藍澄灣業主社群

標題: AM730 - RC樓盤報導 [打印本頁]

作者: Eddy Lam 時間: 2008-1-12 09:28:40 標題: AM730 - RC樓盤報導

噚日(Jan 11)份AM730有講RC樓盤原來最近升番唔少...

http://www.am730.com.hk/old_issues_details.asp?id=20080111

作者: Hotcake 時間: 2008-1-12 14:14:23

唔怪之得近排d地產成日打黎問賣唔賣啦 :idea:

作者: hktakpo 時間: 2008-1-14 17:45:46

638 低層酒店景銀行估價都過 200 萬

作者: 公公婆婆 時間: 2008-1-14 21:50:15

真係升左好多，話200萬樓下的2房單位得番2間！

:

藍澄灣200萬元以下物業「最後召集」

資深投資者把握機會 195萬元購連租約單位

中原地產藍澄灣分行經理彭少忠表示，青衣區藍澄灣樓齡新呎價卻低水，備受買家追捧。1月迄今已錄得約20宗成交，呎價亦不斷上升，令售價200萬以下放盤買少見少。日前一名投資者，不睇樓以195萬元藍澄灣連租約單位作長線投資，態度爽快，成功趕上「尾班車」。

藍澄灣6座低層A室，面積638呎，以195萬元連租約易手，呎造3056元。現租約已屆「生約期」，每月租金為7800元，若更新租約後，租金提高至9000元，租務回報率達5.5厘。買家為一名投資者，於青衣區已擁有數個物業，有感藍澄灣低水，租務回報高，故於該屋苑物色投資單位。一直集中約看200萬以下物業，見上述單位符合其要求，不睇樓便即時決定購入單位，態度爽快。

彭氏補充，不少原本開價200萬元之業主已表示反價，令現時藍澄灣僅餘2個放盤開價為200萬元以下。然而市場上不少買家仍搜尋200萬元以下之物業，以便減免釐印開支，故預料於本月下旬，藍澄灣200萬元以下單位將出現「零放盤」。

作者: vivian 時間: 2008-1-15 10:55:25

終於都有今日喇!

(不過咁，有得睇，無得食，賣左呢樹，訓街咩，外邊咁貴，點追丫!!) :dead:

作者: grassman 時間: 2008-1-15 11:11:49

[quote:59d4afcc7c="vivian"]終於都有今日喇!

(不過咁，有得睇，無得食，賣左呢樹，訓街咩，外邊咁貴，點追丫!!) :dead:[/quote]

我以為你已經搬左添！

作者: vivian 時間: 2008-1-15 11:34:36

[quote:46f43a6fbb="grassman"]我以為你已經搬左添！[/quote]

點捨得呢庶~

(風大雨大，搬得去邊丫!! :dead: )

作者: grassman 時間: 2008-1-15 12:19:56

人之所以痛苦，在於追求錯誤的東西。

阿彌陀佛！

作者: vivian 時間: 2008-1-15 12:56:50

人之所以痛苦，在於追求錯誤的東西。

咁玄既~ :em18:

大師所指"錯誤的東西"係指 -----> 留戀呢庶？

定係 -----> 另覓"新歡" (new home) ？

ops:

作者: grassman 時間: 2008-1-15 13:21:39

贈多你一句！

動即是不動，不動即是動，此乃不二法門！

樓價沒動，有動亦只是人心在動。菩提本無樹明鏡亦非台;本來無一物何處惹塵埃。

作者: vivian 時間: 2008-1-15 13:25:39

謝謝了，唔知你講乜!

算啦~ 都係收線。 :dead:

作者: grassman 時間: 2008-1-15 13:28:44

作者: Suzuki 時間: 2008-1-15 17:19:06

[quote:063aa0cc9d="grassman"]贈多你一句！

動即是不動，不動即是動，此乃不二法門！

樓價沒動，有動亦只是人心在動。菩提本無樹明鏡亦非台;本來無一物何處惹塵埃。[/quote]

GM want to point out that the exchange rate of USD to other currency was drop a lot. But HK is still keep the ratio of 7.8. So that even the price of our property is rasing up. But actually it is no any moving..

Am I catch you meaning? Master GM!.

作者: Jeffrey Shirley 時間: 2008-1-15 17:48:22

我估佢意思係：
層樓賣得高又點吖，買番另一層新樓既時候又一樣係貴左。

而我個見解，只有擁有兩層樓既人 (其中只有一層自住的話) 先有資格享受樓價升。 :wink:
我地始終貴賣貴買，其實無分別。 :dead:

作者: grassman 時間: 2008-1-15 18:01:40

[quote:d43c3fb8f8="Suzuki"]GM want to point out that the exchange rate of USD to other currency was drop a lot. But HK is still keep the ratio of 7.8. So that even the price of our property is rasing up. But actually it is no any moving..

Am I catch you meaning? Master GM!.[/quote]

HeHe! 無Model Answer o既，由你演譯出來又說得通的，就係good point。

人之所以痛苦，在於追求錯誤的東西。
動即是不動，不動即是動，此乃不二法門！

呢兩句是在禪書抄落黎，睇得明就明，唔明都無乜所謂。

作者: grassman 時間: 2008-1-15 18:13:46

[quote:7dcd99ed79="Jeffrey & Shirley"]我估佢意思係：
層樓賣得高又點吖，買番另一層新樓既時候又一樣係貴左。

而我個見解，只有擁有兩層樓既人 (其中只有一層自住的話) 先有資格享受樓價升。 :wink:
我地始終貴賣貴買，其實無分別。 :dead:[/quote]

同我諗的差唔多啦！貴賣貴買，動即是不動！

呢句呢？
人之所以痛苦，在於追求錯誤的東西。

作者: vivian 時間: 2008-1-15 19:33:11

故作玄虛，似是而非，轉灣活角，無意思丫。

係果句就講果句囉!

都係果句，如果呢庶有些微升，點都係好事，至少證明呢庶有價有市，點會唔係好事呢？

但係，亦唔係咁天真，以為升了就等於即刻賣賺錢，呢家要住一層全新的樓，你無三百個都唔洗入場。要賣樓/換樓，除非你有第二層樓，或者住第二區遠些平些，又或者有本事買貴d/供多d.

係人都知呢個道理，唔洗估估下。

03年買的時候已經好平，假如呢家沒有跌破當時個價，住左3年，其實已經賺左!

作者: grassman 時間: 2008-1-15 21:30:20

唉呀！都話係禪語，禪語都係似是而非架啦！
書裡面有一句先係至尊無上，
禪曰:[十言九中，不如一默。]
我未去到，去到我就無野講咧。

我無講我的想法是因為書中有講，法是要自己悟出來的，不是人授的，所以答案自己想通就可以了，因這是你的道。

[不二法門]呢句唔講啦，要自己睇書先得，因我都唔係好通！(同埋我開始時都唔係想講呢句。)

人之所以痛苦，在於追求錯誤的東西。係你改(風大雨大，搬得去邊丫)之前o個句令我想起的(但已經唔記得你寫了乜)。我自己諗:要搬，先要知點解要搬，追求D乜野；唔搬，又同你追求o既野有冇關係。自我而言，住屋是求安居，如果有更好的地方更安居，唔洗等RC升啦，即走！因為既然是更好，令你開心都賺返啦，而且更好的地方當然都會升啦，相反知道有更好的地方後，原本住RC OK的你會變得似屈就住在RC。(P.S. 更好的地方不單指新屋大小、環境、價值，還要計埋你整體的生活水平，例如平常每年可外遊一兩次但在新環境就不能負擔了，屋大財薄這樣就不是更好的地方。)

層樓平定貴，對未想搬既我，直情無興趣知，不喜亦不惡，不舒亦不痛。有D鄰居曾跟我講話我買得貴，但我現在仍然冇乜感覺！

講到尾，要知自己追求乜，再揀搬或唔搬，一定要將來開心過宜家。如果你層RC唔係投資用的，樓價升跌，不應該是去或留的先決條件，亦不是快樂或悲傷的原因。

作者: vivian 時間: 2008-1-15 22:20:57

我之前係寫："不過，有得睇，無得食，風大雨大，搬得去邊丫"

我厭頭兩句太粗魯，所以刪了。大概是這樣。

我係想表達，雖然RC樓價升了，但亦不能太自喜，因我深明，RC升，外間(其他樓)也是升，邊有得搬呢？

無啦啦你話："人的錯誤係追求乜乜乜......" 好似同個topic唔設合，亦唔apply我身上。

我無追求乜乜乜....... 我只係話，終於等到今天喇，因為RC終於升了，都應該係好事丫! 但我，就不會搬，因為外邊太貴。就係咁。

唔明點解要"悟出"咁多佛理來，還要"阿彌佗佛"，才令我摸不著頭腦。

作者: Jeffrey Shirley 時間: 2008-1-16 01:00:27

每個人對事既方法同感覺都吾一樣，自己開心最緊要。
就算 RC 升左，自己未必因此而獲利都好，亦可以因為自己投資得利而開心。

事情睇得簡單 D ，吾需要諗太多，人就會樂在其中。

自己而言，今年去留都諗左幾轉，樓價亦是眾多因素之一，不過最後都繼續留番係到。不過我留低在此生活並不覺得不開心。我會咁睇：人生中眾多選擇，每個決定都有利弊，自己接受得來就可以喇。 :wink:

作者: grassman 時間: 2008-1-16 09:51:12

係呢句咧 "不過，有得睇，無得食"，明明係開心事，但知道後又好似有D謹謹予懷，這樣是否苦了自己呢？

作者: Jeffrey Shirley 時間: 2008-1-16 10:48:41

[quote:31110652d2="grassman"]係呢句咧 "不過，有得睇，無得食"，明明係開心事，但知道後又好似有D謹謹予懷，這樣是否苦了自己呢？[/quote]
男同女既處事方法有時會好吾同，何況 vivian 可以簡佢既態度同處事方法。好多事沒有全對或全錯之分，作出選擇時就會有所取捨，其中亦有所失亦是必然，未必人人心情都能平伏，更何況用手寫出或用口講出可能會心情更好呢！
而且每個簡自己既路，就會有佢要面對既事，這是因果。

........何必找尋一個同自己見解一樣的世界呢？！
........更何況其實這個世界已經在你心內。

作者: kk-in-hk 時間: 2008-1-16 15:38:01

人之所以痛苦，在於追求錯誤的東西。
動即是不動，不動即是動，此乃不二法門！
樓價沒動，有動亦只是人心在動。菩提本無樹明鏡亦非台;本來無一物何處惹塵埃。

小弟原本第一次路過這文章看到有這麼好的佛理時眼前一亮. 怎麼現在卻變成這樣? 希望你們不是在罵戰吧. :hit:

首先原作者應該不是出於"攻擊"什麼人吧. 大家千萬別傷了和氣才好.

- "人之所以痛苦，在於追求錯誤的東西。"

記得最近一輯"向世界出發"曾志偉的一輯當中有一段很刻骨銘心的 :
"人們買了一部新車回家開開心心的可以當用過車之後一發現弄髒車廂之後一面很心痛 :em01: 另一面又不准:em16:別人不小心弄髒車廂 :em05: . 這樣的心態到底'買車是為了什麼?'車子買回來原本是打算服侍自己的可是到頭來卻是自己去服侍車子! 誰是主人家呢? 車? 還是'人'?" :?:
這一段話跟上面的一句道理是一樣的. 原本想買東西回來讓自已享受 :face13: 可是卻又偏捨不得它折舊白梳化弄髒之後心痛得想殺人 :twisted: 的人多的是可是他們買白梳化的原始目的是什麼呢

ops:  他們卻早已忘掉了只給眼前所見的蒙蔽了.
當初為什麼買樓呢? 住屋需要? 投資保值? 為什麼選 rc? 環境? 設施? 樓價? 近家人? :?:
現在樓價較早幾年時候升了如果當初原本打算是"投資保值"的便開心不已. 不過如果原本只想買來自住又喜歡它的環境景觀...etc的話那麼樓價的升跌都不用介意只需要注意是否供得起便可以了 :em04: . 而如果當樓價升了又想放賣的話你只不過是認為"價值"這一項比較重要而已跟追求"舒適"(或其他)的朋友沒兩樣 - "追求的東西"不同而已.  :detective 只要認清自己所愛所想便可以了 :yeah:  - 不喜歡弄髒白梳化的可以在它買回家之後給它套個透明套放好一邊不拿來坐而拿來欣賞也許就是原本想"追求的東西" 也不用介意別人怎麼看 -坐地下或者另一張梳化不就解決了嗎? 自己喜歡就好了.

- 樓價沒動，有動亦只是人心在動

對"樓價"本來就是"空"的它根本不存在於世它之所以存在正正就是你我的"心在動".
試想想假設全rc所有業主全部所有人都不打算買賣rc 那麼rc的"樓價"便不會存在它就是"空"的.
好了現在有人心動起來想買賣 "樓價"便隨人心而動它的升升跌跌都只起因於"人心" 大家都想要它便升相反便跌 - 完全是由"人心"所控制.

師兄這幾句話確很禪!  :idea:  日後請多多指教!
阿彌陀佛!

註 : 小弟只是路人一名原意是想分享當中佛理而已得罪莫怪!

作者: grassman 時間: 2008-1-18 14:54:41

非常詳細，這與我的意思一樣。

說回來，大家都係吹吹水，聊聊天，道理講就易，
所謂"知易行難"，炒兩句書，唔代表自己做得到，
如佛家所言：["懂法"，不等如"悟法"。]

作者: unicorn 時間: 2008-1-18 23:28:09

中原有2把口
對賣家就叫淡
對買家就唱好

:
佢出晒口幫我地吹水
原因一定同... 排隊有關即係輪到青衣BRANCH出POST
BUT 選RC 唔吹浩景盈翠點都有D 啟示
一來真係可能開始炒落後
2來如果唔向買方吹下水 C先生都幾難去貨
WHY?
豬肉都炒起埋啦唔通叫我地 170賣間屋出去

:
如果我地夾平夾賤賣左真係肯定目訓街

:
無論如何呢度沃得慢就係事實
之不過青衣區內如果冇新SUPPLY
而不段有新婚夫婦DEMAND
慢慢個價點都要上

:
而且無論如何RC租值好似升得快過賣價
SO 中長線我都睇好 8)

歡迎光臨藍澄灣業主社群 (http://rcrest.bzone.com.hk/Discuz/)