藍澄灣業主社群

標題: 早上繁忙時間小巴站的管理問題 [打印本頁]

作者: plcheung 時間: 2009-4-17 14:20:34 標題: 早上繁忙時間小巴站的管理問題

我入住差不多藍澄灣差不多年半每日早上(8:15am) 都要同酒店0既旅客排隊等候小巴當中果d自由行旅客0既冇禮行為(如打尖高歌喧嘩蹲地) 我都已經見怪不怪. 而管理處亦已經加派人手維持早上繁忙時間(上班時間)0既秩序而且明顯見到係有改善0既.而且特別0係有展覽會展出0既期間由於大多數0既行政旅客會擕同大型行李管理處會將住客同酒店0既人龍分開分批安排住戶同旅客各一架小巴避免因碰撞而發生口角.但當展覽會完畢後管理處就會取消這個安排.

好似由尋日開始管理處已經取消左這個安排啦. 我想問點解呢個安排唔可以係永久呢? 首先我地住客冇權(能力)去控制現有公共小巴的班次安排但我地有權向管理處反應並要求立即作出改善及跟進我地有交管理費俾管理處佢地係應該要管理呢個屋苑0既所有公共設施秩序及保安. 如果我地住客只不過好簡單咁要求繼續作出分龍0既安排到做唔到0既話咁我覺得有好大問題囉. 依家金融海嘯個個打工仔都擔心自己飯碗不保如冇必要都會盡量避免遲到啦但呢一刻就係因為要同班自由行一齊排隊搭車分分鐘要等成10-20分鐘先上到唔通要我地d 住客就佢地早d 起身出門口或者係因為佢地而遲到?? 我地唔係歧視自由行只不過我地係住客而且又要返工搵食照道理0係上班繁忙時間係咪應該俾我地首先上車呢? 試問當初安排公共小巴來往葵芳/青衣0既目的係為左住客定係旅客先? 仲有就係試想像下一大早起身出門口落樓 0係耳邊不斷有d 自由行0係度大聲叫囂你會唔會頂得順呢? :em18:

我個人就有以下0既建議希望有關管理公司加以考慮及接納:

(a)分龍安排
酒店方面可以考慮發出通知俾d 旅客提醒佢地9:00am 前所有公共小巴都係俾住客優先使用如果佢地係要早過呢個時間出去的話就要分龍排隊. 而且呢個安排又唔會加重左管理處0既workload 亦唔會打混亂現有0既人手安排

(b)安排免費穿梭巴士 (只於早上繁忙時間行駛)
當然最好就係盡快安排穿梭巴士供住客使用啦. 其實時間都可以只限定0係星期一至五早上繁忙時間(8:00am-9:00am) 而每位住客必須出示住戶證方可上車咁樣做唔會浪費金錢之餘又可以令到住客有一種歸屬感而且管理公司又唔須要額外0既設施去配合(例如購票)

(c)安排穿梭巴士 (只於早上繁忙時間行駛)
如果管理公司覺得必須要”用者自負” 我建議可以象徵式向住客每次收取HK$3.00. 而購票形式可以安排於CLUB HOUSE 售票住客可以自行購買所需數量於上車時交付有關工作人員此項優惠亦只限於藍澄灣住客方可享有. 我個人認為就算貴兩毫 d 住客都寧願坐穿梭巴士都唔想同d 自由行逼埋一齊坐囉.

雖然藍澄灣0既住客同酒店(自由行)0既旅客仲有好多會發生碰撞衝突0既地方(例如百佳大家樂) 但果d 係管理公司控制唔到0既依家竟然有d 係可以做到0既點解唔可以好好考慮下呢? :x

我希望管理公司係去正視呢個問題而唔係去迴避呢個問題

作者: onlineeric 時間: 2009-4-18 00:23:54

小弟將於近日入伙，原來上班繁忙時間分分鐘要等成10-20分鐘先上到車架？！！
:em03:

作者: diedsee 時間: 2009-4-20 13:14:22

雖說有關人士可能睇到你所打的但我 suggest 你 fax / post 一份 directly 去管理公司

作者: kingi 時間: 2009-4-20 16:39:31

上車要幾耐就睇咩時間啦我覺得如果真係人多行上蛇仔路搭其他車都好快.
(我朝早大概9點後先返工果段時間差不多有車就有得上唔駛點排)

作者: samhung 時間: 2009-4-20 17:09:24

其實如果多人佢地都會call多D小巴來唔會定好久
(不過一早就見到班自由行甘噪都幾反感)

作者: Thomas100 時間: 2009-4-27 07:52:42 標題: 早上及晚上時間自由人在酒店走廊大聲叫囂！

早上及晚上時間自由人在酒店走廊大聲叫囂！面對酒店的住戶甚受影響，自由人為何要大叫呢？有時樓下向樓上大叫，是不是他們太過興奮呢？明天要到迪士尼玩所以興奮？我想，本苑管理處應向酒店反映，酒店走廊當眼處應貼上『請勿大聲叫囂！』等。另外，不明白自由人為何要在酒店走廊拍照，日照夜照，有葚麽好影呢！閃光燈不時在閃，對面的住戶就成日都不時看到閃光，令人不舒服的感覺！自由人是不是在偷拍啊！可以報警投訢的。

作者: Thomas100 時間: 2009-4-27 08:06:29 標題: 自由人早上在酒店走廊晒衫及向樓下泳池吐啖！

我親眼見過自由人早上在酒店走廊晒衫及向樓下泳池吐啖！完全不衛生，現在豬流感快殺到香港了，酒店的管理為何會那麽差！入住時沒有向自由人講清楚嗎？他們要多多教育的，所以要加強對自由人的管理。我就不敢在樓下泳池游水，除非酒店方面能改善管理及重視問題，有時總覺得酒店為了賺錢，任得自由人做甚麽事情都可以似的，真的一星級都不如！

作者: Henry Cheng 時間: 2009-4-27 17:07:45

青衣三寶酒店的收費非常平，所以自由人的水平亦非常差。我同意向酒店反映和多多教育自由人。穿梭巴士亦建議好久，不過 dry talking and no result...

作者: sjacky 時間: 2009-5-21 09:46:08

[quote:b0522dc969="Henry Cheng"]青衣三寶酒店的收費非常平，所以自由人的水平亦非常差。我同意向酒店反映和多多教育自由人。穿梭巴士亦建議好久，不過 dry talking and no result...[/quote]
建議冇人聽因為始終係小數人，如果要成功一定要有個有用的業主立案法團，如果佢都吾夠代表，每戶派信做投票啦，之後如果管理處都吾做野就換鬼左佢，我吾想俾錢用來儲錢，留咁多盈餘投資咩！

歡迎光臨藍澄灣業主社群 (http://rcrest.bzone.com.hk/Discuz/)