藍澄灣業主社群

標題: 新居裝修工程已展開 [打印本頁]

作者: 我係小忌廉 時間: 2009-6-14 03:21:40 標題: 新居裝修工程已展開

上個月19日收樓之後個幾日四出去搵裝修CF問價終於係5月26日開始開工預計完工日期7月15日由於今次係大裝包括換地板改電制位間磚牆(因為我老公怕用櫃板間房唔隔音所以整磚牆) 另外由於原業主用野好粗所以將廚房所有野都唔要包括廚櫃抽油煙機洗衣機總之所有電器捐左俾D機構換廚房地板至於個厠所都唔知點住真好臭所以全部厠所包括地板都換晒佢個CF話浴缸其實一D都唔好用而且用耐左之後好容易漏水於是改企缸另外原先個厠所櫃都放唔得好多野所以都唔會留番仲有因為厠所無窗而且原有牆身磚影得厠所以沉色於是轉白色有暗花既牆磚...

講開又講下個CF同我地講發展商原先個D地磚好似小學生上美勞堂用個D透明膠水貼一樣只係用支(羅C批) 係D接口位用力一下子就可以起左出黎所以用左半日已經全屋地磚起晒...

果條地腳線都唔似地腳線幼到好似2隻手指...

個CF拆晒所有野都只係用左2日包括拆除原業主D牆紙地板..

今日去睇下間新居個廚房同厠所牆身已經舖好廚房同厠所地板已做了第一層防水因為廚房厠所係最多用水既地方所以要做三層跟住下星期開始舖地臺磚貼牆紙...

真係好想快D搬入黎

作者: milk 時間: 2009-6-14 13:34:17

:shock: 重新鋪過防水？！好大工程.....祝一切順利！

作者: saga 時間: 2009-6-14 19:48:33

全屋重新裝修 :em04:

作者: kk-in-hk 時間: 2009-6-15 14:17:13 標題: Re: 新居裝修工程已展開

[quote:d7fcdacfa2="我係小忌廉"]...
講開又講下個CF同我地講發展商原先個D地磚好似小學生上美勞堂用個D透明膠水貼一樣只係用支(羅C批) 係D接口位用力一下子就可以起左出黎所以用左半日已經全屋地磚起晒...

果條地腳線都唔似地腳線幼到好似2隻手指...
...
[/quote]

唔係咁 :em10: :em10: 點賺到盡你地d $$$$!! :em13: :em13:

作者: 我係小忌廉 時間: 2009-6-16 01:40:54

多謝大家回覆由收樓裝修到而家已經兩個幾星期因為只係裝修已經用左10幾萬元除左牆紙同窗簾全部都交俾CF幫我地搞掂牆紙同窗簾全部係旺角整同買因為我地D錢都用左好多啦未計傢具都唔知係邊到買好於是上網搵下聽人講去深圳訂傢具平香港平一半有多於是我地做足功課睇下D網友既留言做下SEARCH 於是我地昨日去了深圳田貝成條街都係賣傢具精品好多野睇行下問下格下價只係食過早餐都無食過其他野由早上11:00幾行到夜晚9:30左右啦不過我地都好開心因為買到想買既傢具而且平香港真係平好多好多因為我想搵歐式田園風格之前係香港名華軒睇過只係一張雙人床都要4900幾未計衣櫃其他野不如講下我買左什麼啦 (雙人5呎床 5呎衣櫃 5呎電視櫃 4呎鞋櫃 1呎飾物櫃 3座位梳化床頭櫃一桌四倚)全部都係歐式設計總數26000人民幣運費連安裝另加4000人仔另外最貴呀囡張訂做上面床下面全部衣櫃再加一張書檯6500人仔另外間店俾錢可以叫CF黎香港度呎另收400人仔全屋所有傢具都唔洗HKD50000.0 而且我地係傢具店講價由下午3:00幾講到7:00幾終於我地都有45折(haha…)因為我唔識POST 相所以俾個web site 大家睇下….

先去中國yahoo 之後search 位置打 ( 伊卡蘭 ) 就見到架啦係d相片會搵到我d傢具呢(hehe...) :wink:

行下行下除左傢具之後行遠D成條街都賣地磚裝修材料俾我地搵到我地塊地磚 24X24寸都係16人仔(未計折)我地係香港見一樣成HKD45.0 真係平一半有多唯有同自己講香港買既有分別(自我安慰) 仲有好多公主feel 既燈布簾手工藝品行一日都行唔晒因為太累啦我地行到夜晚9:30 因為落馬洲關10:00 於是我地搭的士因為塞車所以連跳幾次錶都係30幾人仔車程唔計塞車around 15分鐘因為本星期五我請左假因為深圳田貝路有好多個商場昨天主力睇傢具今個星期五主力睇工藝品同精品下次再同大家傾下邊有平野買

作者: FireFire 時間: 2009-6-16 02:17:34

諗番以前自己新屋入伙都攪好耐~~~
努力呀~~ :mrgreen:

作者: kk-in-hk 時間: 2009-6-16 09:42:28

請問點樣確保深圳日後送來的東西款式同用料尺碼都係你當日所訂??
係香港買野係貴不過有咩東瓜豆腐起碼搵到返佢地出來. eg. 梳化表層塗料幾個月之前歐洲有批中國梳化出事表層防霉劑太多會令人敏感. 假設係香港xx軒買左呢批貨插佢都容易d.

作者: xomama104 時間: 2009-6-16 09:45:25

裝修真係好費心力.... 我會係7月中收樓但唔諗住大裝啦已家先開始物色CF 有屋企人介紹又有朋友介紹... 其實CF收得貴唔緊要但千祈唔好尾....我而家都諗緊番唔番大陸買傢俬... 我去左青山道既傢俬鋪報價都係大約 $50000 (地櫃高身鞋櫃子母床衣櫃 x 2 window台書檯飾物櫃)不過點都想番大陸買燈又真係平好多架 !
我諗你入得伙我先至可以收樓....大家努力啦 !
你有冇諗過裝浴室寶係所 ? 唔知冇window可唔可以裝呢 ??

作者: 我係小忌廉 時間: 2009-6-16 15:36:42

[quote:c947812ce4="xomama104"]你有冇諗過裝浴室寶係所 ? 唔知冇window可唔可以裝呢 ??[/quote]

我都有睇過個件野既SIZE 都唔細如果裝左都好不過要浪費左所個樓底不過我整左兩部抽氣扇一部係企缸頂一部係坐頂裝修CF俾意見我地架其實我地個所SIZE 都唔係太大所以兩部抽氣扇都可以足夠而且裝個感應制可以選擇開其中一部或者一齊開晒兩部都做而且抽氣扇買兩部都係千幾蚊平過浴室寶好多而且唔洗浪費樓底可以整個大D個鏡櫃….

另外我全屋傢具都係深圳訂其實我地都好擔心會有問題架希望我會好彩無是啦….(願主保佑呀們)

你幾時去深圳呀其實收樓前去一次收左樓之後再去因為你已經熟路而且心目中知道邊D係你想要既野可以節省好多裝修時間仲可以快D入伙添….

作者: xomama104 時間: 2009-6-16 15:51:25

係wor..可以係收樓前去深圳一轉格下價睇下款.....不過我唔傾向係深圳訂所有傢俬因為我有小朋友真係唔得閒成日撲上撲落去跟啦....其實只要你跟足d 送貨前上去驗收應該唔會有好大問題 !!
有時間多d 分享下你既裝修日誌...... :wink:

作者: 我係小忌廉 時間: 2009-6-17 00:41:11

[quote:4b9ff3d0d9="xomama104"]係wor..可以係收樓前去深圳一轉格下價睇下款.....不過我唔傾向係深圳訂所有傢俬因為我有小朋友真係唔得閒成日撲上撲落去跟啦....其實只要你跟足d 送貨前上去驗收應該唔會有好大問題 !!
有時間多d 分享下你既裝修日誌...... :wink:[/quote]

其實都唔係D什麼日誌只係同大家一齊分享下 :wink: 不如你去三聯商務書局買本書個書名叫(深圳家居雜貨採購-HKD58.0) 介紹田貝路邊度有野買因為田貝路成條街行一日都行唔完....

我都有個囡囡架不過好彩屋企人幫我照顧住佢等我地兩老公可以去搵我地想買既野上次我帶左個囡一齊去佢見到好多床佢同我講靚靚呀覺覺....

: 我個囡明天17號17個月大....

ops:

我今個星期五請左假同老公一齊去多次 BUT 今次上去睇下D 水喉花洒... 杯碟仲有燈....大出血 :em01:

BUT 都好ENJOY 但係好累 :wink:

作者: 我係小忌廉 時間: 2009-6-20 01:45:16

今天請左假上星期日訂了傢具發現要改位於是今日又去了深圳改晒我地想要既傢具款式之後去左睇花洒水龍頭坐厠洗面盤另外大門口走廊位做左個假天花順便買D顏色圖案強化玻璃原本以上所有野裝修CF話幫我搞(即係已經打左價錢係張價單到)不過今日見到咁多款式而且仲可以講價既然呀媽生我把口講數咁叻(自己讚自己添)

: …上面D款式又平又靚當然要買番D啦凈係塊強化玻璃(18寸X36寸X6MM厚)香港買都要千幾仲未計有圖案款式同只得普通磨沙面而我今日果塊有圖案及加厚都只係520人仔….

另外花洒洗手盤坐厠全屋水龍頭(包括廚房洗手盤位置企缸及個企身花洒~好似我個頭咁大個D)都只係用左1880人仔….再加運費200人仔今個星期日收貨添…

上面寶安北路所有傢具店其實我都仲未行完仲有7個商場都未行過而且要等真正搬左屋SETTLE DOWN之後有時間再去睇下D精品工藝….

下次發現有平野. 再話俾大家知…

P.S. : 如各位有意想換坐厠記住:我地個坐厠係由地下去水而唔係一般分高咀或低咀個款架而厠所去水中空至牆身預計約11寸個D款式先知得架先萬不要買錯….

為方便國內買野要連運輸送香港去7仔買張電話卡平過IDD….
:detective

歡迎光臨藍澄灣業主社群 (http://rcrest.bzone.com.hk/Discuz/)