piggy 發表於 2011-6-23 23:44:32

請勿打尖!!!!!!!

已無數次見返工時間排隊等小巴時，一人排2個位! 即一人先排對，好耐之後另一家人趕到然後打尖。試過前面有兩pair人都係咁，即前後共兩個人打尖!!!!!:@

如果唔想遲到，唔該早d出門。自己遲出門又要打尖，害到比你早出門但因你打尖而要搭下一班車個位真係好無辜!
有一對couple最離譜，老婆先排，老公其後趕到就打尖，離遠見到朋友剛落樓竟叫個朋友跑快d一齊上車，但後面條對成條龍咁長。呢3位，我已見過最少3次係咁，一個排三個位!!!!{:3_47:}


拜託! 大家自律0下，唔想遲到，唔該早d出門! 更加唔好再叫埋朋友一齊，當賣人情 !!!!!!

klmandy 發表於 2011-6-24 13:27:54

保安員做乜唔出聲, 投訴佢:call:

piggy 發表於 2011-6-25 22:21:27

唉~，有機會留意0下d打尖人士個樣。佢地理直氣狀咁行埋去，連一句"唔好意思"都無，厚面皮到咁，保安員都俾佢地吹漲!!! 最好笑係1個排3個0個位太太，無耐前先叫個遊客排隊.........我O晒咀......{:3_69:}

sinyee_829 發表於 2011-6-29 11:34:27

有個(馬尾)女人，排住等老公，又再用電話吹個朋友快D落黎打尖，結果一人排3人上車，又有個成日叫工人排住隊，跟手個男主人落黎移形換影，邊個做法衰D ?

莊生bb 發表於 2011-6-29 21:03:53

日日都有幾個係咁喇....:@...真係吹脤....但又唔想難為保安員....

piggy 發表於 2011-6-29 23:39:17

個人意見，"叫工人排住隊，跟手個男主人落黎移形換影"，一個換一個，可以接受。但一個工人排，換來2個主人上車，咁就唔0岩數。
試諗0下，排隊時眼見有3個工人排，自然會諗換3個主人，計過時間應該好快上度車的話，我會照排。點知準備上車先知道每個工人都係換2個主人，即3個變6個，就因為咁上唔到車，失晒預算，你話係咪累街坊？

chowchow 發表於 2011-7-10 12:30:22

提議管業處貼通告勸住客勿1換2或1換3吧

os_ecu 發表於 2011-7-20 09:31:12

有人幫手排隊又好難話叫人一換一喎.

piggy 發表於 2011-7-20 21:41:20

有幾難 ????呢樣係普通不過既道理、好基本既manner。如果前面有8個人係１個換２個、即8個變16個，咁本來排第90個位嘛因為ｄ人自私(遲出門)而上唔到車。點講得通呢？ｄ人成日鬧自由行打尖，1個換2個嘛又係等如打尖。點可以有口話人無口話自己呢。如果"好難話叫人一換一"係指唔知點開口指責，咁我明，因為通常0個ｄ人都面皮成尺厚，彩你都傻咁款！

肥度 發表於 2011-8-5 00:46:20

如果...88F 可以加多幾班...好似88G 咁密...就吾會有人CARE 俾人打一兩位尖啦..
頁: [1] 2
查看完整版本: 請勿打尖!!!!!!!