美景bbq食後報告
講緊既係果間秦式餐廳,我星期日去咗幫襯.間野店面細細,食之前完全不抱期望.
結果試咗:
珍多冰6/10 - 椰汁味夠,不太甜,可惜佢唔係用泰色飲品用既綠豆粉整既粒粒而係用o車o厘...真係嚴重扣分
木瓜絲沙律(1粒辣椒,佢話最多3粒)7/10 - 木瓜絲爽度合格;個汁都算夠辣(因為太太唔係好食得辣,所以要1粒),不過可以再酸d;略嫌不足既係花生唔夠多,食落唔夠多層次
泰式拼盤(細)8/10 - 有2件春卷,一件蝦餅,2串串燒,當中串燒味道最佳;春卷皮亦炸得夠脆,蝦餅食落同九龍城既差不多,係細件d,不過一個盤$28,ok有餘,扣兩分係個沙o地汁唔夠濃.
香茅豬扒飯7/10 - 扒無乜香茅味,可能因為佢用咗個沙o地汁淋面...有d失望...不過勝在夠淋,拎返d分
總結:如果大家唔想煮,但又唔想去太遠食飯,都可以一試.
btw,有無人試過樓下大快活新果個自己整鐵板呀?行過好似幾好咁喎. 佢o既燒則魚, 我次次去都會叫, 幾好食 我就覺得冬蔭功湯好啱胃口....
仲有金菇牛肉串燒... 一流
頁:
[1]