藍澄灣業主社群

標題: 致：藍澄灣所有住客 [打印本頁]

---

作者: 公公婆婆    時間: 2009-4-5 03:44:11     標題: 致：藍澄灣所有住客

住在藍澄灣已經4年半，一直覺得，這裡的住客都很好、很有禮貌，雖然樓價沒有上升，但住得頗愉快，直至今日...有一個住客令我在2樓哭到1樓，哭到直至離開藍澄...是我在這裡最難受的一天。

的而且確，我並不是一個100分的住客，因為，我是有養狗的；但在我可以成功出售這層樓之前，我一直守著規距，我只有凌晨12時後才會帶狗出外、電梯有任何人我都不會進內而先讓別人落樓、一星期只有放假的唯一一天，我會在白天帶牠外出，而且盡量在1樓或2樓直接上車離開...還有，牠在室內從不吠，也不到處大小便，包括屋內及室外，直至離開屋苑。

今天，正是我放假的日子，在上車離開前，我帶著我的愛犬，準備到2樓回收箱，中途，電梯停在十X樓時，一名女士手推嬰兒車，我如常地說一句：SORRY，有狗...以讓她先知道才決定要不要進入。看到她的表情，我心已很寒，因為她不發一言沒有回應，只是「厲」著我，那種凶惡，實在太迫人...但那一刻，我仍體諒，因為牠令她要多等一部電梯。

到達2樓後，正當我將一件又一件的回收物處理當中(我習慣一星期清理一次，所以比較多，但我的手，仍然是緊緊的拉著牠貼在我腳旁)，我聽到電梯門開了，原來就是那位女士，但她沒有離開電梯，而是，用更凌厲的眼神仇視我。

我仍然有禮貌地對她說一句：「唔怕架，我隻狗從來唔襲擊人，很純」並再將牠拉很更緊，完全貼著我，即使那女士要離開2樓的門，牠無論如何都沒有辦法貼近。

不過，她用了很兇惡且不禮貌的態度回應：「你話唔咬就唔咬呀？！」然後牠繼續站著。

即使我和她的距離很遠，但我試圖退後一點示意她不用怕可以出，但她仍然用同一態度說明不會出！她任由電梯一開一合的都不願走出來，還要呼喝：「你走啦！！」表明我繼續停留在2樓，她會繼續「厲」著我、要我一定要立即離開，即使我表示：我回收緊！她仍不願接受，只想趕我離開。

容忍是有限度的，最後我輕聲拋下一句：野蠻！
然後帶著牠，和未回收的物件離開2樓的門，即使這不是我的目的地。

但她似乎仍不放過我，還要在我推門後，大聲的狂罵我。

她，相信是我在這裡4年半以來，見過最可怕的住客。
其實，要潑婦罵街的話，我大可以回敬：「街上都可能有人精神病發用刀斬人，你係咪要叫所有人遠離俾你行？」「成街都係狗，你不如唔好出街！」「我隻狗郁都冇郁過，甚至連NG一聲亦未發出，何以倒番轉你係咁吠呀？」

但我全個過程都沒有這樣，目的是要告知她：何謂身教！
作為一個家長，她可以專橫得如此，要人走就走！可以沒禮貌得如此，又鬧又「厲」！可以對動物歧視得如此！
我只想讓你知道，養狗的人無論有多錯，都只是在一個不獲准的地方養了一隻狗！但，所謂循規蹈矩的人，卻可以專橫得如此，要你立即離開...請問，這是什麼人賦予你這樣的權力，可以將一個在公眾地方、沒有搔擾你的人，趕走。

但願，你的下一代，在你的身教下，將來不會同樣的野蠻、沒禮貌、沒愛心，更不要沒膽，長大後對所有動物都要敬而遠之...無法與大自然共存！

其實，更諷刺的是，當我離開後，我接連遇上2個有小孩的家庭，他們都向小朋友解釋狗狗的存在，並與一直流著淚和拖著狗的我同搭一部電梯。我心存感激。

最後，不喜歡狗的住客，可能仍然會回應我一句：「你知唔知哩度唔養得狗！」
我會答你：「我知，我亦努力放盤多時、努力要離開這裡、不讓我的愛犬有任何騷擾出現！」

但我亦請討厭我和討厭我的愛犬的人說一聲：「其實你只需要簡單地到管業處投訴我31651500，而不需要做出如此低劣、令人難受的「趕狗入窮巷」行為，有失身份！」

還有，你的子女對你是貴寶，我的愛犬也是我心靈的慰藉...令我在面對生活壓力下仍然努力向前的動力....人和狗，都有其存在的價值和權利吧！

感激將這篇文章看畢的住客們。

---

作者: 肥度    時間: 2009-4-5 09:31:38

吾好意思...我知..呢度係養得狗 !! 因為大廈公契無列明 !

佢用左d含糊字眼..."除非投訴住戶係可以養動物 !"

法庭都講左呢d含糊字眼係無實質作用 !
1 >因為投訴只可限公眾地方..你係屋企做乜...係無犯法下無人可以干涉 !

2> 投訴要有實質證明 ..

3> 狗隻係有權使用任何公眾地方 因為佢係你既財物 除非有專用層專用 lift . 如果吾係你應該所有lift都可以撘.

---

作者: abo and keung    時間: 2009-4-5 15:59:34

很同情你的遭遇！
雖然我不是愛狗之人(其實是有一點點怕狗)，
但覺得這裡養狗的住客也很自律，
一直也能和平共處。
有時更希望同lift的狗可跟我家的小孩玩一陣，
是否城市人真的不懂得跟大自然的事物相處呢？

---

作者: saga    時間: 2009-4-5 20:36:08

呢度既住戶養寵物算很自律的

有些人 比狗還要兇狠 攻擊性絕對比狗危險

同是鄰居 應該融洽相處 守望相助 養寵物住戶唔好俾到麻煩別人 其他住戶都唔應該撩交嗌; 攻擊別人 咬住人唔放 與咬人的狗何異?

有人真的好怕狗 大家就要互相遷就一下 講話怕狗 主人就抱起寵物唔好俾佢係地下行

家長亦要睇緊D 細佬仔 唔好俾佢地嚇 or 搞人地隻狗 唔係狗就係會吠來兇敵人保護自己的 嚇親細路仔就弊

事實係 有D 細路甚至大人 有時仲唔聽話過 D 寵物 ...

寵物狗我唔怕 但好怕D 流浪狗 ...

好多人將 寵物狗 = 流浪狗 所以好驚...

---

作者: hktakpo    時間: 2009-4-5 20:42:09

好似我咁 連狗腳步聲都要投訴真係冇野好講呢度隔音差都冇辨法唔通要隻狗係屋企著鞋咩 !!

---

作者: diedsee    時間: 2009-4-5 23:37:32

係 呢到係唔可以養 但點解仍然有咁多人養緊呢?

我都有養 而且好肯定我養之前有"人"講過比我先養 但家下呢個"人"又反口唔比養 既然佢話公契唔比 點解當初又話比? 當初佢憑咩比人去養?

我都遇上呢種人 係 你唔高興見到狗就厲我 攪到我今時今日咁 搬又唔搬唔成 咁我可以厲邊個??? 搬有幾難 你買左我層樓lor!!!!!!!!!!!

我真係唔明 點解呢個問題推晒嚮主人身人 乜果個"人"冇錯咩 點解佢唔公開話自己錯在先攪到今時今日咁!!!!!!!!!!!!!!!!

---

作者: Ayany    時間: 2009-4-6 12:23:07

diedsee:請問果個"人"係邊位??

肥度: 你所講是真的嗎?如是真我地係吾係可以要求管理署撕走LIFT 口張告示?

---

作者: dracula    時間: 2009-4-6 22:03:13

最憎呢D人 :x 係我就打佢一鑊

---

作者: 肥度    時間: 2009-4-6 22:27:01

[quote:57a59ffb2e="Ayany"]diedsee:請問果個"人"係邊位??

肥度: 你所講是真的嗎?如是真我地係吾係可以要求管理署撕走LIFT 口張告示?[/quote]

吾知大家仲記吾記得  >>

diedsee - 星期六 二月 21 2009 5:51 pm
--------------------------------------------------------------------------------
以下係 DMC 的內容:-

Schedule 5 (1)(f)
Not to keep or bring onto the land or the Development any animal except:

(i) as permitted from time to time by the Development Rules or by the Manager; or

(ii) under the following circumstances:
(1) & (2) 都係有關 commercial accommodation 所以唔打喇

以上 (i)同韻濤居相近 而且的而且確係寫 "animal"!!!!!!!!!!! 仲有一點 DMC 係寫住 "except as permitted from time to time ... by the Manager" 即係同韻濤居相近啦

仲有當年的明報亦有報導:-
此外，和黃及長實合作發展的青衣藍澄灣，雖然屬服務式住宅，但和黃發言人表示，原則上只要不被其他業主或住客投訴，是可以飼養寵物。

---

作者: Ayany    時間: 2009-4-7 10:08:12

其實我哋可以揾多d 理據同管理署傾如果吾只剩係吾可以養狗咁管理署成日放d 告示出嚟係吾係可以告佢哋"其"示??一日吾解决一日都要鬼鬼祟祟去放狗養狗養到好似犯罪咁....我聽聞有一户就快因養狗而釘契大家再吾行出嚟下一個就可能係自己....

---

作者: Animal Lover    時間: 2009-4-7 13:09:06

其實當年賣樓花時 售樓書有冇寫明唔準養動物..

---

作者: diedsee    時間: 2009-4-7 13:41:45

呢到我業主本身唔齊心 而家狗主們都係 protect 緊自己的兒女 點都要齊心小小 我覺得呢一刻自問係人家小題大造而被投訴的狗主可以先出信去滾你處投訴 :-

1) 點解只針對狗 而唔係 "animal" 公契指明係 animal 點解告示只係針對狗 咁即係唔係根公契做嘢啦!!!!!!!!!!

2) 如果係因為狗隻騷擾人 我可唔可以以同樣理據去投訴騷擾到人的人or 製造嘈音的人 (如開大hifi的人 打麻雀的人 喊唔停的小朋友)  而有關 dept 可以出返張告示 "不准開大 HiFi" 呢?

3) 明知狗的本能反應就係吠 有人嚮門外製造聲音 or 拍門緊係吠大聲 d 啦 明屈遮

4) 法律上疑點利益歸於被告 狗主係被投訴者(被告) 但滾你處有冇設身處地去考慮狗主的難處 係唔係一定係狗主問題而投訴者一定係冇問題呢?  投訴者有冇針對的成份呢? 滾你處當初有冇錯呢?

5) 對於有問題的狗 我相信冇人反對 但可否不要一竹篙打一船人呢?

---

作者: Animal Lover    時間: 2009-4-7 14:45:14

其實藍澄灣有冇業主立案法團架?

Quote -
業主立案法團：是根據香港《建築物業管理條例》代表全體業主物業管理權益而成立的法人社團。它能夠獨立行使民事權利，承擔民事義務，有單獨的訴訟權利，代表全體業主管理公共地方，有權聘或解聘物業管理公司。
Unquote-

---

作者: 肥度    時間: 2009-4-8 00:49:36

藍澄灣係服務式住宅...業權分佈同普通屋苑吾同...所以成立既機會幾細...
另外...管理公司只可以靠嚇...養狗做成既問題...應該只係罰錢了事...要釘契...吾係咁簡單...要證明到你既行為
1)影響到屋宇結構上既安全
2)做成大部分業戶既不便
3)違反左香港刑事法. 註:嘈音問題好似係民事..所以...無得因此被釘.

以上都係一小部例子....

---

作者: Animal Lover    時間: 2009-4-8 12:03:02

管理處有冇權向法庭申請禁制令禁止狗狗存在係我買左ge單位(私人地方)呢..

Not to keep or bring onto the land or the Development any animal except:
(i) as permitted from time to time by the Development Rules or by the Manager; or ..
有冇寫後果會點?

diedsee: 請問係唔係有人permit過你? Do you have the proof?

---

作者: Tomato    時間: 2009-4-11 02:04:07

公公婆婆 今日先睇到 唔好難過! 呢D人係無家教 無教養 唔好為呢D人唔開心~~我帶樂比落街都比人"SHIT"過 真係唔明點解D人D眼耳口鼻可以咁得閒 同一時間可以做咁多無謂野!

你今次做得好0岩 不同地方GE狗主都遇過呢D問題 大家GE解決辦法都係忍 由佢發神經 你一旦出聲鬧佢 就中左佢圈套 其實佢都係想挑起你情緒 跟住佢就會話你打佢啦 你狗狗咬佢啦...等等!! 有閉路電視影住佢0架 你可以反告佢騷擾你....或者下次落街帶埋手機 影低佢個顛樣!!!

---

作者: saga    時間: 2009-4-16 12:03:52

[quote:09f9fd0557="hktakpo"]好似我咁 連狗腳步聲都要投訴真係冇野好講呢度隔音差都冇辨法唔通要隻狗係屋企著鞋咩 !![/quote]

試下放多D 厚窗簾 地墊 牆紙 ~
好多布同膠同不光滑的野都吸聲 ~~

以前住 hall 兩間一樣既房 一個好應聲 一個唔應聲 分別係室內的東西

---

作者: annieannie    時間: 2009-4-20 17:55:13

[quote:01b8e114fb="Animal Lover"]管理處有冇權向法庭申請禁制令禁止狗狗存在係我買左ge單位(私人地方)呢..

Not to keep or bring onto the land or the Development any animal except:
(i) as permitted from time to time by the Development Rules or by the Manager; or ..
有冇寫後果會點?

diedsee: 請問係唔係有人permit過你? Do you have the proof?[/quote]

咁即係話，一定要管理公司同意，我地呢度先比養狗?
咁diedsee你以前係咪有收過佢地的同意書?

---

作者: diedsee    時間: 2009-4-21 13:13:18

[quote:ab0932c420="annieannie"][quote:ab0932c420="Animal Lover"]管理處有冇權向法庭申請禁制令禁止狗狗存在係我買左ge單位(私人地方)呢..

Not to keep or bring onto the land or the Development any animal except:
(i) as permitted from time to time by the Development Rules or by the Manager; or ..
有冇寫後果會點?

diedsee: 請問係唔係有人permit過你? Do you have the proof?[/quote]

咁即係話，一定要管理公司同意，我地呢度先比養狗?
咁diedsee你以前係咪有收過佢地的同意書?[/quote]
我都想收...

---

作者: annieannie    時間: 2009-4-21 13:41:10

咁點解之前肥度又話可以養嘅?
咁當年買樓花時，又有無白紙黑字話唔比養?

---

歡迎光臨 藍澄灣業主社群 (http://rcrest.bzone.com.hk/Discuz/)

Powered by Discuz! X2