藍澄灣業主社群

標題: 新業主的疑問 [打印本頁]

作者: Uncle O 時間: 2007-5-21 00:18:00 標題: 新業主的疑問

家父剛搬到藍澄灣，發現了幾個問題：

1. 廁所的抽氣扇好污糟，我想知有冇人會清潔佢架？我幫個抽氣線加了一些膠帶，咁轉起上黎先至唔嘈。

2. 廚房抽氣在黃色暴雨下漏水，誰人試過這情況？有甚麼方法解決？我發現可能係有粒鑼絲拉歪左個框，先至會漏水，但係又拆唔到粒鑼絲

3. 業主說明書話有暗喉裝喇叭線，位置大約係點架？

4. 抽油煙機實在太弱上手好似無洗過咁勁油但只能拆到個兩塊網其他部份有冇得拆?

5. 爐頭後的玻璃已離位，已用玻璃膠搞點，不過有點不放心，唔知背後會有啲乜。

6. 幾個身抱投訴個廚房水龍頭位置太入洗碗唔方便要伸到隻手好長。

作者: gp 時間: 2007-5-21 23:47:36 標題: Re: 新業主的疑問

[quote="Uncle O"]家父剛搬到藍澄灣，發現了幾個問題：

1. 廁所的抽氣扇好污糟，我想知有冇人會清潔佢架？我幫個抽氣線加了一些膠帶，咁轉起上黎先至唔嘈。
=>係要自己洗! 管理處教用吸塵機去吸下d污糟o野後抹下就得.
2. 廚房抽氣在黃色暴雨下漏水，誰人試過這情況？有甚麼方法解決？我發現可能係有粒鑼絲拉歪左個框，先至會漏水，但係又拆唔到粒鑼絲
=> 當年收樓後好多人都遇到同一問題結果管理處幚住戶於抽氣扇外加塊板

作者: diedsee 時間: 2007-5-22 18:45:09 標題: Re: 新業主的疑問

家父剛搬到藍澄灣，發現了幾個問題：

1. 廁所的抽氣扇好污糟，我想知有冇人會清潔佢架？我幫個抽氣線加了一些膠帶，咁轉起上黎先至唔嘈。冇咩特別方法我都係就咁洗

2. 廚房抽氣在黃色暴雨下漏水，誰人試過這情況？有甚麼方法解決？我發現可能係有粒鑼絲拉歪左個框，先至會漏水，但係又拆唔到粒鑼絲我冇呢個問題唔識答

3. 業主說明書話有暗喉裝喇叭線，位置大約係點架？唔知

4. 抽油煙機實在太弱上手好似無洗過咁勁油但只能拆到個兩塊網其他部份有冇得拆? 唔知但我都想知

5. 爐頭後的玻璃已離位，已用玻璃膠搞點，不過有點不放心，唔知背後會有啲乜。唔知

6. 幾個身抱投訴個廚房水龍頭位置太入洗碗唔方便要伸到隻手好長。係呀呢個可以自己加條喉

作者: 一家四口 時間: 2007-5-23 18:50:21 標題: Re: 新業主的疑問

diedsee 就咁洗即係點洗呀拎開個蓋然後可以直接用水洗? 可以用花灑沖水洗? 會唔會漏電架? 真係唔知點洗可否教埋我呢?? :detective

作者: Eddy Lam 時間: 2007-5-23 21:41:26

3. 業主說明書話有暗喉裝喇叭線，位置大約係點架？
咪係客廳兩邊牆身中間近地腳線個位囉

作者: milk 時間: 2007-5-25 14:02:43 標題: Re: 新業主的疑問

[quote:21d37fb62e="一家四口"]diedsee 就咁洗即係點洗呀拎開個蓋然後可以直接用水洗? 可以用花灑沖水洗? 會唔會漏電架? 真係唔知點洗可否教埋我呢?? :detective[/quote]等我多嘴o黎答o下妳！

將個蓋拉落少少就會見到左右兩邊各有兩條鐵線，o的鐵線主要係將個蓋定位，
用o的力將各兩邊o既鐵線夾實，咁就可以拎到個蓋落o黎o架喇，
到時妳想點洗個蓋都得啦，而抽氣扇內膽就一定要用布抹先得喇，
抹之前最好帶個口罩先，如果好似我咁怕麻煩o既就記住抹之前吸一大啖氣喇！

抹之前記住關抽氣扇呀~

作者: Uncle O 時間: 2007-7-3 22:22:48

個喇叭線位搵到啦，裡面有條黃色尼龍線，但咁就有另一個問題，要預幾長的喇叭線先夠呢？因為真係唔知條喉點走。

先日幫阿爸鑽牆裝窗簾路軌（真係唔明老人家，買間樓乜都唔整就搬入去），發覺啲牆好容易鑽，但我住係居屋啲牆實到不得了。

歡迎光臨藍澄灣業主社群 (http://rcrest.bzone.com.hk/Discuz/)