事再投訴, 拿拿聲搬走就算啦, 希望下一手業主可以忍受到上面果個惡霸夫婦啦

---

作者: LeAnn    時間: 2010-5-25 16:59:37

44# LeAnn  

我已經忍受唔住搬走左lu, 我走之前仲投訴過ga, 而且仲上埋去佢屋企同佢理論tim, 點知個女户主仲大聲夾惡話一定唔係佢嘈, 係樓上幾層樓嘈, 之後d 聲傳到去我個單位度喎!! ....佢仲話管業處確認 ...
plcheung 發表於 2010-5-25 14:06

喂喂plcheung，恭喜你離開咗啲對惡霸夫婦先 =) 佢哋真係好黑人憎，你以前放咗工之後有無唔想返屋企既感覺呢？其實我都唔明白點解啲人可以咁鬼死厚臉皮，明明就係自己嘈就死口都唔應，不斷呼叫自己係冤枉，真係唔該啦~我哋唔係聾架！
嘩~你之前仲走埋上去樓上理論添呀！唉~不過啲類人呢，根本就唔識得咩叫做道理！至於管業處，唉~佢哋係有聽你既哭訴，仲表現到好明白你既處境，但到最後~佢哋可能又同你講，我哋會出信~出通告俾有關既單位架喇。喺管業處既立場，佢哋當然覺得自己喺有做到嘢啦，但受害者好清楚地知道，啲件事仍然‘未解決”！
有時候真係好唔明白，我哋大家都係良好市民，有公民意識，但法律對於啲種鄰里嘈音就無一個很好既方法管理好，往往都令到啲壞份子可以橫行霸道。
總之，你住喺啲類人下層呢，你永遠都唔著數！我諗你下一手業主如果係正常的話，佢亦都唔會忍受得到啲對惡霸夫婦LOR！管業處一日未將事情解決，啲樣嘢只會不斷延續，變既只會係下層住客不斷出出入入。

遇到啲類鄰居，有時真係仲慘過見鬼！

---

作者: LeAnn    時間: 2010-5-25 17:33:41

我成日2~3點先收工...2~3點先洗車ga wo
濠仔 發表於 2010-5-25 05:39

唔驚唔驚，之前聽恐怖熱線，大師話我哋頭上有三把火嘛!

---

歡迎光臨 藍澄灣業主社群 (http://rcrest.bzone.com.hk/Discuz/)

Powered by Discuz! X2